Thursday, April 30, 2009

3S "Swine Flu, Stockpile, Singapore"

အခုလို တစ်ကမ္ဘာလုံးက တပ်လှန့်ထားရတဲ့ အခြေအနေ ရောက်နေတဲ့ ၀က်တုပ်ကွေးနဲ့ ပတ်သက်လို့ စင်ကာပူမှာ ဆေးဝါးများ သိုလှောင်ထားမှု အခြေအနေကို ကြည့်ရအောင်လား။

အကယ်၍ ၀က်တုပ်ကွေး ရောဂါ ကျရောက်လာခဲ့ရင် ကုသရာမှာ အသုံးပြုတဲ့ ဆေးဝါးများဟာ အလုံအလောက် ရှိပါတယ်။ ဆေးရုံများကိုလဲ အရေးပေါ်ဖြစ်လာခဲ့ရင် ချက်ချင်းကုသနိုင်အောင် ကုတင်များကို အသင့်ပြင်ထားပါတယ်။ Tan Tock Seng ဆေးရုံမှာတော့ အဖျားရောဂါနဲ့ ရောက်လာတဲ့ လူနာသည် ကိုယ်အပူချိန် ၃၈ ဒီဂရီ ဆဲလ်စီးယပ်စ်ထက် ကျော်နေမယ်၊ အသက်ရှုလမ်းကြောင်း အခက်အခဲ ဖြစ်နေမယ်၊ ၀က်တုပ်ကွေး ရောဂါ ဖြစ်ပွားရာ တိုင်းပြည်ကနေ ၇ ရက်အတွင်း ခရီးသွားလာဖူးသူ ဖြစ်မယ်ဆိုရင် ချက်ချင်းပဲ စင်ကာပူ ကျန်းမာရေး ဌာနရဲ့ တုပ်ကွေးဆိုင်ရာ လုပ်ထုံးလုပ်နည်းနဲ့ ရောဂါရှာဖွေရေးများကို စမ်းသပ်မှာ ဖြစ်ပါတယ်။

အကယ်၍ ရှွာေ တွေ့ရှိချက်များဟာ သာမာန် တုပ်ကွေးရောဂါ လက္ခဏာနဲ့ တူညီမှု မရှိပါက Genome Sequence နဲ့ လူနာကို စမ်းသပ်ပြီး လူနာကို ချက်ချင်းပဲ CDC လို့ အတိုကောက် ခေါ်တဲ့ Communicable Disease Center မှာ သီးသန့်ထားရှိမှာ ဖြစ်ပါတယ်။

ကျန်းမာရေး ၀န်ကြီးဌာန၊ ကူးစက်ရောဂါများ ဌာန ဒါရိုက်တာ Dr. Lyn James က ပြောကြားရာမှ “အကယ်၍ ပုံမှန်မဟုတ်သော တုပ်ကွေးလက္ခဏာ ပြသတဲ့ လူနဲ့ တွေ့ခဲ့ရင် ပထမဦးဆုံး သေချာအောင် စမ်းသပ်မှုများ ပြုလုပ်ပါတယ်။ ကျွန်တော်တို့ဆီမှာ လက်ရှိ ဆောင်ရွက်နိုင်တာကတော့ တစ်စိတ်တစ်ပိုင်း စမ်းသပ်မှုများသာ ဖြစ်ပါတယ်။ အဲဒီနောက် ရောဂါဖြစ်စဉ်ကို စစ်တမ်းထုတ်ပြီး Swine Flu ဖြစ်စဉ်နဲ့ နှိုင်းယှဉ်ပြီးမှသာ ၀က်တုပ်ကွေး ဖြစ်နိုင် မဖြစ်နိုင် ကို စစ်ဆေးနိုင်ပါမယ်။”

ကနဦးမှာတော့ ၀က်တုပ်ကွေးရောဂါ ဟုတ်မဟုတ် စစ်ဆေးခြင်းသည် ၇ ရက်ခန့် ကြာမြင့်မှာ ဖြစ်ပါတယ်။ အခု လက်ရှိ စမ်းသပ်ထားတဲ့ ရောဂါရှာဖွေရေး ကိရိယာ တီထွင်ခြင်းများ အောင်မြင်ပါက ဒီ့ထက်ပို မြန်ဆန်စွာ စစ်ဆေးနိုင်မယ်လို့ ပြောကြားသွားပါတယ်။

သုံးပုံတစ်ပုံသော ၀က်တုပ်ကွေး ရောဂါ ကူးစက်ခံရသူဟာ စစချင်းမှာတော့ ဘယ်ရောဂါလက္ခဏာမှ ပြသခြင်း မရှိတဲ့ အတွက် ရောဂါဖြစ်ပွားရာ တိုင်းပြည်များဆီသို့ သွားလာခဲ့သူ ပြည်သူများအနေနဲ့ ရောဂါအစပျိုးတဲ့ ကာလဖြစ်တဲ့ ပထမ ၇ရက်အတွင်း အများပြည်သူ လူထူထပ်ရာနေရာများသို့ မသွားဖို့ ကျန်းမာရေး ၀န်ကြီးဌာနက တိုက်တွန်းထားပါတယ်။

၂၀၀၃ ခုနှစ်က ဖြစ်ပွားခဲ့တဲ့ SARS ရောဂါအတွက် ကုသနိုင်မယ့် ဆေးဝါးများ မရှိခဲ့ပါဘူး။ ယခုအခါမှာတော့ Tamiflu , Relenza အစရှိတဲ့ ဆေးဝါးများဟာ Swine Flu ဖြစ်တယ်လို့ သေချာခဲ့ရင် ၄၈ နာရီအတွင်း ထိရောက်စွာ ကုသနိုင်တဲ့ ဆေးဝါးတွေ ဖြစ်တယ်လို့ သတ်မှတ်ထားပါတယ်။

Tamiflu ဆေးဝါးဟာ ကာကွယ်ဆေး မဟုတ်ဘူးလို့ ဆရာဝန်များက တစ်ညီတစ်ညွှတ်တည်း ပြောကြားထားပါတယ်။ စိုးရိမ်တတ်သူ တစ်ချို့က အဆိုပါ ဆေးဝါးကို ကာကွယ်ဆေးအနေနဲ့ ကြိုတင် သုံးစွဲထားလို့ရှိရင် မိမိရဲ့ ရောဂါ ကာကွယ်ရေး ခုခံအား အပေါ် တစ်နည်း တစ်ဖုံ ထိခိုက်နိုင်တယ်လို့ ဆရာဝန်များက သတိပေး တားမြစ်ထားပါတယ်။

စင်ကာပူ ကျန်းမာရေး ဌာနက ထုတ်ပြန်ချက်အရ လောလောဆယ် သိုလှောင်ထားတဲ့ ဆေးဝါး ပမာဏကတော့ Tamiflu = 1.15 million course, Relenza = 50,000 Course အသီးသီး ဖြစ်ကြောင်း သိရပါတယ်။

လက်ရှိဈေးကွက်ထဲမှာ ရောင်းချနေတဲ့ တာမီးဖလူး ဆေးဝါးများသည် Swine Flu ကို ကာကွယ်ရန် လုံလောက်သော အာနိသင် မရှိကြောင်းနဲ့ သုံးစွဲမိပါက ရောဂါပိုးသည် ဆေးယဉ်ပါးမှု ပြဿနာနဲ့ ကြုံတွေ့နိုင်ပြီး ကုသရ ခက်လဲမယ်လို့ သတိပေးထားပါတယ်။

၁၉၁၈ ခုနှစ်က ဒီလို တုပ်ကွေး ဖြစ်ပွားခဲ့ရာမှာ ကမ္ဘာသူ ကမ္ဘာသား သန်း ၅၀ အသက်ဆုံးရှုံးခဲ့ပါတယ်။ အခုလဲ ဒုတိယအကြိမ် တစ်ကျော့ ပြန်လာပါပြီ။ မိမိပတ်ဝန်းကျင်မှာ ရောဂါလက္ခဏာ ကူးစက်မှု လက္ခဏာများ တွေ့ရှိပါက ပေါ့ပေါ့တန်တန် မနေကြဖို့ ဆရာဝန်များက သတိပေးထားပါတယ်။

ဟောင်ကောင်၊ နယူးဇီလန်၊ သြစတေးလျမှာတော့ တစ်ချို့ တွေဟာ မျက်နှာဖုံးများ Masks များ တပ်ဆင်ကာ သွားလာနေတာ တွေ့ရပါတယ်။

Source : CNA

Update :
ကမ္ဘာ့ကျန်းမာရေး အဖွဲ့အစည်းက အဆိုပါ ၀က်တုပ်ကွေးကူးစက်မှုအတွက် တပ်လှန့်ရာမှာ ယခင် အဆင့် ၄ မှ ယခု အဆင့် ၅ သို့ တိုးမြှင့် တပ်လှန့်ထားပါတယ်။ Swine Flu Outbreak သို့ ရောက်ရန် တစ်ဆင့် သာ လိုပါတော့တယ်။

Wednesday, April 29, 2009

Swine Flu Outbreak

အခု စလုံး အစိုးရက ၀က်တုပ်ကွေးနဲ့ပတ်သက်လို့ စိုးရိမ်ရတဲ့ အဆင့် Yellow Alert အဆင့်အထိ သတ်မှတ်လိုက်ပါတယ်။ အစိမ်းကနေ အ၀ါရောင်ပေါ့နော်...။ ကူးစက်ရောဂါ ဖြစ်ပွားတဲ့ လူနာ မရှိသေးပေမယ့် ကာကွယ်ထားတာပါတဲ့။ အိမ်နီးချင်း ထိုင်းနိုင်ငံမှာတော့ မက်ကဆီကိုမှာ ဆယ်မီနာ တက်ပြီး ပြန်လာတဲ့ အမျိုးသမီး တစ်ယောက်ကို တုပ်ကွေး ကူးစက်ခံရတယ် သံသယ ဖြစ်ပြီး သီးသန့်ခန်းထဲ ပြုစုထားပါတယ်...။
နယူးဇီလန်မှာ စပြန့်နေပါပြီ။ သြစတေးလျလဲ ပါနေပါပြီ...။
စင်ကာပူလဲ လူဝင်လူထွက်များတော့ သတိထားနေကြပါ။ အအိပ်မှန် အစားမှန်အောင် လုပ်ကြပါ...။ ကိုယ်ခံအား ကောင်းအောင်နေကြပါလို့...။
သတင်း အကျယ်ကို ဒီမှာ နဲ့ ဒီမှာ သွားဖတ်ကြပါ...။

Update :
(SG STD 8:30 pm 290409)
အမေရိကားမှာ ပထမဆုံးသော ၀က်တုပ်ကွေး ကူးစက်ခံရတဲ့ ကလေး အသက်ဆုံးရှုံးသွားပါပြီ။ တက်ဆပ်စ် ပြည်နယ်က အသက် တစ်နှစ်နဲ့ ၁၁လ အရွယ် ကလေးတစ်ယောက် ဖြစ်ပါတယ်။ ရောဂါကူးစက်ခံရသူ ၆၄ ယောက် ရှိပါတယ်။ နယူးယောက်က ၄၅ ယောက် အပါအ၀င် ဖြစ်ပါတယ်။ မက္ကဆီကိုမှာတော့ လူပေါင်း ၁၅၉ ယောက်ကို ဇီဝန်ခြွေသွားပါပြီ။ နယူးယောက် မြို့တော်ဝန်ရဲ့ ပြောကြားချက်အရ ရာပေါင်းများစွာသော ကလေးငယ်များဟာ ၀က်တုပ်ကွေးရောဂါ ကူးစက်မှုနဲ့ ဆေးရုံမှာ ကုသမှု ခံယူနေကြပါတယ်။ လက်ရှိ ရောဂါပိုး ကူးစက်မှု ရှိတယ်လို့ တရားဝင် သတင်း ထုတ်ပြန်တဲ့ နိုင်ငံများကတော့
၁။ အမေရိကား
၂။ မက္ကဆီကို
၃။ ကနေဒါ
၃။ အစ္စရေး
၎။ နယူးဇီလန်
၅။ စပိန်

စတဲ့ နိုင်ငံတွေ ဖြစ်ပါတယ်။ အာရှမှာ အကူးစက်နိုင်ဆုံးက နိုင်ငံခြားသား ခရီးသည် အ၀င်အထွက်များတဲ့ ထိုင်းနိုင်ငံနဲ့ စင်ကာပူနိုင်ငံ ဖြစ်ပါတယ်။

သတင်း အကျယ်ကို ဒီမှာ နဲ့ ဒီမှာ ဖတ်ကြပါ။

Tuesday, April 28, 2009

စိတ်ခွန်အားပေးတဲ့ သီချင်းနှစ်ပုဒ်



Credit : nahu909yt
Africa မှာ အငတ်ဘေး ကြုံတုန်းက မိုက်ကယ်ဂျက်ဆင်နဲ့ အဲဒီ ခေတ်အခါက နာမည်ကြီး အဆိုတော်များ ရန်ပုံငွေအတွက် မေတ္တာနဲ့ ၀ိုင်းဝန်းသီဆိုခဲ့တဲ့ သီချင်းပါ။ ကမ္ဘာအနှံ့ ဒီသီချင်း ပျံ့နှံ့သွားပြီး အတော်ကို နာမည်ကြီးသွားပါတယ်။ ရန်ပုံငွေလဲ အတော်ရခဲ့ပါတယ်။

မြန်မာနိုင်ငံမှာလဲ ၂၀၀၈ ခုနှစ် မေလတုန်းက ဧရာဝတီတိုင်းဖက်ကို ၀င်ရောက် တိုက်ခတ်ခဲ့တဲ့ နာဂစ် လေဘေးဒဏ်ကြောင့် ဒုက္ခရောက်သူများအတွက် ရန်ပုံငွေဆိုပြီး အိုင်းရွန်းခရော့စ် အဖွက ကိုခင်မောင်သန့်က ကမကထ လုပ်ပြီး ကမ်းလင့်သော လက်များ အမည်ရ သီချင်းခွေကို အနုပညာရှင်များ စုပေါင်း သီဆိုခဲ့ပါတယ်။ မှတ်မှတ်ရရ အဲဒီသီချင်းခွေနဲ့အတူ ပရိသတ်ရှေ့မှာ ပျောက်ကွယ်နေခဲ့တဲ့ ကိုလေးဖြူတစ်ယောက် သုဝဏ္ဏကွင်းမှာ စင်မြင့်ထက်ကို ပြန်တက်ခဲ့ပါတယ်။ အဲဒီ အခွေထဲက အားလုံးစုပေါင်း သီဆိုထားတဲ့ သီချင်းလေး တစ်ပုဒ်နဲ့ မိတ်ဆက်ပေးချင်ပါတယ်။


ကမ်းလင့်မယ့် လက်များ
(Original Version)

Credit : Petertual

ဘောနပ် အနေနဲ့ နောက်ထပ် နာဂစ်သီချင်း တစ်ပုဒ်ကို ဆက်လက် ဝေမျှ ပေးလိုက်ပါတယ်။



Credit : LayLwintThu


နာဂစ် ဒုက္ခသည်များအတွက် အိပ်မက်ဆိုးခံစားခဲ့ရတာဟာ တစ်နှစ်တောင် ပြည့်သွားပါပကောလား။ သူတို့တစ်တွေ ဘယ်အခြေအနေအထိ တိုးတက်မှု ရနေပြီလဲ...။

