Showing posts with label Lay Phyu. Show all posts
Showing posts with label Lay Phyu. Show all posts

Saturday, October 15, 2011

မှားတဲ့ဖက်မှာ




မှားတဲ့ဖက်မှာ တဲ့....။
လွန်ခဲ့တဲ့ ဆယ်စုနှစ်များဆီက ကြိုက်တတ်ခဲ့တဲ့ သီချင်းလေး တစ်ပုဒ်ပါ...။
ကွယ်လွန်သွားတဲ့ အနုပညာရှင် စောဘွဲ့မှူး ရေးစပ်ခဲ့တဲ့ သီချင်းလေး တစ်ပုဒ်ပေါ့..။
မျိုးကျော့မြိုင်က စဆိုခဲ့ပါတယ်။

စောဘွဲ့မှူး ကွယ်လွန်ပြီးတဲ့နောက် သူ့အတွက် အမှတ်တရ သီချင်းအယ်လ်ဘမ် စီစဉ်ရာမှာ... စောဘွဲ့မှူး အမှတ်တရ (၁)နဲ့(၂) ဆိုပြီး တေး စီးရီးစ်စ်ခွေ ထွက်ခဲ့ပါတယ်။ အခုသီချင်းက အဲဒီ အမှတ်တရထဲက သီချင်းလေး တစ်ပုဒ်ပါ...။
အဆိုတော် ပေါင်းစုံ ဝိုင်းဖွဲ့ ဆိုထားတာပါ....။
စောဘွဲ့မှူး သီချင်းတွေနဲ့ သီဆိုအောင်မြင်လာတဲ့ အဆိုတော်တွေ အများစု ဝိုင်းဆိုတဲ့ သီချင်းလေးပေါ့...။
လေးဖြူကတော့ စောဘွဲ့မှူး သီချင်း မဆိုဖြစ်ခဲ့ဘူး ထင်တယ်။ သူက စောဘွဲ့မှူး ထောင်ထားတဲ့ Iron Cross တေးဂီတနဲ့ပဲ ပတ်သက်မှု ရှိတယ် ထင်တယ်။ အငဲလဲ ထိုနည်းတူပဲ ထင်ပါရဲ့။
ဒါပေမယ့် မြန်မာ့စတီရီယိုခေတ်မှာ မှတ်တိုင် တစ်ခု စိုက်ထူခဲ့တဲ့ စောဘွဲ့မှူး အမှတ်တရ အခွေထဲမှာ သူတို့လဲ ဝိုင်းပြိး ဂုဏ်ပြု ဆိုထားပါတယ်။
ဖင်စီဒိုင်းတို့ ငါ့အသည်းကို မြန်မြန်ခွဲပါတို့ က လေးဖြူနဲ့ အငဲ ပြန်ဆိုထားတာပဲ။

အခု သီချင်းလေးမှာ အဲဒီတုန်းက ခေတ်ပြိုင် ရော့ခ် အဆိုတော် လေးဖြူနဲ့ ဇော်ဝင်းထွဋ်တို့ ဒုတိယအကြိမ် ပြန်ဆုံပြိး တူတူဆိုဖြစ်တဲ့ သီချင်းလေးပေါ့...။
ဒီသီချင်းအတွက် Arrangement ကို ထူးအိမ်သင်က ဦးစီးလုပ်ဆောင်တယ်လို့ သိရတယ်။
အဆိုတော်တွေ မြိုင်မြိုင်ဆိုင်ဆိုင်နဲ့.. သူ့ထက်ငါကောင်း ပညာစွမ်းတွေ ထုတ်ကြတာ တွေ့ရတယ်။
အငဲ၊ လေးဖြူနဲ့ ထူးအိမ်သင်တို့ရဲ့ ဆိုပေါက်နဲ့ ဟာမိုနီ လိုက်တာကို သဘောအကျဆုံးပဲ...။

