တနင်္ဂနွေရဲ့ ကျိုင်းတုံအာလူးထမင်းချဉ်

ဘလော့ဂ်ကြွလာ မိတ်သဟာများ ပျော်ရွှင်စရာကောင်းတဲ့ တနင်္ဂနွေနေ့ အားလပ်ရက် မှာ စိတ်ချမ်းသာ ကိုယ်ကျန်းမာ ရှိကြပါလေစ။

စနေနေ့ မနေ့ကတော့ ရှမ်းအမျိုးသားများရဲ့ ရှမ်းအမျိုးသားနေ့ အထိမ်းအမှတ်ရက်မြတ်ပါ။ East Coast မှာ ကျင်းပခဲ့တဲ့ ဒီပွဲကို သွားရောက် ဆင်နွဲလိုက်တာ ဒီမနက် ၆ နာရီမှ အိမ်ပြန်ရောက်ပါတယ်...။ တနင်္ဂနွေနေ့ကတော့ ထုံးစံအတိုင်း အားလပ်ရက်ဆိုတော့ အိပ်ရေးပျက်တာရော၊ ပင်ပန်းတာရော အတိုးချပြီး အိပ်လိုက်တာ နေ့ခင်း ၁၂ နာရီမှ နိုးဖြစ်တယ်။ နိုးလာတော့ ထုံးစံအတိုင်း ဗိုက်ထဲက တစ်ဂွီဂွီနဲ့ ဆန္ဒပြတော့တာပေါ့။ မီးဖိုချောင်မယ် ဆူညံဆူညံနဲ့ ဘာသံလဲမေး ဆိုပြီး စပ်စုလိုက်တော့ နောင်တော်ကြီးက ထမင်းတွေ နယ်နေတာကိုး။ ထမင်းကပူ ခရမ်းချဉ်သီးပြုတ်ရည်က ပူပူနဲ့ သူ့ခမျာ ခုန်ဆွခုန်ဆွ ဖြစ်နေပါတယ်။

ကျိုင်းတုံ အာလူး ထမင်းချဉ် နယ်နေတာပါ။ ပြီးခဲ့တဲ့ တုတ်ဆူး အစားအသောက် ပို့စ်တစ်ခုထဲက ရှမ်းထမင်းချဉ်နဲ့ ခပ်ဆင်ဆင် ဖြစ်ပေမယ့် ဒီကျိုင်းတုံ ရိုးရာ ရှမ်းထမင်းချဉ်ကတော့ ခရမ်းချဉ်သီးအနှစ် ပြုတ်ထားတာကို ထမင်းထဲ တစ်ခါတည်း နယ်ရတာပါ။

ထုံးစံအတိုင်း ကြက်သွန်နီ ဆီသတ်၊ ကြက်သွန်မြိတ်၊ ဂျူးမြစ်၊ ငါးမုန့်ကြော်နဲ့... တစ်ဝတီးလိုက်ရတာပေါ့။ တစ်ထိုင်တည်းကို သုံးလုံး ကုန်အောင် စားလိုက်တယ်။ တင်းကားလိုက်တဲ့ ဗိုက်...။ မျက်ခွံက လေးရော့...။ ဒီပို့စ်တင် ပြီး နောက်တစ်ခါ စက်တော် ခေါ်လိုက်မလားလို့...။

နောင်တော်ကြီးက အများကြီး လုပ်ထားတယ်။ လူက ၅ ယောက်တည်း ရှိတာကို ၂၄ လုံးတောင် လုပ်ထားတယ်။ တစ်ယောက်ကို အနည်းဆုံး ၄-၅ လုံးလောက်ကို စားရမှာ။ ညနေစာလွတ် စားလိုက်ရမလား စဉ်းစားနေတယ်။

စားချင်စဖွယ် ပြင်ဆင်ကွယ်။ Standard ကို ထမင်းချဉ်နှစ်လုံး ပြင်ထည့်ထားတယ်။

ကြက်သွန်နီကို ဗမာကြက်သွန်ဥ သေး နဲ့ ဆီသတ်ထားတယ်။ စားခါနီးမှာ ထမင်းချဉ်လုံးပေါ်ကို ဖြူးပြီး စားရပါတယ်။။

အချဉ် ထပ်ကြိုက်ရင်တော့ ခရမ်းချဉ်သီး အနှစ်လေး ထပ်ဆမ်းလိုက်ပေါ့နော...။

This is ငါးမုန့်ကြော် ....။ ဒီငါးမုန့်ကြော်ကြွပ်ကတော့ ရန်ကုန်က လူကြုံသယ်လာပေးတဲ့ ရွှေပင်လယ် တံဆိပ်ကို ကြော်ထားတယ်။