Monday, April 27, 2009

စုံစီနဖာ ကမ္ဘာတစ်လွှား သတင်းတိုထွာ 270409

  • အမေရိကန်နိုင်ငံမှာ ကျောင်းသားတစ်ယောက် ကျောင်းဘော်ဒါဆောင်ထဲကို ၀င်လာပြီး သေနတ်တဲ့ ပစ်ခတ်တံ အမှု တစ်ခု ဖြစ်ပွားခဲ့ပါတယ်။ အဲဒီလို သေနတ်နဲ့ ပစ်ခတ်ပြီိးတဲ့နောက်မှာ ကိုယ့်ကိုယ်ကို အဆုံးစီရင်ဖို့ ကြိုးစားတယ်တယ် လို့ ဆိုပါတယ်။ အခင်းဖြစ်ပွားတဲ့ အရပ်ဟာ ဗာဂျီးနီးယား ပြည်နယ်၊ Hampton အရပ် ဖြစ်ပါတယ်။ ဟမ်တန် တက္ကသိုလ် အတွင်းက ကျောင်းဆောင်မှာ တနင်္ဂနွေနေ့ မနက်က ဖြစ်ပွားခဲ့တဲ့ ဒီပစ်ခတ်မှုကြောင့် လူသုံးယောက် ဒဏ်ရာရရှိသွားတယ်လို့ ဆိုပါတယ်။ ကျောင်းအုပ်ချုပ်ရေးမှူး ဒေါက်တာ ၀ီလီယံရဲ့ ညနေပိုင်း သတင်းစာရှင်းလင်းပွဲမှာ ပြောကြားချက်အရ အဆိုပါ ကျောင်းသားဟောင်းဟာ ပီဇာ လာပို့သူ နောက်ကနေ ကျောင်းဆောင်ထဲကို မနက် ၁ နာရီလောက်က ၀င်ရောက်ခဲ့တယ်လို့ ဆိုပါတယ်။ အဲဒီနောက် ပီဇာပို့တဲ့သူနဲ့ ကျောင်းဆောင် ညပိုင်း မန်နေဂျာ အရာရှိကို ပစ်ခတ်ပြီး မိမိကိုယ်ကို ပြန်လည် ပစ်ခဲ့တယ်။ လူအသေအပျောက် မရှိခဲ့ပေမယ့် အဲဒီအဆောင်ကို ချက်ချင်းပဲ ရှိတဲ့လူတွေကို ဖယ်ရှားခိုင်းလိုက်ပြီး လုံခြုံရေး ဆိုင်ရာ အစီအမံများ လုပ်ဆောင်ခဲ့တယ်လို့ သိရပါတယ်။ အခင်းဖြစ်ပွားခြင်းမှာပဲ သက်ဆိုရာ သတိပေးချက် စံနစ်ကနေ ကျောင်းသားများထံ သတိပေးချက်များကို SMS, Email များကနေ တစ်ဆင့် အဆောတလျင် ပို့နိုင်ခဲ့တယ်လို့ ဆိုပါတယ်။ အဆိုပါ ပစ်ခတ်သူကို ရဲ အဖွဲ့မှ ထိန်းသိမ်းထားကြောင်း သတင်းရရှိပါတယ်။ ဟမ်တန်ဟာ ရစ်ခ်ျမွန်ရဲ့ အရှေ့တောင်အရပ် မိုင် ၇၀ အကွာမှာ တည်ရှိတာ ဖြစ်ပါတယ်။
  • လူ ၈၁ ဦး သေဆုံးခဲ့ရတဲ့ လတ်တလော ဖြစ်ပွားနေတဲ့ H1N1 အမျိုးအစား Swind Flu တုပ်ကွေးရောဂါ (၀က်ကနေ ကူးစက်တာ ဖြစ်ပါတယ်) နဲ့ ပါတ်သက်ပြီး မက္ကဆီကို ဒေသဆိုင်ရာ အာဏာပိုင်များနဲ့ သက်ဆိုင်ရာများက ဈေးတွေကို မျက်ခြေမပြတ် စောင့်ကြည့်နေတယ်လို့ သတင်းရရှိပါတယ်။ လူအများ သွားလာလေ့ရှိတဲ့ ဘားများ၊ ကလပ်များ၊ ရုပ်ရှင်ရုံများကို ခဏတစ်ဖြုတ် ပိတ်ခိုင်းပေမယ့် ကုန်ထုတ် လုပ်ငန်းများ ထိခိုက်မှာစိုးလို့ တစ်ချို့နေရာက စက်ရုံများကို ဆက်လက် ဖွင့်ပေးမယ်လို့ အစိုးရ အရာရှိများက ပြောကြားပါတယ်။ အခု လောလောဆယ်မှာတော့ မက္ကဆီကို နိုင်ငံရဲ့ ခရီးသွားလာရေး လုပ်ငန်း စတင် ထိခိုက်နေပါပြီ။ နိုင်ငံအ၀ှမ်းမှာလဲ အဆိုပါ Influenza Virus ကူးစက်မှုမှ ကာကွယ်ရန် မျက်နှာဖုံးများ တပ်ဆင်နေကြသလို ကုန်တိုက်များမှာလဲ လူသူ ကင်းမဲ့လျက် ရှိနေတယ်လို့ သိရပါတယ်။ ၂၀၀၃ ခုနှစ်က ဖြစ်ပွားခဲ့တဲ့ ကြက်ငှက်တုပ်ကွေးရောဂါလိုပဲ ကူးစက်နှုန်းနဲ့ အသေအပျောက်များ များပြား ပြင်းထန်တဲ့အတွက် နိုင်ငံတကာက စောင့်ကြည့်နေရမယ့် အနေအထားလို့ ဆိုပါတယ်။ သတိထားကြပါ။ မက္ကဆီကိုက စပြီး ဖြစ်ပွားတာ နီးစပ်ရာ အမေရိကန်နိုင်ငံက ပြည်နယ်များ ဖြစ်တဲ့ ကဲန်ဆပ်၊ ကယ်လီဖိုးနီးယား၊ တက်က်ဆပ်နဲ့ နယူယောက်တွေမှာ ဒီရောဂါ ကူးစက်သူတွေ စတင် တွေ့ရှိနေရပါပြီ။ အဆိုပါ ရောဂါ ကူးစက်ခံရတယ်လို့ သံသယ ရှိတဲ့ လူနာပေါင်း ၁၃၂၄ ယောက်ကို ဆေးရုံတင် ကုသပေးခဲ့ပြီး ၉၂၉ ယောက် ပျောက်ကင်းသွားတယ်လို့ သိရပါတယ်။ မက္ကဆီကို အစိုးရကတော့ အဆိုပါ ရောဂါပိုး ပြန့်ပွားမှုကို ထိန်းချုပ်ဖို့ ကြိုးစားနေကြောင်း ပြောကြားသွားပါတယ်။ ကမ္ဘာ့ဘဏ်ကလဲ မက္ကဆီကို အစိုးရကို ရောဂါတိုက်ဖျက်ရေးအတွက် ကူငွေ ဒေါ်လာသန်း ၂၀၅ သန်းတိတိ ကူညီသွားမယ်လို့ သတင်းထုတ်ပြန်ပါတယ်။ (ဘယ်လို ကူးစက်တတ်တယ်၊ ဘယ်လို ကာကွယ်ရမယ်ဆိုတာကို ဒီနေရာမှာ သွားရောက် ဖတ်ရှုနိုင်ကြပါတယ်။) Source : Bloomberg
  • သီရိလကာင်္မှာ လတ်တလော ဖြစ်ပွားနေတဲ့ တမီးလ်ကျား သူပုန်အဖွဲ့နဲ့ အစိုးရ စစ်တပ်အကြား စစ်ပွဲဖြစ်ပွားပြီး ရက်သတ္တပတ် တစ်ပတ်အကြာမှာ တမီးလ်ကျားသူပုန်များက အပစ်အခတ် ရပ်စဲရေးကို စတင် ပြောဆိုလာပါတယ်။ ဒါပေမဲ့ အစိုးရ စစ်တပ်ကတော့ တမီးလ်ကျားများကို လက်နက်ချရန် တောင်းဆိုနေပါတယ်။ ကြားက မြေဇာပင် ပြည်သူ တစ်သန်းကျော်ကတော့ အစာရေစာ ပြတ်လပ်မှု ဒဏ်ကို ခံရေတယ်လို့ ကုလသမဂ္ဂ မှ ပြောကြားလိုက်ပါတယ်။
  • မန်ချက်စတာ ယူနိုက်တက်က ကစားသမား ရိုင်ယန်ဂစ်စ်ဟာ PFA က ချီးမြင့်တဲ့ တစ်နှစ်အတွင်း အကောင်းဆုံး ဘောလုံးသမားဆုကို ရရှိသွားပါတယ်။ အကောင်းဆုံး လူငယ် အားကစား သမားဆုကိုတော့ အက်စ်တန်ဗွီလာက Ashley Young က ရရှိသွားပါတယ်။
  • ရ၀မ်ဒါနိုင်ငံ အစိုးရကနေ ဘီဘီစီ သတင်းထုတ်လွှင့်မှုများကို ပိတ်ပင်လိုက်ပါတယ်။ ရ၀မ်ဒါနိုင်ငံရဲ့ လူမျိုးတုံး သတ်ဖြတ်မှုများ ပါဝင်တဲ့ အဆိုပါ အစီအစဉ်ကို ထုတ်လွှင့်မှု ရပ်ဆိုင်းခဲ့တာ ဖြစ်ပါတယ်။
  • အစ္စရေးနိုင်ငံက ထွက်ရှိတဲ့ နာမည်ကျော် Jaffa လိမ္မော်သီးများကို အီရန်နိုင်ငံက ဈေးများမှာ ရောင်းချနေတာ တွေ့ခဲ့တဲ့အတွက် ပွက်လောရိုက်သွားပါတယ်။ တစောင်းစေးနဲ့ မျက်ချေးလို့ ဖြစ်နေတဲ့ ကမ္ဘာ့ရန်နိုင်ငံ နှစ်ခုအနေနဲ့ ဘယ်လို ဖြေရှင်းလိုက်သလဲ။ စုံစမ်းစစ်ဆေးမှုများအရ တရုတ်ပြည်က ၀င်လာတဲ့ Jaffa လိမ္မော်သီး အတုတွေ ဖြစ်နေတဲ့ အတွက် ငိုအားထက် ရယ်အားသန်ခဲ့ရတဲ့ အဖြစ်အပျက် တစ်ခု ဖြစ်သွားခဲ့ရပါတယ်။
  • ငွေရေးကြေးရေး အခက်အခဲများကြောင့် မိမိတို့ရဲ့ ကလေး ၃ ယောက်ကို အီတလီနိုင်ငံက စားသောက်ဆိုင် တစ်ခုမှာ စွန့်ပစ်ခဲ့တဲ့ မိဘထဲက ဖခင် ဖြစ်သူဟာ မိမိကိုယ်ကို သတ်သေဖို့ ကြိုးစားခဲ့တယ်လို့ ရဲအရာရှိက ပြောကြားခဲ့ပါတယ်။
  • နိုင်ငံရေး တင်းမာမှုများ ဖြစ်ပွားနေတဲ့ ဂျော်ဂျီယာနိုင်ငံမှာ အတိုက်အခံများက မြို့တော်ကို သိမ်းပိုက်လိုက်တယ်လို့ သတင်းများက ဆိုပါတယ်။
နောက်ဆက်တွဲ။
- (270409 12:30 pm GST+8 hrs) အမေရိကားမှာ ၀က်တုပ်ကွေးကူးစက်ခံရတဲ့ case ၂၀ confrim ဖြစ်လို့ ကျန်းမာရေးဆိုင်ရာ အရေးပေါ် စီမံချက် ဥပဒေ ထုတ်လိုက်ပါပြီ။ အသေးစိတ်ကို ဒီမှာ ဖတ်ပါ။

Friday, April 24, 2009

ကမ္ဘာမြေ ငြိမ်းချမ်းပါစေ။


အခု သုံးလေးရက်အတွင်း သီရိလင်္ကာမှာ အစိုးရ စစ်တပ်နဲ့ တမီးလ် ကျားသူပုန်များ အပြင်းအထန် တိုက်ပွဲ ဖြစ်နေတာကို သတင်းမှာ တွေ့ဖြစ်ကြလိမ့်မယ် ထင်ပါတယ်။ စစ်တပ်က သူပုန်တွေကို ဒီတစ်ခါတော့ အချီကြီး ဆော်ဖြစ်မယ်လို့ ထင်ပါတယ်။

ဖြစ်တဲ့ နေရာက သူပုန်တွေ ထိန်းချူပ်ထားတဲ့ နေရာ ဖြစ်ပါတယ်။ အခုတော့ စစ်ဆင်ရေး အကြီးအကျယ်နဲ့ လုပ်လိုက်တော့ သူပုန်တွေ လဲ ချောင်ပိတ်မိနေပါတယ်။ ချောင်ပိတ်မိရင် ခွေးတောင် ပြန်ခံ ကိုက်တယ်ဆိုတော့ သူပုန်တွေလဲ ရှိသမျှ လက်နက် အင်အားနဲ့ အသေအကျေ ခုခံမယ်ဆိုတာ မလွဲပါဘူး...။

Credit to : Aljazeera

ဒါပေမဲ့ အဲဒီအရပ်မာ နေထိုင်တဲ့ အရပ်သားများဟာ ကြားက မြေဇာပင်တွေ ဖြစ်ပြီး ခုတော့ စစ်ဘေးလွှတ်ရာကို ပြောင်းရွှေ့ ပြေးလွှားနေရတယ်. တီဗွီ သတင်း ကြည့်လိုက်ရင် ပြေးနေသူတွေ လွှားနေသူတွေ တစ်ပုံကြီးပါပဲ။

ဒီနေ့မနက် ရုံးက အလုပ်ကြမ်းသမား သီရိလကာင်္သားတစ်ယောက် မတက်စဖူး အပေါ်ကို တက်လာပါတယ်။ အရင်က အောက်ထပ်မှာ တုန်းက သူနဲ့ နောက်နောက်ပြောင်ပြောင် နေနေကျပါ။ အခု အပေါ်ထပ်ပို ပြောင်းလာတော့ အောက်ထပ်က သူနဲ့ သိပ်မတွေ့ဖြစ်ဘူး။ အိတ်ခ်ျအာနဲ့၊ သူဌေးနဲ့၊ တွေ့ချင်ကြတော့မှ သူတို့တစ်တွေ အပေါ်ထပ်တက်လာတာပါ။

မျက်စိမျက်နှာ မကောင်းလို့ မေးကြည့်တော့မှ အိမ်ပြန်ဖို့ သူဌေးကို ခွင့်လာတောင်းတာတဲ့။ သူတို့ နေတဲ့ အရပ်မှာ စစ်ဖြစ်နေတယ်တဲ့..။ ပြောရင်းနဲ့ ယောကျာ်းကြီးတန်မဲ့ မျက်ရည်တွေ ကျလာလို့ ဘာဖြစ်တာလဲ မေးလိုက်တော့ သူ့ညီငယ်တစ်ယောက် စစ်တိုက်တဲ့အထဲ ရှေ့တန်းပို့တာ ပါသွားတယ်။ မနေ့ညက သေနတ်မှန်လို့ ဆုံးသွားရှာပြီ။ အဲဒါ ပြန်မလို့ ဆိုပြီး ငိုပါလေရော...။

ရင်ထဲ တော်တော် ဆို့သွားတယ်။ ဘာမှ မပြောတတ်တော့ဘူး။ တတ်သလောက် မှတ်သလောက် သူ့ကို နှစ်သိမ့်ပေးလိုက်တယ်။ သူ့ညီအတွက် အလှူငွေ ထည့်မလို့ဟာ အိတ်ထဲမှာ ၅၀ ပဲ ကျန်တော့တာနဲ့ အဲဒီ ၅၀ နဲ့ပဲ ကူလိုက်တယ်...။

စစ်ဆိုတာ ဘာမှ မကောင်းပါဘူး...။


Latest News on Sri Lankar : Click Here and Here.