မေဆွိက အသံစူးစူးနဲ့ ဆိုထားသလို မေခလာက မာပြတ်ပြတ်နဲ့ ဝင်ချလိုက်တာ တစ်မျိုးကောင်းတယ်...။
ပိုးဒါလီသိန်းတန်ကတော့ သူ့စတိုင် ကြည်အေးအေးလေးနဲ့ ဆိုသွားတယ်။
ကော်နီကတော့ ထုံးစံအတိုင်း ရှတတနဲ့ ပြတ်တောင်းပြတ်တောင်း ဆိုပေးတယ်။

ထွဏ်းထွဏ်းလဲ ခပ်ရှရှပဲ...။
မာရဇ္ဖက နာမည်ခံလောက်ပဲ ထင်ပါရဲ့.. သိပ်မပြလိုက်ရရှာဘူး...။

မူရင်း မျိုးကျော့မြိုင် ဆိုတဲ့ ဗားရှင်းထဲမတော့ သီချင်းဆိုလို အပိုဒ်မှာ ဗိုလ်အောင်ဒင်ဇာတ်ကားထဲက ဇာတ်ဝင်ခန်း စကားပြောတွေ ထည့်ထားတယ်....။
ဗိုလ်အောင်ဒင်က သူ့တပည့်ရာမက သူ့ကို ခြေရာတိုင်းချင်တဲ့ အခန်းထဲကဟာပေါ့...။

"လွယ်သလား ခက်သလား ရာမ.... ဒီမှာ ရာမ ဗိုလ်လုပ်ချင်တဲ့ ကောင်ဆိုတာ ဟောဒီလို သေနတ်ကို လက်ညိုးလေးနဲ့ ကွေးကွေးလေး" ဆိုပြီး ဘာညာ ဘာညာ ပြောတဲ့ စကားတွေ ထည့်ထားတယ်...။
ကိုယ်တွေက အဲဒီ စကားပြောကို ဖျက်ဆိုကြတယ်။
ဒီမှာ ဗိုလ်လုပ်ချင်တဲ့ ကောင်ဟာ ဗိုလ်သင်တန်း တက်ရတယ်ကွ.. ဆိုပြီး ဘာညာ... (ဒါက စကားမစပ်ပါ။)

သီချင်းလေးက ကောင်းပါတယ်....။
သီချင်း သီဆိုသူနဲ့ ဆိုထားတဲ့ အပိုဒ်လေးကို နားထဲ ကြားမိသလောက် ပြန်ချရေးလိုက်တယ်။ မှားနေရင် ခွင့်လွှတ်...။


မှားတဲ့ဖက်မှာ။


ဝလုံးကလေးမှ ဝိုင်းအောင် မရေးနိုင်ခင် ရွှေလင်ဗန်းနဲ့ ထမင်းဆီဆမ်းရယ်...။ (ဇော်ဝင်းထွဋ်)
အမေဆိုပြလိုက်တော့... ရွှေသားအတိပြီးတဲ့ လင်ဗန်းကြီးပဲ မက်မောကာ... ( လေးဖြူ)
ဝိုးဝိုး..ငါဟာ လောဘတက်လာတယ်။ (ထွဏ်းထွဏ်း)

ပုခက်တွင်းမှဆင်း မြေကြီးပေါ်နင်းခါစ ရွှေယုန်လေးနဲ့ ရွှေကျားပုံရယ်...။ (မေဆွိ)
အင်မတန်ကောက်ကျစ်တဲ့... ယုန်ဆိုးလေးကို သိပ်ပြီးအားကျနေခဲ့တော့ ငါဟာ ကောက်ကျစ်တတ်လာတယ်။ (မေခလာ)

ဝိုး.. မျက်လုံးတစ်ဖက် ကန်းနေခဲ့ပါရဲ့နဲ့ ဘုရင်ကို ဖမ်းပြီး အကျဉ်းချဝံ့သူ (ထူးအိမ်သင်)
ငရမာန်ကန်းကြီးအား အရမ်းဂုဏ်ပြုမိတော့ (မာရဇ္ဖ)
တို့ကျောင်းက သမိုင်းဆရာလေးတောင် လူပေလေးလို့ ငါ့ကိုခေါ်.... (အငဲ)

