ကောင်းကင်လမ်းပြ ပုလိပ် လိုနေပြီလော...။

Photo Credit to : News Sky

ဒီနေ့မနက် ဖတ်မိတဲ့ သတင်းလေး တစ်ပုဒ်ပါ။

အာကာသထဲက ကမ္ဘာပတ်လမ်းကြောင်းပေါ်မှာ ရှိနေတဲ့ အာကာသယာဉ်အချင်းချင်း တိုက်မိတယ်ဆိုတဲ့ သတင်း။ ရှာမရှားတဲ့ ဖြစ်ရပ်မှန် သတင်းပါ။ အမေရိကန်နဲ့ ရုရှား နှစ်ဘက်နိုင်ငံက လေကြောင်း အာကာသဆိုင်ရာ အရာရှိများက ဒီဖြစ်ရပ်နဲ့ ပါတ်သက်ပြီး အတည်ပြု ပြောကြားခဲ့ပါတယ်။ အာကာသပေါ်မှာ ယာဉ်နှစ်စင်း တိုက်မိတာ ပထမဆုံး အကြိမ် ဖြစ်ပါတယ်။

ဖြစ်စဉ်က ဒီလိုပါ။ Irridium ဆက်သွယ်ရေး ကုမ္ပဏီက လွှင့်တင်ထားတဲ့ ဆက်သွယ်ရေး ဂြိုဟ်တုဟာ ဆိုဗီယက် ရုရှားက လွှတ်တင်ထားတဲ့ Cosmos 2251 craft ဂြိုဟ်တုပျက် တစ်လုံးနဲ့ ကောင်းကင်ယံထက်မှာ တိုက်မိခဲ့ပါတယ်။ ဆားဘီးယားနိုင်ငံ အပေါ်ဘက် ၄၉၁ မိုင် အထက် ကောင်းကင်ယံမှာ ဖြစ်ပွားခဲ့ပါတယ်။ နယူယောက် စံတော်ချိန် အင်္ဂါနေ့ မနက် အစောပိုင်း ၁၁း၀၀ နာရီလောက်က ဖြစ်ပွားခဲ့ပါတယ်။

တစ်နာရီကို ၁၇,၅၀၀ မိုင်နှုန်းနဲ့ သွားနေတဲ့ အာကာသယာဉ်နှစ်ခု တိုက်မိတာ ရှားရှားပါးပါး နဲ့ ပထမဆုံးအကြိမ် အဖြစ် မှတ်တမ်းဝင်သွားပါတယ်။ ယာဉ်နှစ်ခု တိုက်မိလို့ ပျက်စီးသွားတဲ့ အစိတ်အပိုင်းများဟာ အနီးအနားက နိုင်ငံတကာ အာကာသယာဉ်စခန်းကို ခြိမ်းခြောက်လျက် ရှိနေပါတယ်။ အပျက်အစီး အစိတ်အပိုင်းများ စုစုပေါင်း ၂၀၀ ကနေ ၃၀၀ အထိ ဟာ အာကာသထဲမှာ ဦးတည်ရာမဲ့ လွှင့်မျောနေပါတယ်။

Russia’s space agency ဖြစ်တဲ့ Roscosmos က ပြောကြားရာမှာ အဆိုပါ အစိတ်အပိုင်းများဟာ ကမ္ဘာမြေနဲ့ လွန်စွာ နီးကပ်တဲ့ အတွက် နိုင်ငံတကာ အာကာသစခန်းကို ထိခိုက်ဖို့ ဖြစ်နိုင်ချေ နည်းပါတယ်လို့ ပြောကြားသွားပါတယ်။ မော်စကို ကာကွယ်ရေး ၀န်ကြီးဌာနဟာ အဆိုပါ ထိန်းချုပ်မှု ကင်းမဲ့တဲ့ ယာဉ်နဲ့ ပါတ်သက်ပြီး တာဝန်ရှိတယ်လို့လဲ ပြောကြားသွားပါတယ်။ အမေရိကန်က ကာကွယ်ရေးဝန်ကြီးဌာနကလဲ အပျက်အစီး အစိတ်အပိုင်းများရဲ့ အခြေအနေကို စက္ကန့်မလပ် စောင့်ကြည့်ဖို့ လိုပါလိမ့်မယ်။

မေရီလန်း အခြေစိုက် အီရီဒီယံ နိုင်ငံတကာ ဖုန်းနဲ့ အချက်အလက် ဆက်သွယ်ရေး ကုမ္ပဏီကတော့ သူ့ရဲ့ ကျန်တဲ့ ဆက်သွယ်ရေး ဂြိုဟ်တု ၆၆ လုံးနဲ့ Network ချိတ်ဆက်မှုကို Restore လုပ်ငန်းများကို လျင်မြန်စွာ ဆောင်ရွက်သွားမယ်လို့ သတင်းစာ ရှင်းလင်းပွဲ မှာ ပြောကြားသွားပါတယ်။ တစ်ချိန်တည်းမှာပဲ ဖုန်း အသုံးပြုသူများ အနေနဲ့ ဆက်သွယ်မှုပိုင်းဆိုင်ရာ ပြဿနာ အနည်းငယ်ကို ကြုံတွေ့ရဖွယ် ရှိကြောင်း ပြောကြားသွားပါတယ်။

နာဆာကနေ ဖေဖေါ်ဝါရီလ ၂၂ ရက်နေ့မှာ စတင်မယ့် နိုင်ငံတကာ အာကာသ စခန်းဆီ သွားဖို့ ခရီးစဉ်ကိုတော့ ထိခိုက်မှာ မဟုတ်ဘူးလို့ နာဆာက ထုတ်ပြန်တဲ့ သတင်းစဉ်မှာ ပါရှိပါတယ်။ သို့သော်လည်း အချင်းဖြစ်ပွားရာ နေရာနဲ့ နီးကပ်စွာ တည်ရှိနေတဲ့ ယင်းတို့ရဲ့ ကမ္ဘာမြေကို စောင့်ကြည့်တဲ့ ဂြိုဟ်တုများရဲ့ အခြေအနေကိုတော့ စိုးရိမ်မိတယ်လို့ ထုတ်ပြန်ချက်မှာ ပါရှိပါတယ်။

ဆက်သွယ်ရေး ကုမ္ပဏီ အီရီဒီယံကတော့ ပျက်စီးသွားတဲ့ ၄င်းတို့ရဲ့ ဂြိုဟ်တု နေရာကို ကမ္ဘာ ပတ်လမ်းကြောင်းမှာ အသင့်လွတ်တင်ထားတဲ့ အရန် ဂြိုဟ်တုနဲ့ ရက်ပေါင်း ၃၀ အတွင်း အစားထိုးမည် ဖြစ်ကြောင်း ပြောကြားသွားပါတယ်။

အဆိုပါ အာကာသယာဉ် အချင်းချင်း တိုက်မှုကြောင့် ဆက်သွယ်ရေး ဂြိုဟ်တု ပျက်စီးသွားလို့ အဆိုပါ ဂြိုဟ်တုကနေ အချက်ပြလှိုင်းများနဲ့ အသုံးပြုနေတဲ့ ပင်လယ်တွင်း ကူးသန်းသွားလာနေတဲ့ သင်္ဘောများအတွက် ဆက်သွယ်ရေးပိုင်းဆိုင်ရာ အခက်အခဲ ကြုံတွေ့နိုင်တယ်လို့ သတိပေးထားပါတယ်။

News Source : Bloomberg.com