Tuesday, April 21, 2009

စုံစီနဖါ ကမ္ဘာတစ်လွှား သတင်းတိုထွာ 210409

  • ခြစားမှုနဲ့ တရားစွဲခံနေရတဲ့ အတိုက်အခံပါတီက နိုင်ငံရေးသမား တစ်ယောက်ဟာ တရားရုံးကို လာရောက်ဖို့ ပျက်ကွက်ခဲ့ပါတယ်။ Venezuela မြို့တော်ဝန် ဖြစ်တယ်လို့ သိရတယ်။
  • ကုလ လုံခြုံရေးကောင်စီကနေ Fiji နိုင်ငံက စစ်အာဏာရှင်စံနစ်ကို ရှုံ့ချ ပြစ်တင်လိုက်ပြီး ရွေးကောက်ပွဲ အမြန်ကျင်းပပေးဖို့ တောင်းဆိုလိုက်ပါတယ်။
  • နှစ်နိုင်ငံအကြား တင်းမာနေတဲ့ အခြေအနေကို စေ့စပ်ဆွေးနွေးရန် မြောက်နဲ့ တောင်ကိုရီးယား နှစ်နိုင်ံအကြား ဆွေးနွေးပွဲကို တစ်နှစ်ကြာ ရပ်တန့်ခဲ့ရာမှ ယမာန်နေ့က စတင်လိုက်ပါတယ်။
  • ကျောင်းသားနှစ်ယောက်ရဲ့ အကြမ်းဖက်မှုကြောင့် အပြစ်မဲ့သူ ၁၃ ယောက် သေဆုံးခဲ့တဲ့ ကိုလံဘိုင်း အကြမ်းဖက်မှု ဟာ ၁၀ နှစ်တိုင်ခဲ့ပါပြီ။ အောက်မေ့ဖွယ် အခမ်းအနားများကို ကျင်းပနေကြပါတယ်။
  • ဖမ်းဆီးမိ တရားခံများကို စီအိုင်အေကနေ မည်သို့ မည်ပုံ စစ်ကြတယ်ဆိုတဲ့ အချက်များကို အိုဘားမား အစိုးရအဖွဲ့က ပြည်သူများထံ အသိပေးပြီးတဲ့နောက်မှာ စီအိုင်အေကို အကာအကွယ်ပေးမှာ ဖြစ်ကြောင်း၊ အဆိုပါ စစ်မေးမှုမှာ ပါဝင်ခဲ့သူ စစ်ဆေးရေး အရာရှိများကို အရေးယူခြင်း မရှိပါကြောင်း ထပ်လောင်း အာမခံ ပြောကြားသွားပါတယ်။ အဲဒီထဲကမှ 9/11 အကြမ်းဖက်သမားများကို စစ်မေးခဲ့တဲ့ အမှုနှစ်ခုဟာ လူ့အခွင့်အရေးနဲ့ ကိုက်ညီမှု မရှိဘူးလို့ နိုင်ငံတကာ လူ့အခွင့်အရေး အဖွဲ့က စွပ်စွဲသွားပါတယ်။ အကြမ်းဖက် ခေါင်းဆောင်နှစ်ယောက်ကို ရေမွန်းသည် အထိ ရေထဲနှစ်ချပြီး စစ်ချက်ယူတာ တစ်ယောက်ကို ၁၈၃ ကြိမ်နဲ့ ကျန်တဲ့ တစ်ယောက်ကို ၁၂၀ ကျော် ကျင့်သုံးခဲ့တယ်လို့ စစ်တမ်းမှာ ဖေါ်ပြပါရှိပါတယ်။
  • Oxfam စောင့်ကြည့်လေ့လာရေး အဖွဲ့မှ ရာသီဥတုဒဏ်ကြောင့် လွန်ခဲ့တဲ့ ၆ နှစ်တာ ကာလအတွင်းမှ ထိခိုက်သူ ဦးရေ ၅၀%အထိ ကိန်းဂဏန်းများ ထိုးတက်လာကြောင်း သတင်း ထုတ်ပြန်သွားပါတယ်။
  • နော်ဝေးနိုင်ငံ ရွေးကောက်ပွဲ အကြို နိုင်ငံရေး တိုက်ကွက်အဖြစ် မူဆလင် ဆန့်ကျင်ရေးသမားများက လှုပ်ရှားနေပါတယ်။
  • ယခုနှစ် ပူလစ်ဇာဆု အတွက် The New York Times သတင်းစာတိုက်မှ ရရှိသွားပါတယ်။
  • လိင်တူချင်း လက်ထပ်မှုကို ကန့်ကွက်မိလို့ သူမ Miss USA ဒုတိယဆုသာ ရသွားတယ်လို့ စွပ်စွဲပြောကြားသွားပါတယ်။
  • ရေဒီယို အသံလွှင့်ရုံ နှစ်ရုံကို ၀င်စီးတဲ့ မာဒါကတ်စ်ကာ အဓိကရုဏ်းမှာ လုံခြုံရေးရဲနဲ့ ဆန္ဒပြသူတွေကြား ပဋိပက္ခ ဖြစ်ပွားပြီး အသေအပျောက် ဒဏ်ရာ ရရှိခဲ့တယ်လို့ သိရတယ်။
  • UN ကနေ ဦးဆောင် ကျင်းပတဲ့ Conference on Racism မှာ အီရန်သမ္မတက ပြောကြားတဲ့ မိန့်ခွန်းမှာ အစ္စရေးနိုင်ငံကို ဝေဖန်တဲ့ အချက်ပါရှိတဲ့အတွက် ပြင်သစ်နဲ့ ဗြိတိသျှ သံအရာရှိများဟာ ခန်းမကနေ ထွက်ခွာသွားကြပါတယ်။
  • “အချိန်ရဲ့ သမိုင်း အကျဉ်း” ဆိုတဲ့ နာမည်ကြီး သိပ္ပံစာအုပ်ကို ရေးသားခဲ့တဲ့ အင်္ဂလန်နိုင်ငံသား ပညာရှင် ပရော်ဖက်ဆာ စတီဖင် ဟော့ဖ်ကင်းဟာ ကျန်းမာရေး အလွန်ဆိုးဝါးနေတဲ့ အတွက် ဆေးရုံ တင်လိုက်ရတယ်လို့ ကန်းဘရစ်ခ်ျ တက္ကသိုလ်မှ သတင်း ထုတ်ပြန်ပါတယ်။
  • နိုင်ငံ့အပေါ် သူလျှို ပြုလုပ်မှုနဲ့ စွဲချက်တင်ပြီး ထောင်ဒဏ်ချမှတ်ခဲ့ရတဲ့ အီရန်-အမေရိကန် သတင်းထောက် အမျိုးသမီး Roxana Saberi အတွက် တရားမျှတတဲ့ အယူခံမှု ရရှိစေရမယ်လို့ အီရန်တရားရုံးက တရားသူကြီးချုပ် ထပ်လောင်း အာမခံ ပြောကြားလိုက်ပါတယ်။ အိုဘားမားက ဒီကိစ္စနဲ့ ပါတ်သက်ပြီး အလွန်အမင်း စိတ်ပျက်မိကြောင်း ရှုံ့ချ ပြောဆိုသွားပါတယ်။ အဲဒီ အမျိုးသမီး သတင်းထောက်ဟာ CNA သတင်းဌာနအတွက်လဲ သတင်းရယူပေးတဲ့ ဒေသဆိုင်ရာ သတင်းထောက် ဖြစ်ကြောင်း စင်ကာပူ အခြေစိုက် CNA သတင်းဌာနကလဲ သတင်း ထုတ်ပြန်သွားခဲ့ပါတယ်။
  • တမီးလ် ကျား သူပုန်များ ထိန်းချုပ်ရာ နေရာများကို လျှက်တစ်ပြက် တိုက်ခိုက်ခဲ့ရာမှာ အရပ်သားပေါင်း ၂၅၀၀၀ ကျော်ဟာ စစ်မက်ဘေး ကင်းဝေးရာ နေရာများဆီသို့ ထွက်ပြေး တိမ်းရှောင်ခဲ့ရကြောင်း သီရိလင်္ကာာ စစ်တပ်မှ အရာရှိများက ပြောကြားသွားပါတယ်။
  • အမေရိကန် သဘောင်္ကပ်ပတိန်ကို ဖမ်းဆီးခဲ့တဲ့ ပင်လယ်ဓါးပြများထဲက ဆယ်ကျော်သက်အရွယ် ဓါးပြရဲ့ မိခင်ဟာ အိုဘားမားထံ အသနားခံစာ တင်သွင်းထားပါတယ်။
  • အင်္ဂါနေ့ညမှာ အကြိတ်အနယ် ယှဉ်ပြိုင်ကစားကြမယ့် အင်္ဂလန် ပရီးမီးယားလိဂ် အသင်းကြီးနှစ်သင်းဟာ အဓိက ဦးဆောင်သူတွေ မပါမယ့် အခြေအနေ ဖြစ်နေပါတယ်။ လီဗာပူးလ် အသင်းက ဂျာရတ် မပါသလို၊ အာဆင်နယ် အသင်းက ဗဲန်ဗါဆီနဲ့ အဒီဘာရော်တို့ ကွင်းဘေးမှာ ထိုင်နေရမယ့် အနေအထားပါပဲ။
  • ပထမဦးဆုံး အကြိမ် ထုတ်ပြန်ခဲ့တဲ့ မှတ်တမ်းများအရ တရုတ်ပြည်က မဟာတံတိုင်းကြီးဟာ မူလက ခန့်မှန်းထားတာတက် ရှည်လျားနေပါတယ်။ ဒီစစ်တမ်းကို အစိုးရကနေ ကြီးမှူးပြီး တိုင်းတာခဲ့တာ ဖြစ်ပါတယ်။
  • နာမည်ကြီး အော်စကာဆုရ အိန္ဒိယကား တစ်ကား ဖြစ်တဲ့ Slumdog Millionair မှာ မင်းသမီး Latika ငယ်စဉ်ကလေးဘ၀ကို သရုပ်ဆောင်ထားတဲ့ သရုပ်ဆောင် ကလေးငယ်မလေးကို ဒူဘိုင်းစော်ဘွားဆီမှာ သမီးအဖြစ် ပေါင် နှစ်သိန်းနဲ့ ရောင်းချမယ်လို့ စွပ်စွဲခံရတဲ့ ဖခင် ဖြစ်သူက အဆိုပါ ကိစ္စကို ငြင်းဆိုလိုက်ပါတယ်။ သတင်းစာတိုက် တစ်တိုက်ကနေ ဖုန်းနဲ့ ဒူဘိုင်း သူဌေး ဟန်ဆောင်ပြီး ချဉ်းကပ်ခဲ့တာမှာ ဖခင်က သူဟာ ဓါးစာခံ ဖြစ်ရတာပါလို့ ငြင်းချက် ထုတ်ပြန်ပါတယ်။ ဘီဘီစီနဲ့ တွေ့ဆုံမေးမြန်းခန်းမှ ကောက်နှုတ်ချက် ဖြစ်ပါတယ်။
  • အင်တာနက်ပေါ်မှာ သတင်းမှားတွေကို ဖြန့်ချိခဲ့တယ်လို့ စွပ်စွဲခံရတဲ့ တောင်ကိုးရီးယားက အသက် ၃၁ နှစ်အရွယ် ဘလော့ဂါ တစ်ဦးကို တရားရုံးက ကွင်းလုံးကျွတ် လွှတ်လိုက်ပါတယ်။
ဤတွင် တစ်ပါတ်အတွင်း သတင်းစဉ် အကျဉ်းချုပ်ကို အစီရင်ခံလို့ ပြီးပါပြီ...။

မတော်တဆ ဖြစ်ခဲ့သော

အခန်း - ၁။
“ဟင်.. ကိုကလဲ... မီး ပြန်မလာမှာကို စိုးရိမ်နေတာလား..။
“အဖေမရှိတော့တဲ့ နောက် ဒီအဒေါ်တစ်ယောက်တည်းပဲ ကျန်ခဲ့တာ...။
“ မေမေကလဲ သွားတဲ့။ ခဏတစ်ဖြုတ် သွားလိုက်တဲ့...။
မောင်တေတစ်ယောက် သူ့ငယ်ချစ် ရွှေအိ စကားသံတွေဟာ နားထဲမှာ ၀င်တစ်လှည့် မ၀င်တစ်လှည့်။
သူတို့နယ်က စီးပွားရေး လုပ်စားလို့ တစ်အားကောင်းတဲ့ အရပ် မဟုတ်လေတော့ လောက်လောက်လားလား စုမိဆောင်းမိတာ သိပ်မရှိတော့ ချစ်သူကို တောင်းရမ်းဖို့က မလွယ်သေးဘူး။ လွမ်းရေးထက် ၀မ်းရေက ခက်နေတဲ့ အဖြစ်။
ဒီလိုနဲ့ ရွှေအိ တစ်ယောက် သူ့အဒေါ် ရှိရာ ဂျပန်ပြည်ကို အလည်သွားလိုက်ပြီ...။
===========================

အခန်း - ၂

ဂျပန်ပြည်တစ်နေရာ- (တရားမ၀င် အိုဗာစတေးများ စုပေါင်း နေထိုင်ရာ)
ကိုခန့်ရေ ဖုန်းလာနေတယ်။
“ကိုခန့်။ ငါကိုတေပါ။ ရွှေအိ သတင်း ကြားမိသေးလား။ စာလဲ မလာဘူးကွာ။”
“ဟာ ကိုတေ။ ကိုတေပြောတဲ့ နေရာ ကျွန်တော် သွားရှာတယ်။ မရှိတော့ဘူး။ ပြောင်းသွားပြီတဲ့။ သူ့အဒေါ်လဲ ပြီးခဲ့တဲ့ လကမှ ဆုံးသွားတာတဲ့”
===========================

အခန်း - ၃

ဂျပန်ပင်လယ်ကမ်းစပ် တစ်နေရာ။
သဘောင်္ပျက်ပေါ်မှ ရေဘေး ဒုက္ခသည်များ ကမ်းဆီသို့ အသက်လု ကူးခပ်ဆဲ...။
တစ်ချို့ ခြေကုန်လက်ပန်းကျ။ တစ်ချို့ ကမ်းပေါ်ရောက်...။
ကိုတေတစ်ယောက် ကံကောင်းလို့ ပျဉ်တို တစ်စ ဆုပ်မိတော့ ကုန်းပေါ် ရောက်တယ်။
ကမ်းနီးနား တစ်ဝိုက်က အိမ်မှာ လှမ်းထားတဲ့ အ၀တ်တွေထဲက ကိုယ်နဲ့ သင့်တော်မယ် ထင်တာကို ရွေးပြီး ခိုးလိုက်တယ်။ ဖိနပ်လဲ လိုက်တယ်။ နောက်တော့ မြို့ထဲ အမ်အာတီကို လာခဲ့တယ်။
လက်မှတ်အော်တို ရောင်းတဲ့ စက်မှာ လက်မှတ် ၀ယ်ပြီး ရထားစီးတယ်။
အားလုံး ဂျပန်စာတွေနဲ့ ရေးထားတော့ နကန်း တစ်လုံး နားမလည်။ ကြုံရာ ဘူတာကို လက်မှတ် တစ်စောင် ၀ယ်လိုက်တယ်။
===========================

အခန်း - ၄


တီဗွီက သတင်းလာနေတယ်။ ရေလမ်းကနေ တရားမ၀င် ၀င်ရောက်လာတဲ့ သူတွေကို ရဲက ဖမ်းဆီးနေတဲ့ သတင်းကို ပြတယ်။ ကိုခန့်တစ်ယောက် ကိုတေ အတွက် စိုးရိမ်သွားတယ်။ ကိုတေတော့ ပါသွားလောက်ပြီပေါ့။ ဒီအချိန်မှာ အိမ်ရှေ့က တံခါးခေါက်သံ ကြားတယ်။ အားလုံး ထိတ်လန့်သွားတယ်။ တရားမ၀င် တောင်ကျော်နေတဲ့သူတွေ ဆိုတော့ ကျီးလန့်စာစားလေ...။
“ကိုခန့်” “ကိုခန့် .. ငါပါ ကိုတေပါ”
ကိုခန့် ၀မ်းသာ အားရ တံခါး ဖွင့်တော့ ယဲ့ယဲ့လေးသာ ကျန်တော့တဲ့ ကိုတေ့ ခန္ဓာကိုယ်က အိမ်ထဲ ပြိုဆင်းသွားတယ်။
===========================

အခန်း - ၅

Dirty, Dangerous and Difficult Jobs. ဒါကို 3D အလုပ်တွေ လို့ ခေါ်တယ်...။ ဒီအလုပ်တွေဟာ ဖွံ့ဖြိုးတဲ့ နိုင်ငံတွေမှာ နိုင်ငံကြီးသားတွေ မလုပ်ချင်ဆုံး အလုပ်ပေါ့။ ရေဆိုးမြောင်းဖေါ်၊ လမ်းဘေး သန့်ရှင်းရေး၊ အိမ်သာချေးကျုံး စတာတွေဟာ နမူနာ ပြစရာ အလုပ်တွေပါပဲ။ အရင်ကတော့ အမေရိကားမှာ ပြင်ပက လူတွေ သွင်သွင်ကြီး ၀င်ပြီး ဒီ တစ်ခြားလူတွေ မလုပ်ချင်တဲ့ အလုပ်ကို တတိယကမ္ဘာက နိုင်ငံခြားသားများ လာလုပ်ကြတယ်လေ...။

အခုလဲ ကိုခန့်နဲ့ အတူ ကိုတေ ကြုံရာ ကျပန်း အလုပ်တွေ ၀င်လုပ်တယ်။ ကျင့်သားမရလေတော့ ကိုတေ့ခမျာ ပင်ပန်းတာပေါ့။ အမှိုက်ပုံထဲကနေ အမှိုက်တွေ ရွေးတဲ့ အလုပ်၊ မြေအောက် ရေဆိုးမြောင်းတွေထဲမှာ မြောင်းဖေါ်ရတဲ့ အလုပ်။ ရဲတွေ လ၀ကတွေ လိုက်ဖမ်းတဲ့ ကြားကနေ သက်စွန့်ဆံဖျား လုပ်နေကြတာ...။
===========================

အခန်း - ၆


တစ်ရက်မှာ စားသောက်ဆိုင်မှာ ပန်းကန်ဆေးတဲ့ အလုပ်ကို ကိုတေ လုပ်ရတယ်။ ဆိုင်အပြင်ဘက်မှာ ပန်းကန် ထိုင်ဆေးလို့ မောတော့ နားနေတုန်း ဆိုင်ထဲက ထွက်လာတဲ့ ဇိမ်မယ်လို အမျိုးသမီး တစ်ယောက် ကိုတေကို သတိထားမိတယ်။ လူသစ်လား လို့ မေးရင် ကိုတေ့အတွက် မုန့်ဖိုး ပေးသွားတယ်။ ပေးပြီးပြီးခြင်းမှာ ဆိုင်ထဲကက ထွက်လာတဲ့ သူ့ဧည့်သည် ပါလာလို့ ကိုတေ့ လက်ထဲ ပိုက်ဆံ အတင်းထိုးတည့်ရင်း သူဧည့်သည်နဲ့ ထွက်သွားတယ်။ မကြာတင်မှာပဲ ခါးပိုက်နှိုတ်အုပ်စု တစ်စုက သူတို့စုံတွဲဆီကနေ ရိုက်လုနေတာ တွေ့တော့ ကိုတေ အပြေးအလွှား ၀င်ကယ်လိုက်တယ်။ သူဇိမ်မယ်လို့ ထင်ထားတဲ့ အမျိုးသမီးက သူအလုပ်လုပ်နေတဲ့ ဆိုင်ရှင်မလေး ဖြစ်နေတယ်...။ ကိုတေက သူ့ပိုက်ဆံကို ပြန်ပေးလိုက်တယ်...။ ဆိုင်ရှင်မလေးက ကိုတေ့ ရိုးသားမှုကို သဘောကျသွားတယ်...။ ကြီးပွားချင်ရင် ဖြတ်လမ်းက မလိုက်ပါနဲ့လို့ ကိုတေကို သတိပေးသွားတယ်။
=============================