ဘိုင်စကုတ်ကြည့်တော့ လူကြမ်းကိုအံ့ကျော်ကို အလွန်တရာ နှစ်သက်တတ်ခဲ့တယ်။ (ကော်နီ)
ငါ့နံဘေးနားက ချစ်သူလေးကတောင် တစ်ဖြည်းဖြည်း ငါ့ကိုလန့်ကာ ကြင်နာတတ်မယ့် တစ်ယောက်ကိုရှာ (ပိုးဒါလီသိန်းတန်)

ဒီလိုနဲ့ ဆန့်ကျင်ဖက် အမြင်တွေကို သုံးသပ်ရင်လူတွေအပေါ် (မိန်းကလေး သံပြိုင်)
ဝိုး ... ဘယ်သူက မှားပြီး မှန်တယ်လို့ ဆုံးဖြတ်ခဲ့တာလဲ... (လေးဖြူ၊ ထူးအိမ်သင် ဟာမိုနီ ဆိုသည်။)

အဆိုးနဲ့ အကောင်း တွဲနေတတ်တာကို မြင်နိုင်ဖို့ လေ့ကျင့်ခဲ့တယ်။ (မိန်းကလေး သံပြိုင်)
လ့ကျင့်ခဲ့တယ်။ (ကော်နီ)

ဒီအတွက် အကျိုးအမြတ်က အများတကာ မေးငေ့ါကာ (ထွဏ်းထွဏ်း)
အမြင်ကပ်လို့ မုန်းစရာ ဖြစ်ကာ (ဇော်ဝင်းထွဋ်)
အရိုင်းအစိုင်းအဖြစ် မြင်လာ။ (အငဲ)

ဒီလိုနဲ့ ဆန့်ကျင်ဖက် အမြင်တွေကို သုံးသပ်ရင်လူတွေအပေါ် (မိန်းကလေး သံပြိုင်)
ဝိုး.. သုံးသပ်ရင်းနဲ့... (ထူးအိမ်သင်)
ဘယ်သူက မှားပြီး မှန်တယ်လို့... (လေးဖြူ)

မှားခဲ့... (ထူးအိမ်သင်)
ဆုံးဖြတ်ခဲ့တာလဲ.. (လေးဖြူ)
အိုး... သိပ်ခက်... (ထူးအိမ်သင်)

အဆိုးနဲ့ အကောင်း တွဲနေတတ်တာကို မြင်နိုင်ဖို့ လေ့ကျင့်ခဲ့တယ်။ (မိန်းကလေး သံပြိုင်)
မြင်နိုင်ဖို့ လေ့ကျင့်ခဲ့တယ်။ (ထွဏ်းထွဏ်း)
ဒီအတွက် အကျိုးအမြတ်က အများတကာ မေးငေ့ါကာ (ဇော်ဝင်းထွဋ်၊ ထွဏ်းထွဏ်း)
အမြင်ကပ်လို့ မုန်းစရာ ဖြစ်ကာ.. (ဇော်ဝင်းထွဋ်)
အရိုင်းအစိုင်းအဖြစ် မြင်လာ (အငဲ)


Sunday, May 24, 2009

ဒါလီနှင့် နာရီ (၁)

