Friday, August 17, 2007

Downside of Downloading


ကော်ပီရိုက် နည်းပညာ၊ မူပိုင်ခွင့် စတာတွေနဲ့ ပတ်သက်လာရင် အနောက်နိုင်ငံတွေထက်ကို အမြင်ကတ်လောက်အောင် လိုက်နာတတ်တဲ့ စင်ကာပူနိုင်ငံမှာ အင်တာနက် သုံးစွဲရတာ နည်းနည်း သတိထားရပါမယ်...။ ပိုင်းရိတ်မူဗွီများ၊ သီချင်းများ၊ ဆော့ဖ်ဝဲများကို တရားမ၀င် ကူးယူ ဆွဲချ သုံးစွဲတာကို အပြစ်ပေးတော့မယ်လို့ သိ၇ပါတယ်။ ဒီအကြောင်းနဲ့ ပတ်သက်လို့ ပြီးခဲ့တဲ့ သြဂုတ်လ ၁၅ ရက်နေ့ထုတ် တူဒေး သတင်းစာမှာ ပါတဲ့ သတင်း တစ်ပုဒ်ကို ကြည့်လိုက်ရအောင်...။ စာမျက်နှာ-၄ မှာ ပါတဲ့ သတင်းပါ။ Downside of Downloading ဆိုတဲ့ ခေါင်းစဉ်နဲ့ ပါပါတယ်။ သတင်း အကျဉ်းကို တင်ပြရရင်တော့ အနုပညာ မူပိုင်ခွင့် ရှိသူများအနေနဲ့ ၀မ်းမြောက်ဖွယ် သတင်းပါတဲ့...။ တရားရုံးကနေပြီးတော့ စတားဟပ်ပ် အိုင်အက်စ်ပီကို သုံးစွဲသူပေါင်း တစ်ထောင်ကျော်ရဲ့ အချက်အလက်တွေကို ဖွင့်ပြဖို့ အမိန့်ပေးလိုက်ပါတယ်။ အဆိုပါ စတားဟပ်ပ်ရဲ့ ၀န်ဆောင်မှု သုံးစွဲသူ တစ်ထောင်ကျော်လောက်ဟာ ဂျပန်နိုင်ငံက လတ်တလော ရေပန်းစားနေတဲ့ ကာတွန်းရုပ်ရှင် Anime' ကို အင်တာနက်ကနေ တရားမ၀င် Download လုပ်ယူခဲ့လို့ပါတဲ့။ အဆိုပါ တရားနိုင် ကာတွန်းကား Anime' ဖြန့်ချိသူ ကတော့ လျော်ကြေးအနေနဲ့ ဒီ လုပ်သူ တစ်ဦးချင်းစီကနေ စင်ကာပူ ဒေါ်လာ ၅၀၀၀ စီကို ရရှိမယ့်အပြင် နောက်နောင်ကို သူ့ကာတွန်းကားတွေကို တရားမ၀င် ကူးယူ ဒေါင်းလုဒ် လုပ်တာတွေ မပြုတော့ပါဘူးဆိုတဲ့ ခံဝန်ချက် ရရှိပါမယ်...။
ဒီဖြစ်ရပါအပေါ် သဘောတူမျှတဲ့သူတွေ ရှိသလို သဘောထား ကွဲလွဲသူများလဲ ရှိပါတယ်...။ သဘောတူသူ အများစုကတော့ အနုပညာ အသိုင်းအ၀ိုင်းနဲ့ မူပိုင်ခွင့်ရှိတဲ့ ထုတ်လုပ်သူများ ဖြစ်ကြပါတယ်။ (သူတို့စီပွားရေးကိုး... တူမှာပေါ့...။)
ဥရောပမှာတော့ အိုင်အက်စ်ပီတွေကို တရားရုံးကနေ သုံးစွဲသူအချက်အလက်များကို အတင်းအကျပ် တောင်းဆိုလို့ မရပါဘူးတဲ့...။
နန်ယန်း ဥပဒေ စီမံရေးရာ ဒါရိုက်တာ (ဘာသာပြန်တာ မှန်လား မှားလားတော့ မသိ...။ ရေးထားတာကတော့ Law Managing Director တဲ့...။) ပြောတာကတော့ တရားရုံးကနေ သံသယ ၇ှိဖွယ် အင်တာနက်ကနေ တရားမ၀င် ကူးယူမှုတွေကို စစ်ဆေးချင်တိုင်း မိမိဖေါက်သည်တွေရဲ့ အချက်အလက်ကို ခဏခဏ အတောင်းခံရတဲ့ ဖြစ်ရပ်ကို ရှောင်ချင်ကြတယ်၊ မမျှော်လင့်ကြဖူးလို့ ပြောပါတယ်။ တကယ်လို့ အဆိုပါ တရားမ၀င် ဆွဲချ ကူးယူမှုများ အဆမတန် များပြားလာမှသာ တောင်းယူသင့်တယ်လို့ ၄င်းရဲ့ ထင်မြင်ယူဆချက်ကို ပြောပြပါတယ်။ တရားရုံးကလဲ သုံးစွဲသူတွေရဲ့ ကိုယ်ရေးအချက်အလက်များ တောင်းခံတဲ့ နည်းလမ်း အပြင် တစ်ခြား လက်ခံနိုင်မယ့် နည်းလမ်းများကို ရှာဖွေသင့်ကြောင့် ပြောကြားသွားပါသေးတယ်။ ဒါမှမဟုတ် အိုင်အက်စ်ပီကနေတစ်ဆင့် သုံးစွဲသူများထံ သတိပေးခြင်း၊ သို့မဟုတ် အဆိုပါ ၀ဘ်ဆိုဒ်(Web site)ကို ဘလော့က်(Block) လုပ်လိုက်ခြင်း စတဲ့ အရေးယူမှုတွေနဲ့ ပြီးမြောက်နိုင်တယ်လို့လဲ အကြံ ပြုထားပါသေးတယ်...။
(တော်ပြီကွယ်...။ ရေးရတာ လက်ညောင်းတယ်...။ အကျယ်သိချင်ရင်တော့ ဒီမှာ သွားဖတ်တော့...။)

No comments:

Post a Comment