အခန်း - ၇

စားသောက်ဆိုင်ကြီး တစ်ခုမှ ဟင်းရွက်သင်တဲ့ အလုပ်ကို ကိုတေ လုပ်ရတယ်။ ကိုခန့်နဲ့တူတူပေါ့။ တစ်ရက်မှာ အဲဒီဆိုင်ကို ယာကူဇာ ဂိုဏ်းခေါင်းဆောင်ရဲ့ လက်ထောက်တစ်ယောက် ထမင်းလာစားတယ်။ ဆိုင်ပိုင်ရှင်နဲ့ ရင်းနှီးလေတော့ တစ်ဆိုင်လုံး လိုလေသေး မရှိ ပြုစုတယ်။ ပြန်ခါနီးမှာ ကိုတေ ဆိုင်အပြင်ထွက်ပြီး စူးစမ်းတာနဲ့ ကြုံတော့ ကိုခန့်က ပြောပြတယ်။ အဲဒီမှာ အဲဒီ လက်ထောက်ရဲ့ မိန်းမကို ကိုတေ တွေ့လိုက်ရချိန်မှာ ကမ္ဘာကြီး အိုးထိန်းစက်လို သွက်သွက်လည်သွားတယ်...။

ဘယ်သူရှိရမှာလဲ။ တွေ့ချင်လွန်းလို့ တရုတ်ပြည်ကနေ ဂျပန်ပြည်အထိ တရားမ၀င် သက်စွန့်ဆံဖျား လာရှာရတဲ့ ငယ်ချစ်ဟောင်း ရွှေအိလေ..။ ခုတော့ သူစိမ်းရင်ခွင်မှာ မွေ့လျော်နေလို့ပေါ့...။ ရွှေအိလဲ သူ့ကို တွေ့သွားတယ်...။

-x-x-x-x-x-x-x-x-x-x-


ဖြစ်ရပ်မှန် ဇာတ်လမ်း လို့ မပြောချင်ပါဘူး...။ တစ်ကယ်က ပြီးခဲ့တဲ့ အပတ်က ကြည့်လာခဲ့တဲ့ ရုပ်ရှင်ထဲက ဇာတ်ဝင်ခန်းတွေပါ။ ဂျက်ကီချန်း ပါဝင်သရုပ်ဆောင်ထားတဲ့ ကားတစ်ကားပါ။ ဂျက်ကီချန်းပါတယ်ဆိုလို့ သိုင်းကစားကွက်တွေ၊ ဖိုက်တင်ခန်းတွေ လှိုင်လှိုင်ကြီး ပါမယ်လို့တော့ မမျှော်လင့်ပါနဲ့။ ဒီကားမှာ ဂျက်ကီချန်း သိုင်း မတတ်တဲ့ ရိုးရိုးအအ လယ်သမားကြီး တစ်ယောက် အဖြစ် သရုပ်ဆောင်ထားပါတယ်။ ထူးခြားချက်က ဂျက်ကီချန်း ဒီကားမှာ ဒါရိုက်တာ စကားကို နားထောင်ပြီး ကိုယ်တုံးလုံး သရုပ်ဆောင်တဲ့ အခန်း ပါတာပါပဲ။ အဲဒီ ၁၀ စက္ကန့်စာ အခန်းအတွက် သရုပ်ဆောင်ဖို့ကို သူတော်တော် မုသွင်းရတယ်လို့ ပြောတယ်။ ၃ -၄ ရက်လောက် ရိုက်လိုက်ရတယ်တဲ့။ နောက်ပြီး ဒီကားမှာ သူကိုယ်တိုင် ဒါရိုက်တာ မလုပ်ပါဘူး။ တစ်ခြား တစ်ယောက်က လုပ်တာပါ။ သူက သရုပ်ဆောင် ရုံသာ သရုပ်ဆောင်တာပါ။ စတန့် ဒါရိုက်တာ ဆိုလဲ တစ်ခြား တစ်ယောက်ပါ။ ထုတ်လုပ်သူက သူ့ကို ဘာတစ်ခွန်းမှ ၀င်မပြောဖို့၊ သူ့အရှိန်ကြောင့် တစ်ခြား သရုပ်ဆောင်တွေ ရှိန်ကုန်မှာ စိုးလို့ ၀င်မပါဖို့ မေတ္တာ ရပ်ခံထားပေမယ့် သူကတော့ မနေနိုင် မထိုင်နိုင် ၀င်ဆရာကြီး လုပ်မိတဲ့ အခန်းတွေ မနည်းဘူးတဲ့...။

သမားရိုးကျ ဂျက်ကီချန်းကားတွေကနေ ခွဲထွက်တဲ့ ကားတစ်ကားပါ။ ကြည့်သင့်တယ်လို့ ယူဆမိတဲ့ ကားဖြစ်တဲ့အတွက် လက်တို့လိုက်ရပါတယ်။

မေ့သွားလို့ .. ကားနာမည်က “The Shinjuku Incident” တဲ့ဗျား။ စင်ကာပူမှာ လက်ရှိ ရုံတင်နေပါတယ်။


Photo Credit to : Wikipedia

===========================

Susan Boyle ကို ယှဉ်မည့်သူလော။

ဒီဂိုလာကတော့ ဆူဆန်ဘွိုက်ဇ် ဆိုပြီး လုပ်စားသွားတယ်။
ဘလော့ပို့စ် အသက် တစ်မနက် တောင် မခံဘူး။ တစ်ညတောင် မခံဘူးပဲ...။
တာရှည် မခံဘူးပေါ့လေ...။ ချက်ချင်းကို သူ့ကိုယှဉ်နိုင်တဲ့သူ ပေါ်လာတော့တာပဲ...။
ရေပွက်ပမာ ဆိုတာ ဒါကို ခေါ်လေသလားလို့ မှားတောင် ထင်မိတယ်။
ရေပွက်ပမာ ဘလော့ဂ်ပို့စ်စာ ဆိုပြီး စကားပုံထွင်မိရင် အပြစ်တင်ကြမလားကွယ်...။
သိကြတဲ့ အတိုင်းပဲ Susan Boyle ဆိုတာ အသက် ၄၇ နှစ်အရွယ် အပျိုကြီး။
Britain Got Talent 2009 မှာ ပရိတ်သတ်ကြီးတွေကို မထင်မှတ်လောက်အောင် ဖမ်းစားနိုင်ခဲ့တဲ့သူ။
ဂန္တ၀င် သီချင်းခန့်ကြီးတွေကို ဆိုပြီး ပရိတ်သတ်ကို မှင်သက်စေခဲ့သူ။
ဒိုင်လူကြီး အမေရိကန်လူမျိုး အင်္ဂလန်နိုင်ငံသား ဆိုင်မွန်ကောင်းဝဲလ်ကတောင် သဘောကျလွန်းလို့ သူ့ကိုယ်ပိုင် ဓါတ်ပြားတိုက်ကနေ ဓါတ်ပြားထုတ်ရန် ကမ်းလှမ်းခံရသူ...။
စသဖြင့် စသဖြင့် ပေါ့လေ...။

ခုတော့ “ဗြိတိန်မှာ လူတော်တွေ ရှိတယ်။” မှာ ဆူဆန်ကို ယှဉ်နိုင်မယ့် သူ ထပ်ပေါ်လာပါပြီ။
အံ့သြစရာကောင်းတာကတော့ ဆူဆန်ပြိုင်ဖက်က ဆူဆန်နဲ့ အသက်ချင်း ယှဉ်လိုက်ရင် အတော့်ကို ကွာလှပါတယ်။
အခုမှ ၁၂ နှစ်သာ ရှိသေးတဲ့ Shaheen Jafargholi အမည်ရ ကလေးလေးပဲ ဖြစ်ပါတယ်။
မိုက်ကယ် ဂျက်ဆင် သီချင်းနဲ့ ၀င်ရောက် ဖျော်ဖြေသွားတာပါ။
အစပိုင်း သူရွေးချယ် သီဆိုတဲ့ Amy WineHouse ရဲ့ သီချင်း ဖြစ်တဲ့ "Valerie" ကို သီဆိုနေတုန်း တန်းလန်းမှာ ရုတ်တရက် ထပြီး ပြောလိုက်တဲ့ ဆိုင်မွန့်ကော်မန့်ကြောင့် ကောင်လေး ပြိုင်ပွဲက ထွက်လုနီးပါး ဖြစ်သွားတယ်။
(ထပ်ဖြည့်။ ။ ဆိုင်မွန်က ကောင်လေး ပထမသီချင်း ဆိုတာမှာ သူ့ရဲ့ ပင်ကိုယ် အရည်အချင်၊ အသံ မပေါ်လို့ နောက်တစ်ခြား သီချင်း တစ်ပုဒ် ပြောင်းဆိုခိုင်းတယ်လို့ ကော်မန့်မှာ second home က ရေးသားသွားပါတယ်။)
သို့ပေမယ့် ကောင်လေးက ချက်ချင်းပဲ မိုက်ကယ်ဂျက်ဆင် ငယ်စဉ်ကလေး ဘ၀က Jackson Five အဖွဲ့မှာ သီဆိုဖူးတဲ့ Smokey Robison ရေးစပ်သီကုံးတဲ့ "Who's Loving You" သီချင်းနဲ့ ဆက်လက် ယှဉ်ပြိုင်သီဆိုသွားပါတယ်။ ဆက်ပြီး ယှဉ်ပြိုင်ရာမှာ ကောင်းလွန်းလို့ ဒိုင်လူကြီး ၃ ယောက်စလုံး ထိုင်ရာကနေ မတ်တပ်ရပ် ဂုဏ်ပြု ချီးကျူးရတဲ့အထိ အဆိုကောင်းခဲ့ပါတယ်။



ကောင်လေး Vote ၃ ခုနဲ့ YES သုံးခုစလုံး ရသွားပြီး နောက်တစ်ဆင့် တက်လှမ်းသွားပါပြီ။
ကျန်တာကို ငွေရောင်ပိတ်ကားပေါ်မှာ ဆက်လက် ရှုစားရအောင်လားဗျာ...။
သတင်းဌာနကနေ လွှင့်ထုတ်သွားတဲ့ အပိုင်းလေးကို အောက်မှာ ကြည့်ရှုကြပါ။



ယူထုမှာတော့ တိုက်ရိုက် Embedded လုပ်တာကို ပိတ်ထားတော့ ပြလို့ မရ ဖြစ်သွားတယ်။
သီချင်း အပြည့်အစုံ ဆိုထားတာကိုတော့ အောက်ကလင့်ခ်ကနေ သွားရောက် ကြည့်ရှုခံစားကြပါ။

http://www.youtube.com/watch?v=yVU4IkzMNIo

ကဲ.. ကောင်လေး တော်သလား.. မတော်ဘူးလား.. ဖြေဇမ်းဘာ........။

ထပ်ဖြည့် ။ ။ မ Second Home နဲ့ ကိုစတိဗ် တို့ရဲ့ Correction အရ ကိုဆိုင်မွန် အင်္ဂလန်နိုင်ငံသား ဖြစ်သွားပါပြီ။ ကျေးဇူးတင်ပါတယ်။

Monday, April 20, 2009

သဘာဝတရား၏ လှပသော လျို့ဝှက်ချက်

ထိုနေ့က ကောင်းကင်ပြာကြီးတွင် တိမ်များ ကင်းစင်ကာ နေသာသော နေ့တစ်နေ့ ဖြစ်လေသည်။ ရှုလေတိုင်း မဆုံးနိုင်သော အပြောကျယ်သည့် သမုဒ္ဒရာ ပင်လယ်ပြင်ကျယ်ကြီးသည် အနားသတ် မိုးကုပ်စက်ဝိုင်းများနှင့် လုံးဝိုင်းနေသော ကမ္ဘာကြီး ဟူသည့် အဆိုကို ထောက်ခံနေခဲ့သည်။ ရာသီဥတု ကောင်းမွန်နေသောကြောင့် စက်လှေလေးမှာ ညင်သာစွာ တစ်ရွေ့ရွေ့ ခုတ်မောင်းနေလေ၏။ ပတ်ဝန်းကျင်တစ်ဝိုက်တွင် မော်တော်ဘုတ် စက်သံ သဲ့သဲ့မှ တစ်ပါး တိတ်ဆိတ် ငြိမ်သက်လှချေ၏။

Sandra Critelli ... သူမသည် သဘာဝ တရား၏ ဆန်းကြယ်သော အလှအပများကို ခံစားနေရာမှ ဤနေရာသို့ ရောက်ရှိလာခြင်း အကြောင်းရင်းကို ပြန်တွေးမိနေ၏။ သူမသည် အမှန်တကယ်တွင် အပျော်တမ်း ဓါတ်ပုံဆရာသာ ဖြစ်လေသည်။ မိမိ နေထိုင်ရာ ပတ်ဝန်းကျင်မှ နေ့စဉ်လှုပ်ရှားမှုများအား မှတ်တမ်းတင်ရုံနှင့် အားမရသောကြောင့် ရေနေသတ္တ၀ါများ ဖြစ်သော ဝေလငါးများနှင့် ငါးမန်းများ၏ နေ့စဉ် နေထိုင်မှုများကို မှတ်တမ်းတင်ရန် ဤနေရာသို့ ရောက်ရှိလာခြင်း ဖြစ်သည်။ ဤနေရာဆိုသည်မှာကား မက္ကဆီကို ကမ်းရိုးတန်း တစ်ဝိုက်ပင်တည်း။ အပျော်တမ်း ဓါတ်ပုံရိုက်ရန် ၀ါသနာပါသော သူမ အဖို့ မြို့ပြ၏ ပုံရိပ်၊ ကွန်ကရစ်တောများ၏ အလှကို ငြီးငွေ့နေရကား အသစ်အဆန်းကို တောင့်တနေလေရာ အဖေါ်ကောင်း၍ ဤ အပြောကျယ်လှသော မက္ကဆီကို ကမ်းရိုးတန်းသို့ ရောက်ရှိနေခဲ့ခြင်း ဖြစ်၏။

ယခုအထိတော့ ဝေလငါး တစ်ကောင်တစ်လေကိုမျှ မတွေ့ရသေး...။ သူမ ပင်လယ်ထဲ ရောက်ရှိချိန်မှ စ၍ ယခု အထိ ရာသီဥတု ကောင်းမွန်နေသော်လည်း အဆိုပါ ဝေလငါးများ၊ ငါးမန်းများကို ဓါတ်ပုံရိုက်ခွင့် မကြုံသေးချေ။ တစ်နေ၀င်၍ တစ်နေထွက်ကာ ရက်စွဲများသာ ပြောင်းလဲသွားသည်။ တစ်ကောင်တစ်မြီးမှ မတွေ့ရသေးချေ။ သူမ၏ စိတ်ပျက်စ ပြုနေသော အခြေအနေကို ရိပ်စားမိသော မိတ်ဆွေကပင် အားမလျှော့ရန် တစ်ဖန် အားပေးနေရချေ၏။

ယနေ့လည်း ထုံးစံအတိုင်း ဟိုး မိုးကုပ်စက်ဝိုင်း အစွန်ကို ကြည့်လိုက်၊ ပင်လယ်ပြင် မျက်နှာပြင်ပေါ်သို့ ခုန်ထွက်လာမည့် ဝေလငါးများ၏ လှုပ်ရှားမှုများကို မျက်ချေမပြတ် စောင့်ကြည့်လိုက်နှင့် တစ်မနက်လုံး အလုပ်ရှုပ်နေခဲ့၏။ ပြာလဲ့လဲ့ ပင်လယ်ပြာကြီး အောက်ခြေသို့တိုင် ထွင်းဖေါက်နေသော နေရောင်ခြည်၏ အလင်းရောင်နှင့် မှန်ပြောင်းတစ်လက် အကူအညီဖြင့် ရှာဖွေသော်ငြား မတွေ့ရှိရသေးချေ...။

သို့နှင့် နေ့လည်စာ စားသုံးချိန်သို့ပင် ရောက်ခဲ့ချေပြီ။ ဟာနေသော ၀မ်းကို ဖြည့်တင်းရန် အလို့ငှာ လက်စွဲတော် ကင်မရာကို ဖြုတ်သိမ်းရန် မော်တော် လက်ရန်းသို့ အလျှောက်... ထိုခဏ...။
သူမ၏ မော်တော် ပတ်ဝန်းကျင်ရှိ ပြာလဲ့လဲ့ ပင်လယ်ပြင်သည် ရွှေရောင် အဖြစ်သို့ တစ်မုဟုတ်ချင်း ပြောင်းလဲသွားလေ၏။ အယ်လ်နီညိုး၏ ညီမတော် ဖြစ်သော လာနီညာ ရာသီဥတု ဖေါက်ပြန်မှုလေလော ဟု ထိတ်လန့်မိရာမှ အဆိုပါ ရွှေရောင်ပင်လယ်ပြင်ကို အသေအချာ ပြန်စူးစမ်းလေသော်.. ရွှေရောင် သစ်ရွက်များ လှုပ်ခတ်နေသည့်အလား တွေ့ရလေ၏။
Photo Credit : Sandra Critelli

အလို.. လိပ်ကျောက်ငါး ဟု ခေါ်ဆိုအပ်သော Stingray Fish ပင်တည်း။ အုပ်စုလိုက် ကူးခပ်နေသည်မှာ ရှုမဆုံးနိုင်အောင်ပင်...။ အကောင်ရေ မည်မျှ ရှိသည်ကို လိုက်လံ ရေတွက်နေမိ၏။ ၁၊၂၊ ၃၊... ၁၀၀၊.. ၈၅၀၊... အို မရေမတွက်နိုင် လောက်အောင်ပင်။


Photo Credit : Sandra Critelli

နောင်တွင် သိရသည်မှာ တစ်နှစ် နှစ်ခါ ပြောင်းရွှေ့ကျက်စား နေထိုင်တတ်သော ငါးလိပ်ကျောက်များ၏ ဓလေ့ဖြစ်ချေသည်။ နေရာထိုင်ခင်း ပို၍ ကောင်းမွန်သော ယူကာတန် ကျွန်းဆွယ် အဖျားဆီသို့ ပြောင်းရွှေ့နေကြခြင်း ဖြစ်၏။ အပြောကျယ်သော ပင်လယ်ပြာအောက်တွင် အတောင်ပံများကို ဖြန့်ကျဲ၍ ရေဟုန်စီးနေကြသော ငါးလိပ်ကျောက်များသည် ပြာလဲ့လဲ့ ပင်လယ်ကို ရွှေရောင် အဖြစ်သို့ ပြောင်းလဲစေသော ထိုခဏအား မှတ်တမ်းတင်ရန် Sandra Critelli မမေ့ခဲ့ချေ...။ သူမ ကျေးဇူးကြောင့် ကမ္ဘာအနှံ့မှ လူများသည် လှပဆန်းကြယ်၍ လျို့ဝှက်လှသော သဘာဝ တရားကြီး၏ နက်နဲမှုကို ရင်သပ် ရှုမော ဖြစ်ခဲ့ရ၏။

Photo Credit : Sandra Critelli

Sandra Critelli မှ ထိုဖြစ်စဉ်ကို မြင်လိုက်စဉ်ခဏ၌ သူမ ခံစားချက်ကို ဤသို့ ထုတ်ဖေါ် ပြောဆိုခဲ့၏။
It was an unreal image, very difficult to describe. The surface of the water was covered by warm and different shades of gold and looked like a bed of autumn leaves gently moved by the wind.