ဒါလီနေ့ - လေးဖြူ


ဒါလီနှင့် နာရီ

ဘတ်စ်ကားတွေမှာ ကျောက်ဆူး မပါလို့သာ တော်တော့သည်။ ပါများ ပါခဲ့လျင် သန်းခေါင်ကျော်တာတောင် အိမ်ပြန်ရောက်လိမ့်မည် မထင်။ လိုင်းကားတိုင်းလိုလို ဒီမှတ်တိုင်မှာ ခရီးသည် စောင့်ရင်းနားနားနေနေ ရပ်တတ်စမြဲ။ ဆင်းသည့်ခရီးသည်က နည်းပြီး တက်သည့် ခရီးသည်များလျင် မြန်မြန်ပြန်ထွက်သည်။ ဆင်းသူများပြီး တက်သူနည်းနေလျင် ကြာတတ်သည်။ ဒါကို စီးနေကျ ခရီးသည်တိုင်း သိပြီးသား။ ထို့ကြောင့် တချို့က ကားဘေးမှာ လာရောင်းသော ရေခဲရေ ၀ယ်သောက်သူသောက်။ သကြားလုံးတို့ အချဉ်ထုတ်တို့ ၀ယ်စားသူစား။ အိပ်ငိုက်သူငိုက်။ လူငယ်လေး တစ်ယောက်ကတော့ ကားသွားနေသလား ကားရပ်နေသလား ဆိုတာတောင် သတိပြုမိပုံ မပေါ်။ ဘ၀အောင်မြင်ရေး လမ်းညွှန် တက်ကျမ်း စာအုပ်ကို စိတ်ဝင်စားစွာ ဖတ်နေ၏။
တစ်ချို့ကတော့ ထုံးစံကို သိပါလျက် “ကြာလိုက်တာ”၊ “ကားကလည်း ဘယ်အချိန်ကျမှ ထွက်မှာလဲ”၊ “အိမ်ရောက်မှ ထမင်းဟင်းချက်ရမှာ၊ ကလေးတွေတော့ ဂျီကျနေလောက်ပြီ” စသည်ဖြင့် အချည်းနှီး ရေရွတ်နေကြ၏။ ဒရိုင်ဘာကဖြင့် ကားပေါ်ကတောင် ဆင်းသွားလိုက်သေးသည်။ မှတ်တိုင်နားက ကွမ်းယာဆိုင်လေးဆီ လျှောက်သွားပြီး ကွမ်းတစ်ယာကို သူ့ဘာသာ စိတ်ကြိုက် ယာစားရင်း ကွမ်းယာသည် မိန်းကလေးနှင့် စကားပြောနေသည်။ စပါယ်ယာကတော့ အော်ဟစ်ပြီး လူခေါ်နေသည်။

ဒီနေရာက လမ်းဆုံဟု ဆိုနိုင်သည်။ လိုင်းကား လေးငါးမျိုးလောက် ဖြတ်သွားသော နေရာ။ ထို့ကြောင့် စည်ကားသည်။ လူရှုပ်သည်။ ဈေးဆိုင်တွေကလည်း များသည်။ ဒီလို နေရာမျိုးမှာ အချိန်းအချက် လုပ်ထားလျင် တစ်ယောက်နှင့် တစ်ယောက် ရှာတွေ့နိုင်ဖို့တောင် မလွယ်။

မှတ်တိုင်နားမှာ ကားစရပ်ကတည်းက မှောင်စပျိုးနေပြီဖြစ်၏။ ခုဆို ပိုပြီးတော့တောင် မှောင်လာပြီ။ အိမ်တွေက မီးထွန်းလိုက်ကြပြီ။ လမ်းဘေးဆိုင်ငယ်ကလေးတွေကတော့ အသေးစား ဘက်ထရီမီးများ ဟိုတစ်ချောင်း ဒီတစ်ပွင့် လင်းလာကြသည်။ ဒရိုင်ဘာသည် ကွမ်းယာဆိုင်မှ စီးကရက်တစ်လိပ်ကို ယူ၍ မီးညှိသည်။ ထို့နောက် ကားဆီ ပြန်လာပြီး တက်ထိုင်လိုက်သည်။ စက်နှိုးသံကြားသောအခါ ခရီးသည်များ လှုပ်လှုပ်ရွရွ ဖြစ်သွား၏။ ကားကတော့ ချက်ချင်း မထွက်သေး။ စပယ်ယာက စိတ်ကောက်ပြီး ထွက်သွားသော ချစ်သူအပေါ် နောက်ဆုံး ကြိုးစားသလို လေသံဖြင့်...
“မောင်းမယ်၊ နောက်ကား ၀င်လာပြီ”
ဟု အော်လိုက်၏။ ဒရိုင်ဘာက ဂီယာထိုးသည်။ ကားစပြီး လှုပ်သည့် အချိန်မှာပင်
“ဟိုးထား၊ တစ်ယောက်လိုက်မယ်။”
ဟု စပယ်ယာက အော်သည်။ ကားတုံ့ကနဲ ဖြစ်သွားစဉ် လူတစ်ယောက်သည် သိုင်းသမား တစ်ယောက်လို ကာနောက်ပေါက်မှ စွေ့ခနဲ ခုန်တက်လာသည်။
“ဆွဲ ဆရာ”
စကယ်ယာ၏ အချက်ပေးသံနှင့် တစ်ပြိုင်တည်းပင် ကားက ၀ူးခနဲ ဆောင့်ထွက်သည်။ ထိုအချိန် အခိုက်အတန့် ကလေးအတွင်းမှာ မထင်မှတ်သည့် ကိစ္စ တစ်ခု ဖြစ်သွားသည်။
***