ဘလော့ဂ်လာ မိတ်ဆွေများ ကြိုက်သလောက် သုံးဆောင်သွားနိုင်ပါတယ်။ နောက်တစ်ဗန်း ကျန်သေးတယ်။ ထမင်း မကျက်သေးလို့ နောက်ကျသွားသူများ ခဏစောင့်ပေးပါ။

Bonus ဘောနပ်စ် -

မနေ့က နေ့လည်ခင်းက သွားစားလာခဲ့တဲ့ ရနံ့သစ်က ကြက်သားဒန်ပေါက်ပါ။ ကြက်သားမြင်ရအောင် ထမင်းအောက်မှာ မြုပ်ပေးထားတဲ့ ကြက်သားကို ဖေါ်ထားပေးပါတယ်။ (အရင်ပို့စ်တွေမှာ ကြက်သား မမြင်လိုက်ရဘူးလို့ သွားရည်ကျနေတဲ့ မနာလိုသူများက သဲနဲ့ ပက်ထားလို့...။ ဟိ)

ချဉ်ရည်ဟင်း

သရက်သီးသုပ်

ခါကြက်ဥ ဒိန်ချဉ်

ဒန်ပေါက်နဲ့ တွဲဖက်သုံးဆောင်ဖို့ ချဉ်ရည်ဟင်း၊ သရက်သီးသုပ်နဲ့ ခါကြက်ဥ ဒိန်ချဉ်။

ဒီပုံကတော့ ဟိုတစ်ရက်က မန်ကျည်းဖျော်ရည် နောက်ကွယ်က လျို့ဝှက် မိန်းကလေး ပိုင်ရှင် ကြိုက်တဲ့ ရှောက်သီးသုပ်။

အစာပိတ် အဲ.. အဲ ပို့စ် ပိတ်အနေနဲ့ ဒီနေ့ မနက်ပိုင်းမှာ စားဖြစ်တဲ့ အိမ်လုပ် မာလာဟင်း...။ ဒန်တန့်တန်...။ (ကန်စွန်းရွက်နဲ့ မုန်ညှင်းဖြူက ၀ယ်မလာမိတော့ ကျောက်ပွင့်သုပ်နဲ့ ကြွက်နားရွက်မှိုပဲ ထည့်လိုက်ရတယ်။)


မာလာဟင်း အမြန် စားချင်သူများအတွက် ထပ်ဖြည့်။ ။

ပင်နီစူလားက သုံးထပ်မှာ ဖွင့်ထားတဲ့ ရှမ်းတောင်တန်း စတိုးဆိုင် (ရဲရင့် လက်ဘက်ရည်ဆိုင် နားက)မှာ ရယ်ဒီမိတ် မာလာဟင်း အခြောက်ထုပ် တွေ့ခဲ့တယ်။ အခြေခံ အဆာပလာတွေ ပါတယ်။ (ကျောက်ပွင့်၊ အသားတု၊ ဆန်ခေါက်ဆွဲ အကြည်၊ ဂျုံပြား၊ စသဖြင့်ပေါ့လေ)။ ဟင်းသီးဟင်းရွက်ကတော့ ကိုယ်ကြိုက်တာသာ ထည့်ပါလေ...။ ကျွန်တော်ကတော့ ကန်စွန်းရွက် နဲ့ မုန်ညင်းဖြူ နိုင်နိုင်ထည့်ပြီး နူးအိနေအောင် ပြုတ်တယ်။ ပူပူစပ်စပ်နဲ့ဆိုတော့ ၀ါးစရာ မလိုပဲ တစ်ခါတည်း မျိုချလို့ ရတယ်လေ...။
အစပ်ကြိုက်ရင် အထုပ်ထဲ ပါလာတာ အကုန် ထည့်ပါ။ မကြိုက်ရင်တော့ နည်းနည်းပဲ ထည့်ပါ။

ရှမ်းတောင်တန်းမှာ ရောင်းနေတဲ့ မာလာဟင်းထုပ်ကတော့ “ရှမ်းမောမြေ ” တံဆိပ်ပါ။ အချိန်ကုန် သက်သာ မြန်ကောင်းသက်သာတဲ့ လျှာရင်းမြက်စေမယ့် ဟင်းပဲ...။

ရှမ်းတောင်တန်း ဆိုင်ပိုင်ရှင်မှ မာလာဟင်း အထုပ်များ ရောင်းအားတက်လာပါက မောင်ဘွိုင်း အကောင်းစားလေးအား ကြော်ငြာခ မာလာဟင်း တစ်လ တစ်ထုပ် ပေးရန်...။ (ဟီဟိ လာဖတ်မိပါကပေါ့နော်...။)