မြင်ရခဲလှသော အဆိုပါ ဖြစ်စဉ်အား မှတ်တမ်းတင်နိုင်ခဲ့သောကြောင့် ပင်လယ်တွင်း သက်ရှိဇီဝ ဆင့်ကဲ ဖြစ်စဉ်များကို တစ်နည်းတစ်ဖုံ အထောက်အပံ့ ပေးနိုင်မည်မှာ မလွဲချေ။

Photo Credit : Sandra Critelli

အဆိုပါ ငါးလိပ်ကျောက်များသည် အတောင်နှစ်ဘက် အလျား ၇ ပေနီးပါး ခန့် ရှိကြလေ၏။ ယင်းတို့၏ သွင်ပြင်လက္ခဏာများကြောင့် နွားနှာခေါင်းငါး Cow Nose Rays ဟု ဒေသခံများက ခေါ်ဝေါ်ကြလေ၏။ အဆိပ်ရှိ သတ္တ၀ါများ ဖြစ်သော်လည်း ရန်ပြုလေ့ မရှိချေ။ ရှက်ကြောက်တတ်သော သဘော သဘာဝရှိသော ရေနေသတ္တ၀ါမျိုး ဖြစ်လေသည်။ ကောက်ယူရရှိသော မှတ်တမ်းများအရ မက္ကဆီကို ကမ်းရိုးတန်း တစ်လျှောက် အနောက် ဖရော်ရီဒါ မှသည် ယူကာတန် အရပ်ဆီသို့ အကောင်ရေပေါင်း ၁၀၀၀၀ အထက် ရှိမည်ဟု ခန့်မှန်းရ၏။

ရံဖန်ရံခါ သဘာဝတရားသည် မိမိတို့ တွေးထင်ထားသည်ထက်ပင် ထူးခြားဆန်းကြယ်သော လှပမှုတို့နှင့် ပြည့်နှက်နေချေ၏။

ဝန်ခံချက်။ ။ အီးမေးလ်မှ ရရှိလာသော အကြောင်းအရာများကို ခံစားချက်များနှင့် တင်ဆက်ခြင်း ဖြစ်၏။

Sunday, April 19, 2009

တွေးမိတာလေးတွေ (၃)

  • မြင်းထိန်း ငတာသည် သူ့အရှင် ယောအတွင်းဝန် ဦးဘိုးလှိုင် စီရင် ရေးသားအပ်သော ဥဘောဇနကျမ်းကို တိတိပပ မသိသော်ငြားလဲ အရှင်သခင်က ရေးသော ကျမ်းဖြစ်သည့်အတွက် အဆိုပါ ကျမ်းသည် ကျမ်းကောင်းကျမ်းမြတ် တစ်ဆူ ဖြစ်ကြောင်း လှည့်လည် ချီးကျူးလေ၏။ ဦးဘိုးလှိုင်ကြားလေသော် ရှက်စနိုးတော်မူ၍ ငတာအား ခါသာပိတ် တစ်အုပ်ပေး၍ နောင်မပြောရန် နှုတ်ပိတ်ရသည် ဟူ၏။ အကျွန်ုပ်သာ ငတာ ဖြစ်ခဲ့ပါမူ ခါသာပိတ်များ ဈေးချိုသွင်းရန် အကြိမ်ကြိမ် ချီးကျူးမိလေမည်လား မပြောတတ်။

  • အမြီးအမောက် မတည့်သော ပတ်ဝန်းကျင်နှင့် သဟဇာတ ဖြစ်အောင် ကြိုးစားနေထိုင်ရင်း အသားကျလောက်ပြီ ဟု ထင်မြင်မိသော တစ်ရက်တွင် မိမိကိုယ်ကို မိမိ ပြန်လှည့်ကြည့်လေသော် မိမိကိုယ်တိုင် မဟုတ်သော တစ်ခြားသူတစ်ယောက်ကို ထိတ်လန့်တကြား မြင်လိုက်ရလေ၏။ ထိုနေ့က မိုးများ ညို့နေခဲ့၏။

  • အရင်က မှင်စာ ဆိုတာ ၁။ မှင်အိုးထဲက မှင်ရည်နဲ့ ရေးလို့ မှင်စာ လို့ ခေါ်တာလား..။ ၂။ Elf တွေကို မှင်စာလို့ ခေါ်တာလားလို့ ခပ်ဝါးဝါးတွေးခဲ့ဖူးတာ...။ ဆိုးဝါးလိုက်တာများ...။ နောက်မှ ကျောင်းစာထဲက သဒ္ဒါ သင်ခန်းစာတွေမှာ မှင်စာ ဆိုတာကို သင်လိုက်ရမှ သိတော့တယ်။ ခုတော့လဲ မေ့သွားပြီကွယ်...။ ဘာလဲ လာမမေးနဲ့တော့။

  • ငယ်ငယ်က ရေဒီယိုက လာတတ်တဲ့ ကြော်ငြာ နားထောင်ဖူးတယ်။ “အားကုန်ရင် ပျားအုံဆေးကို စားပါ”တဲ့။ ဘယ်သူက ဘယ်လောက်တောင် အလုပ်တွေ နင်းကန် လုပ်နေလို့ အားကုန်တာလဲ လို့ ကလေးတွေး တွေးနေမိခဲ့တယ်။ ခုလဲ လူကြီးတွေး တွေးနေလား ဆိုတော့ လာမမေးနဲ့ကွယ်...။

Saturday, April 18, 2009

မင်းအတွက် ဆိုရင်

မင်းအတွက်ဆိုရင်

V-1: နေတာ အချိန်တွေ ကြာလာလေ၊ တွယ်တာတာတွေ ပိုလာလေ
ရင်မှာ တစ်ဦးအပေါ် တစ်ဦးမှာလေ
အနီးနားက မင်းလေး မြင်အောင် ဖွင့်ပြောဖို့လေ...
နီးစပ်ခဲ့ပါရစေ ခံစားမှုတွေ။

V-2: နေတာအချိန်တွေ ကြာလေ၊ (ရင်ခုန်သံမြန်လေ/ ရင်ခုန်ခြင်းများနဲ့)
အကြင်နာ အချစ်တွေ ဖြစ်ပေါ်နေ
သိရက်နဲ့ မင်းလေး ဟန်ဆောင် နေဦးမလားလေ
နီးစပ်ခွင့်ပေးပါ (ငယ်သူငယ်ချင်းရေ/ သူငယ်ချင်း ချစ်သူလေး။)

Pre : မကြာခင် ပြန်ဆုံပါရစေ.. တို့ဆုတောင်းရင်းလေ
စိတ်ထဲမှာ မှန်းမျှော် ပြန်ပြီးတွေးနေ
ဘယ်သူ အကြင်နာဆုံးလဲ.. အတိတ် (ကိုလှမ်းကြည့်လှည့်/ပြန်လှည့်ကြည့်ပေး)
အို မြင်နိုင်မယ်ဆို အို လှမ်းလို့ လာခဲ့လေ...။

Cho: ပန်ချင်တဲ့ ပန်းလေးလို ပွင့်လန်းနေ
မပန်ချင်လဲ နှလုံးသားကို ခြွေလိုက်လေ
မြေမှာ ပန်းပွင့်လေးတွေ ကြွေကာ လမ်းခင်းပေးနေ
လာမှာလား မင်း (အတွက်ဆိုရင်လေ/ ကိုတမ်းတနေ)။
Solo. V1, V2, Pre, Cho, Cho
မြေမှာ ပန်းပွင့်လေးတွေ ကြွေကာ လမ်းခင်းပေးနေ
လာမှာလား မင်းအတွက်ဆိုရင်လေ...။

-x-x-x-x-x-x-x-x-x-x-

လွန်ခဲ့သော သုံးနှစ်လောက် ထုတ်ခဲ့တဲ့ စုပေါင်းခွေဖြစ်တဲ့ “ဆယ်စက္ကန့်” Vol :1 ထဲက ဇော်ပိုင် ဆိုထားတဲ့ “မင်းအတွက် ဆိုရင်” ဆိုတဲ့ သီချင်းလေးပါ။ တရုတ်သီချင်းကို စာသား ထည့်ပြီး ပြန်ဆိုထားတာပါ။
မူရင်း တရုတ်သီချင်းထက်တောင် ကောင်းနေသေးတယ်။ အောက်မှာ သီချင်းလေးတွေ တင်ထားပေးပါတယ်။

မူရင်း တရုတ်သီချင်း Nicholas Teo ဆိုထားတာပါ။ မလေးရှားက တရုတ်။ သူ့သီချင်းကို ယူထုမှာလဲ တွေ့တယ်...။

Credit : AsianMaster65

ဇော်ပိုင်ဗားရှင်း အမ်ပီသရီး
အပေါ်က အမ်ပီသရီး။ အောက်က YouTube တော့ ဇော်ပိုင်ရဲ့ လိုက်ဖ်ရှိုးဗားရှင်း

Credit : BurmeseMTV


ဟိဟိ...
ဒါကတော့ ဒီနေ့မှ လောလောလတ်လတ် ကလိထားတဲ့ ဘွိုင်းဗားရှင်း...။ (မျက်နှာပြောင်လိုက်တာ...။)

Friday, April 17, 2009

စကားလုံး မရှိတဲ့ ကောင်းကင်




Created By Publicis Mojo and @RadicalMedia Director: Patrick Hughes
Credit to : Uploader StevenMcDonald

ဘ၀ခရီးကို လက်တွဲဖေါ်မပါပဲ တစ်ကိုယ်တည်း ဖြတ်ကျော်နေရတဲ့ ဘ၀...။
မနက် ၇း၀၀ နာရီ နှိုးစက်အသံကြားရင် ပျင်းကြောဆွဲနေတဲ့ စိတ်ကို ဖြတ်။
အိပ်ရာထ၊ ရုံးသွားဖို့ အ၀တ်လဲ။
နေ့တိုင်း သွားနေကျ လမ်း..
စီးနေကျ ကား...
တက်စီးနေကျ ဓါတ်လှေကား...
မြင်နေကျ စက်ရုပ်ဆန်တဲ့ လူသားများ...
ငြီးငွေ့ဖွယ် ကောင်းလှတဲ့ လုပ်ငန်းခွင်....။
အိမ်ပြန်လာတော့လဲ ကြိုသူမဲ့ အခန်းလေးက တိတ်ဆိတ် မှောင်မိုက်စွာနဲ့ ကြိုနေလို့...။
စိတ်အပန်းဖြေစရာ နတ္ထိ။
ခေါ်သူမဲ့ ဖုန်းလေးမှာ မက်ဆေ့ခ်ျလေးများ ၀င်မလား ဖွင့်မိတော့ ကြော်ငြာမက်ဆေ့ခ်ျတွေပဲ ၀င်လာနေ...။
ဆိုးလိုက်တဲ့ ပျင်းရိဖို့ ကောင်းလိုက်တဲ့ ဘ၀...။
ပျင်းရိဖွယ် ညနေစာကို တစ်ယောက်တည်း စားသောက်ရင်း ဖြတ်သန်းခဲ့တာ ဘယ်လောက် ကြာပြီလဲ...။
အိပ်ခန်းထဲ ရောက်တော့ မီးမှိတ်လိုက်တာနဲ့ ချက်ချင်း အိပ်မပျော်နိုင်...။
ဒီလိုနဲ့ နေ့တစ်နေ့ဟာ စက်ရုပ်ဆန်ဆန် ကုန်သွားတယ်။

လောကီသားပေမို့ တစ်ခါတစ်လေမှာ ယုယကြင်နာချင်တဲ့ ချစ်သူလေး တစ်ယောက်လောက် တောင့်တမိပါရဲ့...။
သို့သော်လဲ ရူပါက ချူချာ၊ မူယာမာယာများလဲ လူတကာလို အမူပါပါ မပြောတတ်လေတော့ ဘယ်မဒီကမှ စိတ်ဝင်စားဟန် မပြ....။

ကံကြမ္မာက မျက်နှာသာ ပေးလာလေသလား...။
လမ်းတစ်ဘက်က တိုက်မှာ မျက်နှာခြင်းဆိုင် အခန်းက အလုပ်လုပ်နေတဲ့ သူလေးကို သတိထားမိတယ်။
သူအလုပ်လုပ်နေတာကို မသိမသာ လူရိပ်လူကဲ ခတ်ပြီးတော့ ချောင်းကြည့်ရတယ်...။
သူလေး မမြင်အောင်၊ သတိမထားမိအောင် ချောင်းကြည့်ရတာ အမော...။
သူလေးကို စမြင်တဲ့ နေ့က စပြီး လောကကြီးက စိုပြေစ ပြုလာတယ်...။

တစ်ရက်မှာ အကြည့်သူခိုးလေးကို လူမိသွားတယ်...။
စာရွက်တစ်ရွက်မှာ စာရေးပြီးတော့ ထောင်ပြတယ်...။
“ဓါတ်ပုံရိုက်မလို့လား”တဲ့...။
သူတော်တော် ထိတ်လန့်ပြီး ပျာသွားတယ်။
သူလေးက သူဖြစ်ပျက်နေတာကို ကြည့်ပြီး နောက်ထပ် စာရေးထောင်ပြတယ်...။
“နောက်တာပါ” တဲ့...။
တော်သေးတယ်...။ ရင်ထဲက အလုံးလေး ကျသွားတယ်...။
နောက်ထပ် စာရွက် ထောင်ပြတယ်။
“စတေစီ” ပါတဲ့။

သူလဲ ကမန်းကတန်း စာရွက်လွတ် တစ်ရွက်ရှာပြီး နာမည်ကို ရေးပေးလိုက်တယ်။
“ဂျေဆန်”။
စတေစီ က နောက်ထပ် စာရေးပြတယ်။
“တွေ့ရတာ ၀မ်းသာပါတယ်”
ဂျေဆန်က အကြောင်းပြန်တယ်
“တို့လဲ တူတူပဲ”
ဒီနေ့တော့ ဂျေဆန် အိမ်အပြန်လမ်း တစ်လျှောက်မှာ ကောင်းကင်ကြီးဟာ လှပနေခဲ့တယ်။
စတေစီနဲ့ အဆက်အသွယ်လုပ် ရေးထားတဲ့ စာရွက်လေးကို ရေခဲသေတ္တာမှာ အမှတ်တရ ကပ်ထားမိတယ်။

နောက်တစ်နေ့မနက် နာရီနှိုးစက်သံဟာ ဂျေဆန် နားထဲမှာ သာယာနာပျော်ဖွယ် အတိပေါ့...။
ဒီလိုနဲ့ စာရွက်တွေပေါ်မှာ ပြောချင်တာလေးတွေကို ရေးပြီး အဆက်အသွယ် လုပ်နေခဲ့တယ်...။

နေ့တိုင်း သွားနေကျ လမ်းဟာ ချစ်စရာ ကောင်းနေတယ်
စီးနေကျ ကားဟာ လှပနေတယ်
တက်စီးနေကျ ဓါတ်လှေကားဟာ တင့်တယ်နေတယ်
မြင်နေကျ စက်ရုပ်ဆန်တဲ့ လူသားများဟာ ချစ်စရာ အပြုံးတွေ ကိုယ်စီနဲ့
ငြီးငွေ့ဖွယ် ကောင်းလှတဲ့ လုပ်ငန်းခွင်ဟာ အရင်ကလို မဟုတ်တော့ဘူး...။