ဒါလီသည် ဘတ်စကား၏ ဘယ်ဘက်ခြမ်းမှာ ထိုင်နေသည်။ ဘယ်ဘက်လက်ကို ပြတင်းဘောင်ပေါ် တင်ထားသည်။ ဘတ်စကား စထွက်သည်မှာ လမ်းပေါ်က လူတစ်ယောက်သည် ဘတ်စကားနားသို့ ဖျတ်ကနဲ ချဥ်းကပ်လာသည်။ ထို့နောက် ဒါလီ၏ လက်ကောက်ဝတ် နေရာကို အုပ်ကိုင်လိုက်သည်။ ဒါလီ လန့်သွားသည်။ တစ်ပြိုင်နက်တည်းတွင် ကိုကိုများ ရုတ်တရက် လာနှုတ်ဆက်တာလားဆိုပြီး ထိတ်ခနဲ ပျော်မလိုတောင် ဖြစ်သွားသေး၏။

ကိုကိုမဟုတ်၊ သူတစ်ခါမှ မမြင်ဖူးသော လူတစ်ယောက်။ ဒါလီ ဖျတ်ကနဲ ကြည့်လိုက်သောအချိန်မှာပင် ထိုသူက လက်ကို ပြန်ရုပ်ပြီး ရှုပ်ရှက်ခတ်နေသော လမ်းသွားလမ်းလာတွေကြား လှစ်ခနဲ ၀င်ရောက်ပျောက်ကွယ်သွား၏။
ထိုအချိန်တွင် ဘတ်စကားသည် ဒုတိယ ဂီယာကို ပြောင်းပြီး ဖြစ်နေပြီ။ ဒါလီသည် ငေးကြောင်နေရာမှ သတိပြန်ဝင်လာပြီး သူ့လက်ကောက်ဝတ် နေရာကို ကြည့်သည်။ ခုမှ သဘောပေါက်သည်။ သူ့လက်ပတ် နာရီလေး မရှိတော့။

“ဟင် မရှိတော့ဘူး”
လွှတ်ကနဲ ရေရွတ်မိသည်။
“ဘာမရှိတာလဲ၊ ဘာလဲ”
ဘေးမှာ ကပ်လျက် ထိုင်နေသော မိန်းမကြီးက မေးသည်။
“ဟို... ဟို နာရီ၊ ကျွန်မနာရီ အဖြုတ်ခံလိုက်ရပြီ။”
“ဟင်... ဟုတ်လား နာရီဖြုတ်ခံရလို့၊ ဒါဆို”
ရှေ့ခုံမှာ ထိုင်နေသော လူကြီးက လှည့်ကြည့်သည်။ နောက်ခုံဘက်ဆီက...
“နာရီဖြုတ်ခံရလို့ ဆိုပါလား”
“နာရီ ဖြုတ်လို့တဲ့”
“ဟို မိန်းကလေး”
“ပါသွားလား”
ကားအတွင်း အမျိုးမျိုး ရေရွတ်သံတွေ ထွက်ပေါ်လာ၏။ ရှေ့ခုံမှ လူကြီးက...
“ဟေ့ ကားရပ်လိုက်လေ၊ ဒီမှာ ပြဿနာ ဖြစ်နေတာ”
“ဟာဒီလောက် ဝေးသွားမှတော့ ဘယ်လိုက်လို့ ရတော့မလဲ၊ ခုလောက်ဆို အဲဒီနားမှာတောင် ရှိမှာ မဟုတ်တော့ဘူး”
စပယ်ယာက ခရီးဖင့်မှာ စိုးရိမ်သော လေသံဖြင့် ပြန်ပြော၏။ ထိုအချိန်မှာ ဒရိုင်ဘာက ကားကို ရပ်လိုက်သည်။
“ဒီအတိုင်း လွှတ်ပေးလိုက်လို့တော့ ဘယ်ဖြစ်မလဲ”
လူငယ်တစ်ယောက်က ၀င်ပြောသည်။

