Sunday, December 12, 2010

Names

ပုဂံမင်းဆက်တွေထဲက တစ်ဆက်ရဲ့ နာမည်မှည့်ပုံလေး။ အဖေ့နာမည်နောက်ဆုံးကို သားက အရှေ့မှာ မှည့်တာ...။
၁။ ထီးမင်းယဉ်
၂။ ယဉ်မင်းပိုက်
၃။ ပိုက်သေလဉ်
၎။ သေလဉ်ကြောင်
၅။ ကြောင်ဒူရာဇ်

ရှမ်းရာဇဝင်/သမိုင်း တစ်ခုမှာ ဖတ်ရတာကတော့ သူတို့ဟာ ရှမ်းဘုရင်တွေပါတဲ့။
နာမည်က မြန်မာနာမည်တွေ မဟုတ်သလိုတော့ ထင်သား။
အဓိပ္ပာယ်ကတော့

၁။ ထီးမင်းယဉ် = ထီးမိန်းယိန်
(ထီး = စိုင်းထီးဆိုင်ထဲက ထီးလို အဓိပ္ပါယ်ပဲ မေ့သွားပြီ။ မိန်း = နိုင်ငံ၊ ယဉ် = ငြိမ်းချမ်းသာယာခြင်း။ ငြိမ်းချမ်းသာယာသော နိုင်ငံက ထီး အရှင်သခင်ပေါ့လေ)

၂။ ယဉ်မင်းပိုက် = ယိန်မိန်းပက်
(ယိန်=ငြိမ်းချမ်းသာယာခြင်း၊ မိန်း= နိုင်ငံ၊ ပက်= ထင်းရှုးဆီ။ ငြိမ်းချမ်းသာယာသော ထင်းရှုးနိုင်ငံများ ဘုရင်လား မသိ)

၃။ ပိုက်သေလဉ် = ပက်ဆေလိုင်း
(ပက် = ထင်းရှုး၊ ဆေ = ကျား၊ လိုင်း = ရောင်စုံအစင်း။ ထင်းရှုးတော ရောင်စုံကျားဘုရင် ???)

၎။ သေလဉ်ကြောင် = ဆေလိုင်းစဝ်
(ဆေ=ကျား၊ လိုင်း= ရောင်စုံ/အစင်း၊ စဝ်= အရှင်သခင် ရောင်စုံကျား အရှင်)

၅။ ကြောင်ဒူရာဇ် = စဝ်ဒူရာဇ်
(ဒီနေရာရောက်တော့ သမိုင်းစာအုပ်က ပိုးစားထားလို့ ဖတ်လို့မရတော့ဘူး။)

ပု၊ပင်း၊ အင်း၊ တောင်၊ ညောင်ရမ်းနောင်၊ကုန်းဘောင် နှစ်ခေတ်ခွဲ ဆိုတဲ့ စကားစု မှာ ပါတဲ့ ပင်းယ နဲ့ အင်းဝခေတ်မှာ ဘုရင်အများစုက ရှမ်းဘုရင်တွေပါတဲ့။ (၁၆ ရာစုလောက် ဖြစ်မယ်။)
ရှမ်းညီနောင်သုံးပါးတို့၊ သိုဟန်ဘွားတို့၊ တစ်သက်မှာ သုံးခါသာ ပြုံးတဲ့ သီလဝ မင်းတို့။
သိုဟန်ဘွားကတော့ ရဟန်းဘုန်းကြီးတွေကို သတ်တယ်လို့ နာမည် အဖျက်ခံရပါတယ်။ တစ်ကယ်တော့ ရှမ်းတွေလောက် ဗုဒ္ဓဘာသာကို အလေးအမြတ်ထားတာ ရှမ်းတွေပဲ ရှိတော့ ရှမ်းဘုရင်ကနေ ဘုန်းကြီး၊ ရဟန်း၊ သံဃာတွေကို သတ်တယ်ဆိုတာ သိပ်တော့ လက်မခံချင်ပါ။

နာမည်မှည့်တာကနေ ဘုရင်တွေ နိုင်ငံတော်တွေ အကြောင်း ရောက်သွားတယ်။ နောက်မှ အလျဉ်းသင့်သလို ထပ်မံ ဖော်ပြပါ့မယ်။


ငယ်ငယ်က ဖတ်ဖူးခဲ့တာမို့လို့ ဒီသဘောအတိုင်း အဓိပ္ပာယ် ပေါက်တယ်လို့ မှတ်ယူမိပါတယ်။
အကောက်အယူလွဲပါက ကျွန်တော့်ရဲ့ မှတ်ဉာဏ်အား ချို့တဲ့မှုကို အပြစ်တင်နိုင်ပါတယ်။

18 comments:

  1. ပျူစောထီး ဘာလို့ မပါတာလဲ

    ReplyDelete
  2. ဘလောက်ရွာ
    မရောက်တာ ကြာပြီမို့
    လာခဲ့တယ်လေ့

    စလုံးကို
    မောင်ဘုန်းလာမယ် ပြင်တော့
    ကိုဘမှာ ပင်လယ်တွင်း
    သူ ဆင်းတယ်လေ့။

    ReplyDelete
  3. ဟုတ်တယ်။ ဒကာတော် ဘွိုက်ဇ်
    ဗမာဘုရင်နဲ့ သူ့တပ်သားတွေက ဘုန်းကြီးကျောင်းတွေကို ၀င်စီး။ သင်္ကန်းတွေ အနုကြမ်းစီးပြီးသကာလ နေ့မှာ ဘုန်းကြီး ညမှာ ရှမ်းတွေကို ထထပြီး တီးလို့ သိုဟန်ဘွားက ပြန်တွယ်တာ လို့တဆင့်စကား ကြားဖူးတယ်။ အတွယ်ခံရတဲ့ အထဲမှာ ဘုန်းကြီးအစစ်တွေ မပါဘူးဆိုတဲ့ အထောက်အထား မရှိသလို ပါတယ်ဆိုတဲ့ အထောက်အထားလဲ မရှိပါဘူး။ ဆိုင်ရာက ကလောင်ထမ်းလို့သာ ငြင်းကြပေရော့။

    ReplyDelete
  4. ထီမင်းယဉ်က ပျူစောထီး ရဲ့ သား ထင်တယ်နော်..