စတေစီနဲ့ ဂျေဆန်တို့နှစ်ယောက်ကြား အသံတိတ် စာရေးဆက်သွယ်မှုဟာ တစ်ယောက်နဲ့ တစ်ယောက်ကြားကို ရင်းနှီးမှုတွေ တိုးပွားလာစေခဲ့တယ်...။
တစ်တက်တိုး လို့ခေါ်တဲ့ ဂိမ်းတွေကို စာရွက်တွေပေါ်မှာ အပြန်ပြန် အလှန်လှန် တူတူဆော့ခဲ့တယ်...။
စာရွက်ပေါ်မှာ ကာတွန်းမျက်နှာတွေ ဆွဲပြီး ကိုယ့်မျက်နှာပေါ် ထပ်... တစ်ယောက်ကို တစ်ယောက် နောက်ကြ ပြောင်ကြနဲ့ မမြင်ရတဲ့ သံယောဇဉ်တွေဟာ ရစ်ပတ်နေပါပြီ...။

ဒီလိုနဲ့ တစ်ရက်မှာ စတေစီက ဂျေဆန်ကို ထူးဆန်းတဲ့ စာသားတစ်ချို့ ရေးပြခဲ့တယ်...။
“နင့်ကို ဖုံးကွယ်ထားတာ တစ်ခု ပြောစရာရှိတယ်”
“တစ်ကယ်တော့ သူ့ကို တို့ အရင် စောင့်ကြည့်ခဲ့တာပါ”တဲ့...
စတေစီက စာပြလိုက်ပြီး ဂျေဆန်ကို အကဲခတ်နေတယ်...။

ဂျေဆန် ရင်ထဲ ဗြောင်းဆန်သွားတယ်...။ မျက်နှာ အမူအရာလဲ ပြောင်းသွားတယ်.
စတေစီလဲ ရိပ်မိတယ်...။
ဂျေဆန်က စာရွက်တစ်ရွက်ပေါ်မှာ စာသား တစ်ချို့ ကမန်းကတန်းရေးလိုက်တယ်...။
စတေစီက ဂျေဆန် ဘာရေးမလဲ ဆိုတာ စောင့်ကြည့်နေတုန်း...။

သူရေးထားတာက
“တွေ့ချင်တယ်”
ရေးပြီးလို့ စတေစီကို ပြသင့် မပြသင့် ချီတုံ ချတုံ ဖြစ်နေချိန်မှာ...။
စတေစီကလဲ သူဘာရေးပြမလဲ ဆိုတာ ငံ့လင့်နေချိန်...။
အခန်းထဲကို လူတစ်ယောက် လာခေါ်လို့ စတေစီ ထွက်သွားတယ်။
ဂျေဆန် စတေ့စီကို သူရေးထားတဲ့ စာ ပြခွင့် မရလိုက်ဘူး...။
ဂျေဆန်တစ်ယောက် စတေစီကို ရေးထားတာလေး ပြဖို့ ရုံးအိမ်သာထဲက မှန်ရှေ့မှာ အခေါက်ခေါက် အခါခါ အမူအရာတွေ လေ့ကျင့်နေခဲ့တယ်...။
သူ့စိတ်ထဲမှာတော့ ကောင်မလေး တစ်ယောက်ကို ချစ်ခွင့်ပန်တော့မယ့်၊ တစ်ခါမှ အတွေ့အကြုံ မရှိဖူးတဲ့ ဆယ်ကျော်သက် အရွယ်လိုပဲ ရင်ခုန် စိတ်လှုပ်ရှားနေခဲ့တယ်...။

ဒါပေမဲ့ အဲဒီနေ့ တစ်နေ့လုံး စတေစီ သူ့နေရာကို ပြန်မလာခဲ့ဘူး...။

နောက်နေ့ မနက်မှာ အိပ်ရာက နိုးတော့ ဂျေဆန်တစ်ယောက် အတော့်ကို စိတ်လှုပ်ရှားနေခဲ့တယ်...။
ဖြတ်နေကျ လမ်းက ခါတိုင်းထက် ပိုရှည်လာသလိုလို...
စီးနေကျ ကားက ပိုနှေးနေသလိုလို...
စီးနေကျ ဓါတ်လှေကားက ဒီနေ့မှပဲ အချိန်ပိုကြာနေသလိုလို...
မစောင့်နိုင်တာနဲ့ ရိုးရိုးဓါတ်လှေကားကနေ အလုပ်ရုံးခန်းကို လာခဲ့တယ်...။
ရောက်ရောက်ချင်းပဲ လက်ထဲက အသင့်ဆောင်ထားတဲ့၊ မနေ့က ရေးထားတဲ့ စာရွက်လေးကို ကိုင်ကာ စတေစီ့ ရုံးခန်းဘက် လှည့်လိုက်တဲ့ အခိုက်မှာတော့...

စတေစီ့စားပွဲမှာ လူသစ် ရောက်နေတယ်.....
ဂျေဆန့်ရင်ထဲ ဟာသွားတယ်...
သူ စတေစီကို တွေ့ချင်တဲ့ အကြောင်း စာတွေ စီလာခဲ့တာ ရင်နဲ့ မဆန့်လောက်အောင်ပဲ...

ကံကြမ္မာက သူ့ဘက် အလေး မသာခဲ့ပါလား...
သူ တစ်ချက်လောက် နောက်ကျတာနဲ့ ....
လောကကြီး ရက်စက်လိုက်တာ...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
...
အခုမှ ဇာတ်လမ်းက အရှိန်မြင့်တုန်း..... ကျန်တာကို ဗွီဒီယိုမှာပဲ ဆက်ကြည့်လိုက်ပါလေ...။
အသံတိတ် သရုပ်ဆောင်ထားတာတွေ တော်တော် ကောင်းပါတယ်...။
ကြိုက်တယ် မကြိုက်ဘူး...
သဘောထား ကွဲလွဲနိုင်ပါတယ်။
ဒါရိုက်တာရဲ့ အတွေး အိုင်ဒီယာ ဆန်းသစ်တာလေး သဘောကျမိတယ်။
ထုတ်လုပ်မှု ကုန်ကျစရိတ် လောက်လောက်လားလား မရှိပါပဲနဲ့ ရိုက်ထားတဲ့ ကားလေးပါ။
နှစ်သက်ကြလိမ့်မယ်လို့ မျှော်လင့်ပါတယ်...။
အဲ... မေ့သွားလို့...။ ရုပ်ရှင်နာမည်က Sign တဲ့...။ ၁၂ မိနစ်စာ ပဲ ရိုက်ထားတဲ့ ကားတိုလေးပါ။

Thursday, April 16, 2009

တစ်ခဏ

မိုးတွေ အုံ့တဲ့ နေ့တစ်နေ့
ထုံးစံအတိုင်း ကားတွေက ကျပ်
အိုင်းကာချယ် မပြယ်သေးတဲ့ မျက်နှာ
အဆီပြန် ရုပ်သေး
ဗွက်ထနေတဲ့ ညနေခင်း
ညာဘက်ကို ငေးနေသူတွေ
ဟယ်လို... နိဟောင်
စိတ်ရှုပ်ရှုပ်နဲ့ ပွားပစ်လိုက်တယ်။
အလို အိမ်ပြန်ချိန်ပါလား။

Friday, April 10, 2009

သင်္ကြန်အကြို ရာသီစာလေးများ...။

ဘလော့ဂ်ဂါ မင်းသားကြီး

V1 -(ဘလော့ဂါ မင်းသားကြီး ဘလော့ဂ်ဆိုဒ်တစ်ကာ ရောက်ခဲ့ပြီ...။
ဘယ်ဘလော့ဂ်သူ၊ ဘယ်ဆိုဒ်မှန်းမို့ မသိတော့ ခက်သေးသည်။
မနေ့က ပေးတဲ့ ဘလော့လိပ်စာ Thumb Drive စိုလို့ ပျက်ကုန်ပြီ...
မမှတ်မိတော့ ခက်သားလှဒေ၀ီ...။)၂

PreCho : ဘလော့မင်းသမီးကြီး ခြေရာဖျောက်တော့ လိုက်လို့ရှာသည်။

ဟို CBox တွေ့နိုးနိုး.. ဒီ CBox တွေ့နိုးနိုး...
မင်းသားကြီး အလွမ်းဇာတ်က နှစ်သစ်ကူးလေပြီ။
ဘလော့ဂ်မင်းသမီးကြီး တွေ့ဖို့ အလွန်ခက်သည်။

V1 - (Solo)

Cho : နေ့သစ်အကူးမှာ ပို့စ်အသစ်လေးတွေ တက်တော့မည်။
Gmail, Native, ပဒုမ္မာ ကျူးပစ်ပလန်းနက်ပါ မကျန်ပြီ...။
ကောမန့်ဘောက်က်မှာ လိုက်ရှာလဲ တို့မတွေ့ပြီ။
ဘန်းကျော်ကြောင့်လား တွေးတော့ ဝေးနေပြီ။
မြန်မာဆိုက်ဘာ ယူဆာ လေးနှမငယ် ...
တစ်ချက်စာ Chat မှာ မျက်လှည့်ပြလိုက်ပြီ...။

V1. PreCho:

(မပြီးမချင်း loop ပတ်၍ ပြန်ဆိုရန်။)


- မည်သူ့ကိုမျှ မရည်ရွယ်ပါ။ တိုက်ဆိုင်မှု ရှိက ခွင့်လွှတ်ပါ။
- ရှာပုံတော် မင်းသားကြီး သင်္ကြန်သီချင်းကို မှီငြမ်း ပုံဖျက်ထားသည်။
- မူရင်း သီချင်း နားဆင်လိုသော် အောက်ကပုံကို ကလစ်နှိပ်ပါလေ...။

ရှာပုံတော် မင်းသားကြီး - ဇော်ပိုင်


အရင်က ဘယ်ဘလော့မှာလဲ မသိဘူး။ ဒီလိုဆန်ဆန် ဖျက်ထားတာ ဖတ်ဖူးပါတယ်။ အိုင်ဒီယာ ကြိုက်တာနဲ့ ပြန်တင်မလို့ လုပ်တာ။ မမှတ်မိတော့ ကိုယ့်ဗားရှင်းနဲ့ကိုယ် ပြန်တင်လိုက်ပါတယ်။

အရောက်လာခဲ့ပါ....


ပိတောက်တွေ ဖူးပြီး အတာတွေ ကျူးတဲ့ တန်ခူးလ ရာသီကို ရောက်ခဲ့ပြန်ပါပြီ...။
ဝေ့ကနဲ ၀ိုက်ကနဲ တိုက်ခတ်လာတဲ့ လေပြည်ထဲမှာ ပိတောက်နံ့လေးများ ပါမလားလို့ ယောင်ယမ်း ရှုရှိုက်မိတယ်...။
ကားမီးခိုးနံ့၊ ဓါတ်ဆီနံ့တွေ ထုံမွမ်းနေတဲ့ လေထု အောက်သက်သက် အနံ့က နှာဝကို အလုအယက် တိုးဝင်လာလို့ မနည်း အသက် ပြန်အောင့်လိုက်ရတယ်...။
အော်.. တန်ခူးလ ရောက်ပြန်ပြီပေါ့။
ခပ်လှမ်းလှမ်းက စိန်ပန်းပင် နီနီကြီးမှာ ခပ်သဲ့သဲ့ မြည်နေတဲ့ ဥသြတွန်သံလေး ကြားလိုက်မိပါရဲ့...။
ခါတိုင်းလဲ ဒီလို အချိန်အခါ မဟုတ် တွန်နေတဲ့ ဥသြ အသံကို အမှုမဲ့ အမှတ်မဲ့ နေမိခဲ့တာပဲ။
အခုမှ အွန်လိုင်းက ၀ါရွှေရောင် ပိတောက်ပုံတွေ တွေ့မိမှ သင်္ကြန်အခါတော်နား နီးပြီဆိုတာ သတိပြုမိတယ်။


ပိတောက်ရယ် သင်္ကြန်ရယ်က ခွဲလို့မရတဲ့ အရာပေါ့လေ...။ ပြောစမှတ်ပြုကြတယ်။
ပိတောက်ဆိုတာ သင်္ကြန်အခါတော်မှာမှ ပွင့်လို့ သစ္စာရှိတဲ့ ပိတောက်လို့ ပြောကြတယ်။
သို့သော်လဲ မေပိတောက်သည်လည်း သစ္စာမရှိနိုင်ရှာတော့။
မတ်လမှာ ပွင့်ချင်ပွင့်၊ အခါမဲ့ မိုးများ ရွာလိုက်ရင်လဲ ပွင့်ချင်ပွင့်နဲ့ စိတ်ထင်သလို ပွင့်နေတော့တယ်။
လောလောဆယ်တော့ ဒိုဘီဂေါက် ဘူတာ အထွက်က အော်ချတ်လမ်းမမှာ ပန်ဆင်သူမဲ့ ပိတောက်တွေက သင်းပျံ့တဲ့ အနံ့နဲ့ ဖူးပွင့်နေတာ တွေ့နေရတယ်...။
ပြည်မြန်မာမှာ ဆိုရင်ဖြင့် ဒီပိတောက်တွေဟာ ပန်ဆင်လိုသူ ပျိုဖြူများရဲ့ ဆံကေသာထက်မှာ အခန့်သား စံနေမှာ ဖြစ်ပေမယ့် တန်ဖိုးမသိတဲ့ သူတွေများတဲ့ ဒီခြင်္သေ့ကျွန်းမှာတော့ မြေမှာ သက်ကြွေ၊ ခဝေနေရပြီ။
ပိတောက်ချင်း တူပေမယ့် နေရာမတူလေတော့ ပစ်ပယ်ခံနေရတယ်...။
လမ်းသွားလမ်းလာထဲက တစ်ယောက်စ နှစ်ယောက်စကတော့ အပင်နားက လက်လှမ်းမီရာ အပွင့်တွေကို ခူးပြီး တစ်ယုတစ်ယ နမ်းရှိုက်သွားတာ တွေ့ရတယ်...။ အော် .. ရွှေမြန်မာများပဲ ထင်ပါ့။

ဒီလိုပဲလေ.. ရွှေမြန်မာများလဲ ရောက်တဲ့ အရပ်မှာ ပျော်အောင် နေကြတာပဲပေါ့...။ အထူးသဖြင့် အခုလို မြန်မာနှစ်သစ်ကူးတဲ့ သင်္ကြန်အခါမှာ အများနည်းတူ ပျော်ပျော်ရွှင်ရွှင်နဲ့ အတာ ရေသဘင်ပွဲများကို ဆင်နွဲချင်ကြတာပဲလေ...။ သင်္ကြန်နီးလေတိုင်း တူးပို့တူပို့ သံများ ကြားရင်ဖြင့် မရိုးမရွ ဖြစ်မိတာက အခါခါ...။ မြနန္ဒာ သီချင်းလေးကို လူတိုင်း အလွတ်ရနေတဲ့ ရွှေမြန်မာများအနေနဲ့ ဒီအတာကူးတဲ့ တန်ခူးလကို တစ်နည်း မဟုတ် တစ်နည်းနဲ့ ဆင်နွဲချင်ကြတာပါပဲလေ...။

ထိုနည်းတူစွာ ခြင်္သေ့ကျွန်းရောက် ရွှေမြန်မာများထဲက အခွင့်အခါ မသာလို့ အမိမြန်ပြည်ကို မပြန်သာသေးတဲ့ ကိုကို၊ပျိုပျိုများဟာ မိမိတို့ ကိုယ့်နည်းကိုယ့်ဟန်နဲ့ အချင်းချင်း ချစ်စနိုး ရေပက်ကစားရာက အစုအဖွဲ့များလာတော့ ပုံမှန် ဆုံစည်းနေကြ တိုပါးရိုး ဘုန်းကြီးကျောင်းမှသည် ဓါတ်တော်တိုက်ရှိရာ Eunos ဘုန်းကြီးကျောင်း.. ထိုမှသည် မြန်မာများ တွေ့ဆုံရာ ပင်နီစူလား ပလာဇာမှာ မိမိတို့နည်း မိမိတို့ဟန်နဲ့ သင်္ကြန်ပွဲတော်ကို သတ်မှတ်ထားတဲ့ ဘောင်အတွင်း ဆင်နွဲကြတာပေါ့။

ဒီလို ဆင်နွဲလာရကနေ ယခုနှစ် ၂၀၀၉ ခုနှစ်မှာတော့ စင်ကာပူရောက် ရွှေမြန်မာများနဲ့ သက်ဆိုင်သူများ အကြိမ်ကြိမ် စည်းဝေး ညှိနှိုင်းပြီး စင်ကာပူရဲ့ ပထမဆုံးသော မြန်မာ သင်္ကြန်ပွဲတော်ကို တရားဝင် အများပြည်သူရှေ့မှာ ကျင်းပနိုင်တော့မှာ ဖြစ်ပါတယ်...။ ကျင်းပမယ့် နေရာကတော့ ပင်နီစူလား ပလာဇာ မျက်နှာခြင်းဆိုင်က ပန်ဒန်း ဘောလုံးကွင်းမှာ ဖြစ်ပါတယ်။ ဧပြီလ ၁၂ ရက်၊ တနင်္ဂနွေနေ့မှာ ကျင်းပမှာ ဖြစ်ပါတယ်။ အဓိက ကူညီပံ့ပိုးပေးတာကတော့ M1 ဆက်သွယ်ရေး ကုမ္ပဏီက လို့ သိရပါတယ်။ လက်မှတ်များလဲ ရောင်းချနေကြတာ ကုန်သလောက်နီးနီး ဖြစ်နေပါပြီ။ လက်မှတ် အရေအတွက်က စောင်ရေ ၂၀၀၀၀ ဖြစ်ပြီး တစ်စောင်ကို S$ 15 လို့ သိရပါတယ်။ လက်မှတ်များကို ၀ယ်ယူအားပေးချင်တယ် ဆိုရင်ဖြင့် ပင်နီစူလား ပလာဇာက အောင်ချမ်းသာမှာ ၀ယ်ယူရရှိနိုင်ပါတယ်။