“အင်း... ဟုတ်တယ်။” ဟု တစ်ချို့က သံယောင်လိုက်သည်။
“ဘာဖြစ်ဖြစ် ရဲစခန်းကိုတော့ အကြောင်းကြားရမှာပဲ၊ ပြန်ကွေ့ကွာ”

ရှေ့ခုံမှ လူကြီးက အမိန့်ပေးသလို ပြော၏။ ဒရိုင်ဘာက အင်တင်တင်ဖြင့် ပေကပ်ကပ်ကြည့်၏။ ခရီးသည် တစ်ချို့၏ မျက်နှာပေါ်မှာ အိမ်ပြန်နောက်ကျတော့မှာပဲ ဆိုသော အရိပ်အယောင်တွေ ထင်ဟပ်လာသည်။ ထိုအခါကျမှ ဒါလီက ...
“အို... ရဲစခန်းတော့ မသွားချင်ဘူး” ဟု ငြင်းလိုက်သည်။ ဒရိုင်ဘာလည်း ဆက်ထွက်ရန် ဂီယာထိုးလိုက်၏။ စောစောက ၀င်ပြောသော လူငယ်က..
“ခုလို လျစ်လျူရှုလိုက်ရင် ဒီကောင်တွေ ပိုအတင့်ရဲလာမှာပေါ့”
“ဒါဆို မင်းပဲ လိုက်ဖမ်းလိုက်ပေါ့” ဟု စပယ်ယာက ပြောရာ လူငယ်က ဆတ်ကနဲ လှည့်ကြည့်ပြီး ရှေ့တစ်လှမ်းတိုး၍
“ခင်ဗျားစကားက တာဝန်မဲ့လှချည်လား”