    ReplyDelete
  5. အင်း. ပျူစောထီးရဲ့သားက ထီးမင်းယဉ်လို့ ဖတ်ဖူးတယ်။

    ReplyDelete
  6. ဟဲဟဲ... ကရင်သမိုင်းကလည်း ပျူတွေဟာ ကရင်ဖြစ်နိုင်တယ်ဆိုပဲ
    ပျူစောထီး (စောဒီ) တဲ့

    http://www.pwokarenmmeonlinedictionary.com/archives/7010

    ReplyDelete
  7. သြော်... သာကီမျိုးဟေ့ ဒို့ဗမာက လက်စသတ်တော့ “ဟိုစပ်စပ် ဒီစပ်စပ် ရောကျော်” ပါလား။း-)

    ReplyDelete
  8. ကိုပေါ ဒါဆို ကံရာဇာကြီး ကံရာဇာငယ်က ရှမ်းမဟုတ်ရင် ကရင်ပဲ ဖြစ်ရမယ်။ :P

    ReplyDelete
  9. @Rita - ဟုတ်တယ်။ ပျူစောထီး ကျန်ခဲ့တယ်။ ပျူစဝ်ထီးတဲ့ ရှမ်းလိုခေါ်တာက..

    ReplyDelete
  10. သန်းရွှေ..သန္တာရွှေ...ကြိုင်စန်းရွှေ.... ဒါကတော့ ဗမာစစ်စစ် ဒိုင်နက်စတီ ပေါ့။ ဒီမင်းဆက် ဘယ်လောက် ခံမလဲ စောင့်ကြည့်ရမယ်။း-)

    ReplyDelete
  11. ပျူစောထီးက ဥကပေါက်တာဆို??

    ReplyDelete
  12. မြန်မာဒဏ္ဍာရီထဲမှာတော့ ပျူစောထီးက ဥ က ပေါက်တာတဲ့။

    ReplyDelete
  13. အဲဒီခေတ်က ပျူမင်းဆက်တွေဖြစ်တော့ အဖေ့နောက်နာမည်ကို သားက အရှေ့မှာပြန်ယူမှည့်လေ့ရှိတယ်လို့လည်း မှတ်ဖူးရဲ့... မင်းတပ်ဖက်မှာရှိတဲ့ ချင်းလူမျိုးတွေလည်း အခုအချိန်အထိ အဲလိုနာမည်မှည့်လေ့ရှိပါတယ်။

    ပျူစောထီးက နဂါးဥကပေါက်တယ်လို့ ငှက်ပစ်တောင်ဘုရားက ဆေးရေးပန်းချီတွေမှာ ဖတ်ဖူး မြင်ဖူးတယ်။

    ReplyDelete
  14. နဂါးဥက ပေါက်တယ်ဆိုတော့ အမေက နဂါးပေါ့။
    ဒါဆို အဖေက ဘာလူမျိုး ဖြစ်မှာပါလိမ့်။
    ကျောက်ထက် အက္ခရာ မတင်ထားတဲ့ ဒဏ္ဍာရီတွေများ အတော်ကို ရှုပ်ထွေးတာကလား။
    ရာဇကုမာရ်လို ကျောက်စာတင်ထားတဲ့သူတောင် မြန်မာလူမျိုး မဟုတ်ပဲ နာမည်ကြည့်ပြီး ကုလားဖြစ်တယ်လို့ တောင် အထင်ခံရသေးတာ။
    တုတ်ထမ်း ဓားထမ်း ပြောကြကုန်...။

    ReplyDelete
  15. ဒီပိုစ်လေးတွက် ကျေးဇူးပါရှင်။

    ReplyDelete
  16. မအိမ့်ချမ်းမြေ့ - လာလည်တဲ့ အတွက် ကျေးဇူးပါ။

    ReplyDelete
  17. ကိုဘ

    စိုင်းထီးဆိုင် ဆိုတာ ထီး=ထီး(ဘုရားထီးတော်)၊ ဆိုင် = စိန် မောင်စိန်ထီး လို့ ဆိုလိုတာမဟုတ်ဘူးလား။

    ဟီးးးး ရှမ်းကို ဆရာကြီးပြန်လုပ်ဦးမယ်။ :D

    ReplyDelete
  18. @အတ္တ - ကျေးဇူးပါ။
    ထီးကို ဘုရားထီးတော်လို့ ယူတာကတော့ မြန်မာကနေ တိုက်ရိုက်မွေးလိုက်တာ ထင်တယ်။ ထီး ဆိုတာ ရှမ်းလိုတော့ Jong (ဂျွင် John ကို နငယ် အသံဖျောက်ထွက်) လို့ ခေါ်ပါတယ်။
    ဒါပေမယ့်လဲ ဘုရားထီးတော်တင်တာကို တန်ထီးထတ် လို့ လဲ ရှမ်းလို ပြောဆိုနေကြတာ ဖြစ်တဲ့ အတွက် ကိုအတ္တ ပြောသလို ယူမယ်ဆိုလဲ ယူလို့ရပါတယ်။ :P

    ReplyDelete