အဆိုပါ သင်္ကြန်ပွဲမှာ မြန်မာပြည်က လူသိများတဲ့ အဆိုကျော်များလဲ လာရောက် ဖျော်ဖြေမှာ ဖြစ်ပါတယ်။ သင်္ကြန်မင်းသားကြီး ဇော်ဝမ်း၊ ဖြူဖြူကျော်သိန်း၊ ဒီဂျေအဖြစ် ဥက္ကာဦးသာ နဲ့ အခြားသော အနုပညာရှင်များ လာရောက်ဖျော်ဖြေဦးမယ်လို့ သိရပါတယ်...။

အဆိုပါ သင်္ကြန်ပွဲမှာ ရွှေပွဲလာ ရွှေမြန်မာများကို အဆာပြေ၊ ရေငတ်ပြေ စားစရာ သောက်စရာများလဲ ထည့်သွင်း ရောင်းချပေးမယ်လို့ သိရပါတယ်...။ စင်ကာပူရောက် ရှမ်းမိသားစုများမှလဲ ရှမ်းတိုင်းရင်းသား ရိုးရာ အစားအစာများကို ဈေးသက်သက်သာသာနဲ့ ရောင်းချပေးမယ်လို့ သတင်းရရှိထားပါတယ်။


ရောင်းချမယ့် စားသောက်ဖွယ်ရာကတော့ ရှမ်းခေါက်ဆွဲ၊ ရှမ်းထမင်းဝါတို့ ဖြစ်တယ်လို့ သိရပါတယ်။ အခြားသော အစားအစာများလဲ အလျဉ်းသင့်သလို ရောင်းချပေးမယ်လို့ သတင်းရရှိထားပါတယ်။

ရှမ်းခေါက်ဆွဲကတော့ အများ သိပြီးသား ဖြစ်နေလို့ အထူးတလည် မိတ်ဆက်ပေးဖို့ မလိုတော့ဘူး ထင်ပါတယ်။ ထူးထူးခြားခြား မိတ်ဆက်ပေးမယ့် အစားအစာကတော့ ရှမ်းထမင်းဝါလို့ ခေါ်တဲ့ စားစရာ ဖြစ်ပါတယ်။ သက်သတ်လွတ် အမျိုးအစား ဖြစ်ပါတယ်။ အဲဒီ ထမင်းဝါအကြောင်းကို ပြီးခဲ့သော ပို့စ်များထဲမှာ ကျွန်တော် မိတ်ဆက်ပေးခဲ့ဖူးပါတယ်။ ဒီစားစရာကတော့ လုပ်ရတာ လက်ဝင်သလို တော်ရုံ စားနိုင်တဲ့ အစားအစာ မဟုတ်ပါဘူး။ သက်သက်ကို လုပ်မှသာ စားနိုင်တဲ့ အစားအသောက် ဖြစ်ပါတယ်။ (ရှမ်းထမင်းဝါ အကြောင်းကို ဒီမှာ ဖတ်နိုင်ပါတယ်။)


ဒီ စားစရာများကို စင်ကာပူရောက် ရှမ်းမိသားစုများမှ ကိုယ်တိုင်တည်ခင်းရောင်းချမှာ ဖြစ်ပါတယ်...။ သင့်တင့်မျှတတဲ့ နှုန်းထားနဲ့ သင်္ကြန်ပွဲတော်တွင်းမှာ ရောင်းချပေးမှာ ဖြစ်တဲ့ အတွက် တစ်နှစ်မှ တစ်ခါသာ စားရမယ့် ကြုံရခဲ့တဲ့ ရှမ်းရိုးရာ ထမင်းဝါကို ပွဲတော်တွင်းမှာ “ရှမ်းတောင်တန်း” စားသောက်ဆိုင်မှာ လာရောက် အားပေး သုံးဆောင်နိုင်ပါကြောင်း ပန်းသတင်း စကားလက်ဆောင် ပါးလိုက်ရင်းနဲ့.. ပျော်ရွှင်စရာ ကောင်းတဲ့ နှစ်သစ်သင်္ကြန်ကို ဆင်နွဲနိုင်ကြပါစေလို့ ဆုမွန်ကောင်း တောင်းပေးလိုက်ပါတယ်...။

ဒီပို့စ်ကတော့ ကြော်ငြာ သက်သက်ပါ...။ အခကြေးငွေ တစ်ပြားတစ်ချပ်မှ မရပါ။ ကျေးဇူးတင်လို့ ရှမ်းထမင်းဝါများ မေတ္တာနဲ့ အကျွေးအမွေး ဧည့်ခံမယ်ဆိုရင်လဲ လူမှုရေးအရ ငြင်းမယ် မဟုတ်ပါဘူး။

Related Posts :
စကာင်္ပူနိုင်ငံ၏ အကြီးကျယ်ဆုံး ပထမဆုံးသော သင်္ကြန်ပွဲ
ဒေါက်တာ စိုင်းခမ်းလိတ်၏ အသက် ၆၀ ပြည့်မွေးနေ့။

Wednesday, April 8, 2009

စင်ကာပူတွင် လတ်တလော ဖြစ်ပွားနေသော ကာလ၀မ်းရောဂါပိုး Update 1

အခုလတ်တလော ဖြစ်ပွားခဲ့တဲ့ စင်ကာပူနိုင်ငံ ဂေးလန်းအရပ်က အိန္ဒိယ စားသောက်ဆိုင်တစ်ခုက Rojak အစာ အဆိပ်သင့်မှုနဲ့ ပတ်သက်လို့ စင်ကာပူ ကျန်းမာရေး ၀န်ကြီးဌာနမှ ကြေငြာချက်တစ်ရပ် ကို အတည်ပြု ထုတ်ပြန်ခဲ့ပါတယ်။ ကနဦး စုံစမ်း တွေ့ရှိချက်များအရ လူနာဖြစ်စဉ် ၂ ခုမှာ ကာလ၀မ်းရောဂါကို ဖြစ်ပွားစေတဲ့ ပိုးတစ်မျိုးကို တွေ့ရပါတယ်။ အဆိုပါ ကာလ၀မ်းရောဂါပိုးဟာ Vibrio Parahaemolyticus လို့ ခေါ်ပါတယ်။

အဆိုပါ ပိုးဟာ အဏုကြည့် မှန်ဘီလူးနဲ့ ကြည့်ရင် အောက်ကပုံအတိုင်း ပြောင်းရှည်သဏ္ဍာန် တွေ့ရပါတယ်။ ဆားငန်ရည်ကဲ့သို့ ဂုဏ်သတ္ထိရှိသော အရည် (ဥပမာ - ပင်လယ်ရေ) များထဲမှာ ပေါက်ဖွားနိုင်ပါတယ်။ အဆိုပါ ရောဂါပိုး ကူးစက်မိရင် ၀မ်းဗိုက်ပိုင်းဆိုင်ရာ နာကျင်ကိုက်ခဲမှုကို ခံစားရပါမယ်။

ကူးစက်နိုင်တဲ့ လမ်းကြောင်းကတော့ မသန့်တဲ့ အစာများ၊ သားစိမ်းငါးစိမ်း ပင်လယ်စာ (ဥပမာ - မချက်ရသေးသော ပင်လယ်စာ အစိမ်းများ၊ ဆူရှီ စသည်များ၊ ကမာကောင်များ) စားသုံးခြင်း၊ ဒဏ်ရာ အနာတရ ဖြစ်ပွားသော နေရာမှ ရောဂါပိုးများ ၀င်ရောက်ခြင်း (ဖြစ်နိုင်ခြေ နည်းပါး)၊ စသည်တို့ ဖြစ်ပါတယ်။




Vibrio Parahaemolyticus ရောဂါပိုး ကို အဏုကြည့် မှန်ပြောင်းနဲ့ မြင်ရစဉ်။
(Photo Credit to : Wikipedia)

ပင်လယ်ကမ်းရိုးတန်း တစ်ဝိုက်မှာ ရေရဲ့ အပူချိန် မြင့်မားတဲ့ နွေရာသီနဲ့ မိုးဦးကျ ရာသီတို့ဟာ အဆိုပါ ပိုးများ ပေါက်ဖွားဖို့ လွယ်ကူတဲ့ အတွက် အဲဒီဒေသတွေမှာ အဲဒီအချိန်တွေမှာ ကာလ၀မ်းရောဂါပိုးများ ဖြစ်နိုင်ချေ များပြားပါတယ်။ အဓိက ကူးစက်တတ်တဲ့ ပင်လယ်စာများကတော့ ပြည်ကြီးငါး၊ Mackerel ငါးများ၊ တူနာငါး၊ ဆာဒင်းငါး၊ ဂဏန်းနဲ့ ပုဇွန် အစရှိတာတွေ ဖြစ်ပါတယ်။

ရောဂါကူးစက်လာရင် ဖြစ်ပွားတတ်တဲ့ လက္ခဏာများကတော့ ၀မ်းသွားခြင်း၊ ကိုယ်တွင်း ရေဓါတ် ခန်းခြောက်ခြင်း၊ အော့အန်ခြင်း၊ အဖျားကြီးခြင်း စတာတွေ ဖြစ်ပါတယ်။ အထက်လှန် အောက်လျှော ဖြစ်တာနဲ့ ခပ်ဆင်ဆင်ပါပဲ။ ရောဂါလက္ခဏာများ ပေါ်ပေါက်လာရင် ပေါ့ပေါ့ဆဆ မနေကြဖို့ အရေးကြီးပါတယ်။ နီးရာ ဆေးခန်း ပြကြပါ။

အဆိုပါပိုးဟာ မိမိကိုယ်မှာ ရရှိထားတဲ့ ဒဏ်ရာများ၊ အနာများကနေတစ်ဆင့်လဲ ကူးစက်နိုင်တဲ့ အတွက် ပင်လယ်နားနီး နေထိုင်သူများ၊ ရောဂါပိုး ကူးစက်ရာ နေရာ ဒေသတစ်ဝိုက် နေထိုင်သူများဟာ ရေကူးခြင်း၊ အလုပ်လုပ်ခြင်းများ ကို သတိပြု လုပ်ဆောင်ကြရပါမယ်။ အမေရိကားမှာ လွန်ခဲ့သော နှစ်က ကက်သရင်း အမည်ရှိတဲ့ ဟာရီကိန်း မုန်တိုင်း တိုက်ခတ်ပြီးစမှာ အဆိုပါ ဒဏ်ရာကနေ ၀မ်းကိုက် ရောဂါကူးစက်သူ ၂၂ ယောက်ထဲက ၃ ယောက် အဖိတ်အစင် ရှိခဲ့တာမို့ ပေါ့ဆခြင်း မပြုပဲ ဆရာဝန်ညွှန်ကြားချက်အတိုင်း လိုက်နာကျင့်သုံးကြဖို့ တိုက်တွန်းပါတယ်။

(စာအရေးအသား၊ ဘာသာပြန်ညံ့ဖျင်းပါတယ်။ ပေးချင်တဲ့ မက်ဆေ့ခ်ျကို သဘောမပေါက်ရင်တော့ အောက်က ၀ီကီပီဒီးယား လင့်ခ်မှာ ဖတ်ပေးပါ။)

အဆိုပါ ရောဂါပိုးအကြောင်းကို အကျယ် သိလိုပါက ဒီက Wikipedia မှာ သွားဖတ်နိုင်ပါတယ်။

(စင်ကာပူမှာ ဒီရောဂါ စဖြစ်ပြီး ပထမဦးဆုံး လူနာ ဆုံးပါးသွားတဲ့ တနင်္လာနေ့မှာပဲ တစ်ချို့သော Food Court, Hawker Center တွေကို ချက်ချင်း Temporary ပိတ်လိုက်ပြီး သန့်ရှင်းရေးတွေကို အပူတပြင်း လုပ်နေတာတွေ့ခဲ့ပါတယ်။ ပြည်သူများကိုလဲ အချိန်နဲ့ တစ်ပြေးညီ update သတင်းများကို ထုတ်ပြန်ပေးပါတယ်။)

Singpore နိုင်ငံရဲ့ လတ်တလော Breaking News, Updates များကို Channel News Asia ၀ဘ်က်ဆိုက်ဒ်ကနေ တင်ပေးနေပါတယ်။ ၀င်ရောက် ဖတ်ရှုလိုသူများ အောက်က လင့်ခ်မှာ သွားရောက် ကြည့်ရှုနိုင်ပါတယ်။
Singapore Breaking News


**Update*** : (စင်ကာပူ စံတော်ချိန် - နေ့လည် ၁၂း၀၀ နာရီ)
အခုလောလောဆယ်တော့ ဗုဒ္ဓဟူးနေ့ ဒီကနေ့ မနက် ၁၀ နာရီမှာပဲ ၀မ်းရောဂါပိုးကြောင့် အသက်59 နှစ်အရွယ် အမျိုးသမီး တစ်ဦး ဆုံးပါးသွားပြန်ပါပြီ။ အစာအဆိပ်သင့်မှုနဲ့ စနေနေ့မှာ ဆေးရုံ တင်ထားတာပါ။ ၀မ်းရောဂါကြောင့် အသက်ဆုံးပါးသွားတဲ့ ဒုတိယမြောက် လူနာဖြစ်ပါတယ်။ သတင်းကို ဒီက ရပါတယ်။