ဒါလီ မနေသာတော့။
“တော်ပါတော့၊ ကျွန်မနာရီကလည်း ဘယ်လောက်မှ မတန်ပါဘူး၊ အဟောင်းလေးပါ၊ ပြီးတော့ ပြန်လှည့်သွားနေရရင် အားလုံး နှောင့်နှေးကုန်လိမ့်မယ်”
“ပြန်ရဖို့လည်း မလွယ်ပါဘူး။”
“အင်း.. ဒါလဲ ဟုတ်တာပဲ၊ ကဲ မထူးပါဘူး၊ ဆက်သာ မောင်းတော့”
လူကြီးက ၀င်ပြောသည်။ လူငယ်က သိပ်ကျေနပ်ပုံ မပေါ်။
“မနက်ကျရင် ရဲစခန်းဝင်ပြီး တိုင်ချက် ဖွင့်ဖို့တော့ ကောင်းတယ်” ဟု ပြောနေပြန်၏။ ဒါလီ့ဘေးမှ မိန်းမကြီးက
“ဘယ်လောက်တန်လဲ” ဟု မေးသည်။
ဒါလီက သိပ်မတန်ပါဘူးဟု ပြန်ဖြေသည်။ “ဘာအမျိုးအစားလဲ” ဟု ထပ်မေးနေသေးသည်။ ဒါလီ မကြားချင်ယောင်ဆောင် နေလိုက်ရသည်။
“ဒီကောင်တွေက သိပ်လျင်တာဗျ။ နာရီပေါ်ကို လက်နဲ့ အုပ်ကိုင်ပြီး အိမ်နဲ့ကြိုး ဆက်နေတဲ့နေရာကို ညှစ်ချလိုက်တာ။ ဒီအခါ ပင်ကလေးတွေက ကွေးပြီး နဖါးအိမ်က လွှတ်ထွက်သွားတာပေါ့။ ပြောတော့သာ တစ်ကယ်လွယ်တာ တစ်ကယ်ကျတော့ လက်ချောင်းတွေက သန်လည်းသန်မှ မြန်လည်းမြန်မှ၊ အဲဒီလို ဖြစ်အောင် တော်တော် ကျင့်ယူရတာ”
နောက်ဆုံးခုံတန်းမှာ ထိုင်နေသော ကပြားတစ်ယောက် သင်တန်းပေးနေသည့် လေသံဖြင့် အာဘောင် အာရင်းသန်သန် ပြောနေသည်။ လူငယ်က...
“ဘာလဲ ခင်ဗျားလည်း အဲဒီသင်တန်း တက်ဖူးလို့လား” ဟု ရုတ်တရက် ဖြတ်မေးလိုက်၏။ ထိုသူက..
“ဟာ မဟုတ်တာ၊ ကျွန်တော်ကိုယ်တိုင် အဖြုတ်ခံရဖူးလို့ သိနေတာပါ။ ကျွန်တော့်နာရီကမှ အသစ်ကြီးဗျ။ ၀ယ်တာ တစ်ပတ်လောက်ပဲ ရှိသေးတယ်။”

ကုလားမကြီး တစ်ယောက်က “အရေးထဲ ကြွားနေရသေးတယ်”ဟု ခပ်တိုးတိုး ရေရွတ်၏။ ထို့နောက် ခရီးသည်များလည်း ခါးပိုင်နှိုက်၊ ဆွဲကြိုးဖြတ်၊ အလစ်သုတ် စသော အကြောင်းအရာများကို တချို့လည်း ကိုယ်တွေ၊ တစ်ချို့လည်း ကြားဖူးနာားဝ ရှိတာတွေကို ကိုယ်တွေ့လိုလို လုပ်၍ နီးစပ်ရာ အချင်းချင်း စကားစပ်မိနေကြလေ၏။ ထိုအကြောင်းအရာ အားလုံးသည်မိမိကို မူတည်ပြီး ဖြစ်လာရခြင်းကြောင့် ဒါလီသည် အနေရခက်နေ၏။ ပြောရင်းဆိုရင်းက တစ်ချက် တစ်ချက် သူ့ကို ကွက်ကြည့်ကွက်ကြည့် လုပ်နေကြတာ ပိုဆိုးသည်။ အရေးထဲမှာ ဘေးနားက မိန်းမကြီးက ...
“အဲဒီကောင်ရဲ့ မျက်နှာကို မှတ်မိလား” ဟု မေးနေပြန်သည်။ သူခေါင်းခါပြလိုက်၏။ ပြောမယ်ဆိုလျင်လည်း “ကိုကို မဟုတ်ဘူးဆိုတာပဲ မှတ်မိတယ်” ဟု ဆိုရပေလိမ့်မည်။
တစ်ကယ်လို့ ကိုကိုသာ ဒီနေ့လာကြိုခဲ့လျင် ခုလို ဖြစ်မှာ မဟုတ်။ ဒီလိုဆိုတော့ ကိုကိုက အလစ်သမားရန်ကို ကာကွယ်နိုင်လို့လားဟု ထင်စရာ ရှိ၏။ မဟုတ်။ ကိုကိုနှင့်အတူ ဘတ်စကား စီးသည့်အခါတိုင်း နှစ်ယောက်တွဲ ထိုင်ခွင့်ရလျင် ကိုကိုက ပြတင်းပေါက်နှင့် ကပ်လျက်မှာသာ ထိုင်လေ့ ရှိသောကြောင့် ဖြစ်သည်။ ဒါဆို ပြတင်းပေါက်ဘောင်ပေါ် လက်တင်စရာလဲ မလိုတော့။ နာရီ အဖြုတ်ခံရမှာလဲ မဟုတ်တော့။

***
(ဆက်ရန်)


၂၀၀၀ လောက်တုန်းက ဖတ်ဖူးတဲ့ မင်းလူရဲ့ ၀တ္ထု တစ်ပုဒ်ပါ။ လေးဖြူရဲ့ သီချင်း “ဒါလီနေ့” ကို နားထောင်မိတော့ ဒီဝတ္ထုကို သတိရမိတာနဲ့ ပြန်ဝေမျှချင်လို့ တင်လိုက်တာပါ။ ရိုက်ပြီးသလောက်ကို တစ်ပိုင်းချင်း တင်ပေးဖို့ စိတ်ကူးထားပါတယ်။ သီချင်းကို အပေါ်ဆုံးမှာ တင်ထားပေးပါတယ်။

Saturday, May 23, 2009

ဒါလီနေ့

လေးဖြူရဲ့ သီချင်း တစ်ပုဒ်ပါ။
ဒါလီနေ့လို့ အမည်ရပါတယ်။
နားဆင်ကြည့်ပါ။

ဒါလီနေ့ - လေးဖြူ

Tuesday, August 21, 2007

Let's Walk Till Journey Ends

အခုလတ်တလော ရင်ကို လာမှန်တဲ့ သီချင်းတစ်ပုဒ်ပါ...။
လေးဖြူရဲ့ "ခဏလေးများ" စီးရီးစ်ထဲက ဖြစ်ပြီး
သီချင်းခေါင်းစဉ်ကတော့ "ခရီးများ အဆုံးထိလျှောက်" ပါ။

တေးသွားနဲ့ စာသားကို လင်းလင်းက ရေးစပ်ထားပြီး အဆိုပိုင်းကိုတော့ ရော့ခ်သူရဲကောင်းကြီး လေးဖြူက သီဆိုထားပါတယ်။
ရင်ဘတ်ကြီးနဲ့ ခံစားကြည့်လိုက်ကြပါစို့...။


"ခရီးများ အဆုံးထိလျှောက်"

မင်းရဲ့ အနမ်းတစ်ရှိုက်နဲ့
ငါ့ရဲ့ အနမ်းတစ်ရှိုက်နဲ့
ခံစားချက်တူညီ
ရှိခဲ့တဲ့နောက်...။
မင်းရဲ့အတွေးများနဲ့
ငါ့ရဲ့ အတွေးများနဲ့
အနာဂတ်သစ် တူညီ
ထားခဲ့တဲ့နောက်တော့...။
ခမ်းနားခြင်း ကင်းမဲ့
အရိုးသားဆုံး ခရီးတစ်ခု
ငါတို့နှစ်ယောက် ကိုယ်တိုင်
ရွေးထားခဲ့ပြီး...။
သဘောထားများ အပြည့်နဲ့
ဆူးလမ်းများနင်းဖြတ်
ဘာဖြစ်ဖြစ်ပါကွယ်
ခရီးများဆုံးအထိလျှောက်
(အဆိုးများကြုံကြိုက်တုန်းမှာ
ဒုက်ခတွေဟာ ခဏပါ
အနမ်းများကို အသက်သွင်းကာ
ခရီးများ အဆုံးထိလျှောက်

လက်တွေ့ဟာ ရင်ဘတ်မှာ
လမ်းဆုံးဟာ ခဏပါ
အနမ်းများကို အသက်သွင်းကာ
ခရီးများအဆုံးထိလျှောက်...။)
အားဟာ...
ခရီးများအဆုံးထိလျှောက်...။
အူးဟူ...
ခရီးများအဆုံးထိလျှောက်...။


Credit to Lynn Lynn, Lay Phyu