Monday, April 6, 2009

စုံစီနဖာ ကမ္ဘာတစ်လွှား သတင်းတိုထွာ။ 060409

ဧပြီလ ၆ ရက် တနင်္လာနေ့။
  • အီတလီမှာ မနက်တုန်းက မြေငလျင်လှုပ်သွားတာ အနည်းဆုံး ၂၇ ယောက် အသက်ဆုံးရှုံးတယ်လို့ သိရတယ်။ အင်ဒိုနီးရှားမြောက်ပိုင်းမှာ မြေငလျင် လှုပ်တာ ညဦးပိုင်းက ဆိုပေမယ့် ဒဏ်ရာရသတင်းတွေ မသိရသေးလို့ ဆိုပါတယ်။
  • အိုဘားမားတစ်ယောက် အမေရိကန်ပြည်ထောင်စုရဲ့ သမ္မတ အဖြစ် ရာထူးခံယူပြီးနောက်ပိုင်း ယခုအခါ နိုင်ငံရပ်ခြားတိုင်းပြည်များသို့ ပထမဆုံး အကြိမ် အဖြစ် ခရီးလှည့်လည် သွားလာနေပါတယ်။ G20 ထိပ်သီးဆွေးနွေးပွဲကိုလဲ တက်ရောက်ခဲ့ပါတယ်။
  • နယူးယောက်မှာ ပြီးခဲ့တဲ့ အပတ်က ဖြစ်ပွားခဲ့တဲ့ လ၀က ရုံးတွင်း ပစ်ခတ်မှုမှာ သေနတ်သမားဟာ ၀န်ထမ်များ အပါအ၀င် နိုင်ငံသား ခံယူဖို့ စောင့်ဆိုင်းနေသူ ၁၂ ယောက်ကို ပြောင်းတို သေနတ် ၂လက်နဲ့ ပစ်ခတ်ပြီး ကိုယ့်ကိုယ်ကိုအဆုံးစီရင်ခဲ့တယ်။ သေနတ်သမားဟာ ဗီယက်နမ်ကနေ ရွှေ့ပြောင်းရောက်ရှိလာတဲ့ တရုတ်လူမျိုး ဖြစ်ပါတယ်။ အလုပ်ထုတ်ခံရတာရယ်၊ အင်္ဂလိပ် စကားပြောပိုင်းဆိုင်ရာ အားနည်းမှုကြောင့် အနှိမ်ခံရတာက စတင်ခဲ့တာ ဖြစ်တယ်လို့ ရဲက ကောက်ချက်ချပါတယ်။
  • အိုဘားမားဟာ တူရကီမှာ တူရကီ ထိပ်တန်းအရာရှိများနဲ့ နှစ်နိုင်ငံကြား နိုင်ငံရေး၊ စီးပွားရေးများဆိုင်ရာ ကိစ္စရပ်များ ဆွေးနွေးမယ်လို့ သိရပါတယ်။
  • စင်ကာပူ အသက်၁၆ နှစ်အောက် ယောကျာ်းလေးများနဲ့ လိင်ဆက်ဆံမှု ပြုရင် ထောင်ဒဏ် ၁၀ နှစ်အထိ ချမှတ်နိုင်ပါတယ်။ ဖေဖေါ်ဝါရီလက ပြစ်မှုထင်ရှားကြောင်း တွေ့ရှိရတဲ့ ကျောင်းဆရာမကို ၁၅ နှစ်အရွယ် ကျောင်းသားလေးနဲ့ လိင်ဆက်ဆံမှုကြောင့် ပြစ်ဒဏ်များ ချမှတ်တော့မှာ ဖြစ်ပါတယ်။
  • ဂေးလမ်းနားက စားသောက်ဆိုင်တစ်ခုမှာ Rojak စားမိခဲ့သူထဲက အယောက်တစ်ရာကျော်လောက်ဟာ ၀မ်းဗိုက်ပိုင်းဆိုင်ရာ နာကျင်မှု ဝေဒနာများ၊ အော့အန်ခြင်း၊ မူးဝေခြင်း စတဲ့ ဝေဒနာများနဲ့ ဆေးရုံတင်ထားရပါတယ်။ အဲဒီထဲက ကိုမာ ဖြစ်သွားတဲ့ အမျိုးသမီးတစ်ယောက် ဒီမနက်ကပဲ ဆုံးပါးသွားပါတယ်။ Food Poison ဖြစ်နိုင်ချေ ရှိတယ်လို့ သံသယ ဖြစ်နေကြပါတယ်။
  • မြောက်ကိုးရီယားဟာ အများက ၀ိုင်းဝန်း တားဆီးနေတဲ့ကြားကပဲ ဆက်သွယ်ရေး ဂြိုဟ်တု သယ်ဆောင်သွားတယ်လို့ အကြောင်းပြခဲ့တဲ့ ဒုံးပျံ ပစ်လွှတ်မှုကို တနင်္ဂနွေနေ့က ပစ်လွှတ်ခဲ့ပါတယ်။ အဆိုပါ ဒုံးကျည်ပစ်လွှတ်မှုသည် ဆက်သွယ်ရေး ဂြိုဟ်တုကို ကမ္ဘာပတ်လမ်းကြောင်းထဲ ပို့ဆောင်နိုင်ဖို့ လို့ မြောက်ကိုးရီးယားက ပြောကြားခဲ့ပေမယ့် နိုင်ငံတစ်ကာက ယုံကြည်မှု မရှိခဲ့ပါဘူး။ ခု ပစ်လွှတ်လိုက်တဲ့ ဆက်သွယ်ရေး ဂြိုဟ်တုဟာ ကမ္ဘာပတ်လမ်းကြောင်းပေါ်ကို ရောက်ရှိသွားပြီး သတင်း အချက်အလက်များနဲ့ သမ္မတကင်မ်ကျုံအီးလ်ကို ချီးကျူးတဲ့ သီချင်းများ ထုတ်လွင့်နေတယ်လို့ မြောက်ကိုရီးယားက သတင်းထုတ်ပြန်ပါတယ်။ တောင်ကိုရီးယားနဲ့ အမေရိကန် အစိုးရကတော့ စောင့်ကြည့်ထောက်လှမ်းချက်များအရ အောင်မြင်တဲ့ လွှတ်တင်မှု မဟုတ်ဘူး။ ဒုံးပျံ အလွတ်သာ ပါသွားပြီး ဂျပန်နိုင်ငံကို ဖြတ်ကျော်ကာ ပစိဖိတ်သမုဒ္ဒရာထဲ ပျက်ကျသွားတယ်လို့ အစီရင်ခံပါတယ်။ တစ်ဆက်တည်းမှာပဲ ဂျပန်နိုင်ငံက ဒုံးပျံ အပိုင်းအစများ မိမိနိုင်ငံအပေါ် ကျလာမယ်ဆိုရင် ပစ်ခတ် ဖျက်ဆီးဖို့ တပ်လှန့်ခဲ့ပေမယ့် တစ်စုံတစ်ရာ ကျရောက်ခဲ့ခြင်း မရှိလို့ ပြောကြားပါတယ်။ မြောက်ကိုရိးယားကတော့ ဂျပန်သာ ပစ်ချခဲ့မယ်ဆိုရင် စစ်ကြေငြာတာ ဖြစ်တယ်လို့ ယူဆမှာ ဖြစ်ကြောင်း အစောပိုင်းကတည်းက ရာဇသံ ထုတ်ထားခဲ့ပါတယ်။ ပစ်လွတ်ချိန်မှာ ဂျပန်နိုင်ငံက ပြည်သူပြည်သားများဟာ ချယ်ရီပန်းများ စတင်ပွင့်တဲ့ ပွဲတော်ကို ဆင်နွဲနေကြတဲ့ အချိန် ဖြစ်ပါတယ်။ ကံကောင်းသွားတာကတော့ အပျက်အစီး အစိတ်အပိုင်းများ ကျရောက်ခဲ့ခြင်း မရှိပါဘူး။ အမေရိကန်နဲ့ ကမ္ဘာတစ်ဝှမ်းကတော့ အဆိုပါ လုပ်ရပ်ကို မိုက်ရူးရဲဆန်တဲ့ လုပ်ရပ်လို့ ကြေငြာလိုက်ပြီး နောက်နောင် မပြုရန် အပြင်းအထန် သတိပေးလိုက်ပါတယ်။ တစ်ဆက်တည်းမှာပဲ လုံခြုံရေး ကောင်စီမှာ ဒီအရေးကို အပြင်းအထန် ဆွေးနွေးခဲ့ပေမယ့် သဘောတူညီချက် တစ်စုံတစ်ရာ မရရှိခဲ့ပဲ လိပ်ခဲတည်းလည်းနဲ့ ပြီးသွားပါတယ်။ မြောက်ကိုးရီးယားနိုင်ငံရဲ့ မဟာမိတ်နိုင်ငံ ဖြစ်တဲ့ ရုရှားနဲ့ တရုတ်နှစ်နိုင်ငံဟာ လုံခြုံရေး ကောင်စီထဲက ကြီးငါးကြီးမှာ အပါအ၀င် ဖြစ်တဲ့အတွက် ပြင်းထန်တဲ့ အရေးယူမှုများကို နှစ်နိုင်ငံစလုံးက ဗီတိုအာဏာနဲ့ ပယ်ချနိုင်ပါတယ်...။
ထပ်ဖြည့် - (April 07, '09, 3:33 pm SG standard time)
  1. စင်ကာပူက Rojak စားမိပြီး ပထမဦးဆုံး ဆုံးပါးသွားသူက ကင်တင်းကို Operate လုပ်နေတဲ့ Operator ဖြစ်ပါတယ်။
  2. အီတလီက ငလျင်ကြောင့် သေဆုံးသူ ဦးရေ 179 ယောက် ကျော်သွားပြီ ဖြစ်ပါတယ်။ ဒဏ်ရာရသူ စုစုပေါင်း ၁,၅၀၀ ကျော်သွားပါပြီ။ (နှစ် ၃၀ အတွင်း အဆိုးရွားဆုံးသော ငလျင် လှုပ်မှု ဖြစ်ပါတယ်။)

ထိုခဏ

ဒီနေ့တစ်နေ့လုံး မိုးရွာနေတယ်။
မိုးတွေကလဲ တစ်ဂျိန်းဂျိန်းနဲ့ အညိုးတစ်ကြီး ဆိုသလို ရွာနေတာ...။
ရေတွေ အပေါ်ကနေ သွန်ချနေသလား ထင်ရအောင် ဒလဟော ကျနေတာဆို.. မိုးရွာနေတာနဲ့ မတူတော့ပဲ တာကျိုးနေတဲ့ ပုံနဲ့တောင် တူနေသေး...။
ဆိုတော့ အိမ်ထဲမှာပဲ နေနေတာ...။ ပြတင်းပေါက်ကို မိုးစက်တွေ မတရား ၀င်လာမှ ပိတ်လိုက်တယ်။
ပိတ်တုန်းက မလုံလို့ ထင်ပါ့။ မှန်ပြတင်းနှစ်ခုကြားထဲ လေတွေ တိုးသံက မသိရင်ပဲ သရဲကားထဲက လေတိုးသံလိုလို... စစ်ကားထဲက မိုင်းနင်းမိခါနီး စစ်သားတစ်ယောက် နားထဲ ကြားနေတဲ့ လေတိုးသံလိုလို၊ သားကောင်ကို ပစ်တော့မယ့်ဆဲဆဲ ချိန်ထားတဲ့ မြားတံကို ဖြတ်ပွတ်သွားတဲ့ လေတိုးသံ လိုလို ထင်မိတယ်...။ တစ်ကယ်က ကျွန်တော့် အိပ်ရာပြတင်းမှန်ကြားထဲကို ဖြတ်တိုးဝင်လာတဲ့ တစ်ဟဲဟဲနဲ့ မြည်နေတဲ့ လေသံပါ။
သေမင်းအော်သံနဲ့တောင် တူနေလေရဲ့...။

ပင်လယ်ထဲမှာ ဒီလို မိုးရွာပုံမျိုးနဲ့ဆိုရင်တော့ သဘောင်္ငယ်များ၊ ငါးဖမ်း လှေငယ်များကတော့ ဟိုလူး ဒီလာ၊ ဘယ်ညာ ယိမ်းငင်နေမှာပါ့။
ကိုတံငါများတော့ ဘယ်လို နေရှာမလဲတော့ မသိ...။

တစ်ခါသားမယ် အဲဒီလို ရာသီဥတု ဆိုးဝါးပြင်းထန်နေချိန်မှာ သင်္ဘောငယ် တစ်စင်းရဲ့ ၀မ်းဗိုက်ထဲမှာ ရောက်နေခဲ့ဖူးတယ်။ ထမင်းစားခန်းထဲကိုတောင် တည့်တည့်မတ်မတ် သွားနိုင်ဖို့ အနိုင်နိုင် ကြိုးစားရတဲ့ တစ်ခဏ...။ ဗြုန်းဆို ကုန်းပတ်ပေါ်ကို တက်တဲ့ လှေကားနားက တံခါးက ရုတ်ချည်း ပွင့်သွားလေတော့ လေတိုးသံတွေ နားထဲ ဆောင့်ဝင်လာတာ...။ တစ်ဟဲဟဲနဲ့...။

နောက်တစ်ခါကျတော့ တောင်ကြီးကနေ မန္တလေးကို ကားနဲ့ ဆင်းသွားတဲ့ အခေါက်။ မိုးရာသီ...
လေတွေ မတရားတိုက်လွန်းလို့ ကားဘေးနားက မိုးကာတွေ အကုန်ချပြီး မောင်းနေတာ။ နောက်ဆုံး မိုးကို အန်တုဖက်ပြိုင်ခြင်းငှာ မစွမ်းသာတော့တဲ့ ကိုရွှေဒရိုင်ဘာခမျာ လမ်းဘေး ကားထိုးရပ်နေရရှာတော့တယ်။ မိုးကာ အလုံပိတ်ထားတော့ လူကမွန်းကျပ်။ လူ့ချွေးစော်တွေနဲ့ မူးဝေ... ဖလန်းကနဲ လေတိုးလိုက်တော့ မိုးကာ လှန်သွားတယ်...။ လားလား.. လေတိုက်သံက တော်လဲ မြည်သလိုပဲ... (၀မ်းတွင်း မရောက်ခင် နေရာမှာ...)

အဲ..ပြောရပြန်ရင် ... နောက်တစ်ခေါက်က လေယာဉ်နဲ့ဗျ...။ မိုးရွာတော့ လေယာဉ်က အထိန်းအကွပ်မဲ့သလို ဖြစ်နေရော...။ Air pocket ဆိုလား... Turbulence ဆိုလား.. အဲဒါနဲ့ မိတော့ လေယာဉ်က အပေါ်အောက် ပြုတ်ကျလိုက် ငြိမ့်ကနဲ တက်သွားလိုက်နဲ့... ရန်ကုန်လေဆိပ်ကို မဆင်းနိုင်တော့ပဲ ပဲခူးလေဆိပ်မှာ ၀ဲနေရတယ်...။ ၂ နာရီလောက်ကြာအောင်ကို လေယာဉ်ပေါ်မှာ ဆန်ပြုတ်ရောင်းလိုက်ရတယ်...။

သဘာဝကို အန်မတုနိုင်တဲ့ လူသားများထဲက တစ်ယောက်အနေနဲ့ ဆိုးရွားတဲ့ ရာသီဥတုကို ကြုံမိတဲ့ အခိုက် ခံစားမိတာလေး ချရေးပေးလိုက်ရပါတယ်။

(မိုးနဲ့ ပါတ်သက်လို့ တစ်ပို့စ်တော့ တင်ဖြစ်အောင် တင်ပါဆိုလို့ ဆိုလာသူ တစ်ယောက်အတွက်...။)
(မရေးတတ် ရေးတတ်နဲ့မို့လို့ ရေးလိုက်တယ်...။ အကျိုး မဖြစ်ပေမယ့် အဆိပ်အတောက်တော့ မဖြစ်လောက်ဘူး ထင်ပါတယ်။)

Sunday, April 5, 2009

Secret

အကြင်သူသည် အကြင်သူအား သနားသက်ညှာသောအားဖြင့် အကြောင်းခြင်းရာ တစ်ရပ်ကို ဖွင့်ဟပြောဆို၏။
အဆိုပါ အကြောင်းခြင်းရာသည် အချိန်အတိုင်းအတာ တစ်ခုထိ လျို့ဝှက်အပ်သော အမှု ဖြစ်ချေရာ သတ်မှတ်ထားသည့် အချိန်မတိုင်မချင်း ပေါက်ကြားမှု မဖြစ်စေရန် လျို့ဝှက်ချက်ကို ထိန်းသိမ်းထားရာ၏။

Friday, April 3, 2009

ငတ်မွတ်ခြင်း။

Aphrodite (Venus)
Photo Credit : Wikipedia


ခြောက်သယောင်းနေတဲ့ လယ်ကွက်ထဲမှာ
ပတ်ကြားအက်နေတဲ့ မြေသားတွေ ရှိတယ်...။
တံလျပ်တွေကတော့ ဟိုးအဝေးမှာ တစ်ရှိန်ရှိန်ထလို့...။
တောင်ခိုးတွေ ဝေနေတဲ့ ဟိုအဝေးမှာတော့
မိုးညို့ညို့ကို တွေ့မိလေသလား...။

လူသူကင်းနေတဲ့ မြို့ပျက်ထဲမှာ
နံရံတွေ အက်ကြောင်းလိုက်နေတဲ့ တိုက်အိုတွေရှိတယ်...။
မီးခိုးတွေ တစ်လူလူ ထွက်လို့...။
ခြောက်သွေ့နေတဲ့ မြို့ပြင်လမ်းတစ်လျှောက်မှာ
ရေကြည်တစ်ပေါက် တွေ့မိလေသလား။

နာကျည်းကြေကွဲခြင်းတွေနဲ့ အက်ကွဲနေတဲ့ ရင်ဘတ် အစုံမှာ
ဒဏ်ရာရနေတဲ့ နှလုံးသား တစ်ခု ရှိတယ်...။.
သွေးစိမ်းတွေ ရှင်ရှင်ထွက်လို့...။
နာကျင်တာတွေကို အံကြိတ်ခံရင်း
ကြင်နာတာတွေကို ငတ်မွတ်နေမလား...။
ဟိုးအဝေးက လင်းဖျဖျ ရောင်စဉ်မှာ
လှမ်းလာမယ့် လက်အစုံကို တွေ့မိလေသလား....။

ဒီလိုနဲ့ အေးရက်စ်ဟာ အက်ဖရိုသိုက် နတ်ဘုရားမအောက်မှာ
အချစ်အတွက်နဲ့ အခါခါ ကျရှုံးခဲ့ပေါ့...။
ဒီမောင်မှာတော့ ဆားငန်ရည်သောက်လို့ ကောင်းတုန်း...။



ခက်ဆစ်

Ares = Aphrodite ၏ ချစ်သူ။
Aphrodite = ဗီးနပ်စ်လို့လဲ သူ့ကို သိတယ်...။ အေးရက်စ်နဲ့ ချစ်ကျွမ်းဝင်မိတဲ့ အလှနတ်သမီး။ မြားနတ်မောင် ကျူးပစ်ရဲ့ အမေ။

Ares
Photo Credit : Wikipedia



Cupid
Photo Credit : Wikipedia



Wednesday, April 1, 2009

မြန်မာပြည်ကို ဈေးသက်သက်သာသာနဲ့ ဖုန်းခေါ်ရအောင်။


မြန်မာပြည်ကို ဈေးနှုန်းသက်သာစွာနဲ့ ခေါ်ဆိုရအောင်။
ပြည်ပရောက် မြန်မာလူငယ်များမှ တည်ထောင်ထားတဲ့ ဖုန်း ၀န်ဆောင်မှု ကုမ္ပဏီ ဖြစ်ပါတယ်။
လုပ်ငန်း စတည်ထောင်တဲ့ အထိမ်းအမှတ် အနေနဲ့ ပထမဦးဆုံး ၀င်ရောက် မှတ်ပုံတင်သူ အယောက် ၁၀၀ ကိုသာ မြန်မာပြည်ကို အခမဲ့ ခေါ်ဆိုခွင့် ၅ မိနစ် စီပေးမှာ ဖြစ်ပါတယ်။
လောလောဆယ်တော့ ခရဒ်ဒ်ဒစ်ကဒ် မလိုပါ။
စိတ်ကျေနပ်လို့ ၀န်ဆောင်မှုကို သုံးချင်တယ်ဆိုရင်တော့ စင်ကာပူက စတားဟဘ်နဲ့ ပါတနာ လုပ်ထားတဲ့ ဆိုင်တွေမှာ တော့ပ်အပ်ပ် ကဒ်တွေ ၀ယ်လို့ရပါတယ်တဲ့...။
နောက်ကို တစ်ခြားနိုင်ငံတွေကပါ သုံးနိုင်အောင် PayPal စံနစ်နဲ့ ရောင်းချပေးမှာ လို့ ဆိုပါတယ်...။

ဒီကနေ သွားနိုင်ပါတယ်...။
င်္Free Call to Myanmar, Register here

(စာကြွင်း။ ။ ကြော်ငြာခ မရပါ။ အသိပေးရုံသက်သက်ပါ။ Use at your own risk.)