Thursday, April 10, 2008

Movie Review : Street Kings


ှနာမည်ကြီး မက်ထရစ်၊ စပိဒ်မင်းသား ပါတဲ့ ရဲစုံထောက်ကား တစ်ကားပါ...။
ကီနူးရိဗ်က အရက်စွဲနေတဲ့ ရဲဝန်ထမ်းတစ်ယောက် တွမ် အဖြစ် သရုပ်ဆောင်ထားတယ်...။
သူ့အထက်အရာရှိက သူတာဝန်ထမ်းဆောင်ရင်းနဲ့ အမှားအယွင်းတစ်စုံတစ်၇ာ ပါလာရင် အမြဲတမ်း ကာပေးတယ်...။
လူဆိုးတွေကို နှိမ်နင်းပေးပါရဲ့...။ လက်လွန်သွားလို့ လူဆိုးတွေ အကုန်သေနေတာတွေ ခဏခဏ ဖြစ်နေတယ်...။ မီဒီယာတွေကလဲ ဒါကို ပြောပြောနေတာ ကြာနေပြီ...။
သူ့ကို စွဲချစရာ သက်သေတွေ မရှိလေတော့ ကြာလာတော့ အထက်က မနေနိုင်တော့ သူ့ကို နေရာပြောင်းပြီး စခန်းမှာ ပြန်ထိုင်ခိုင်းတယ်...။ တစ်ခါက လုပ်ဖော်ကိုင်ဖက်ဟောင်းတစ်ဦး ဖြစ်တဲ့ ၀ါရှင်တန်နဲ့ ကတောက်ကဆ ဖြစ်တယ်...။ စိတ်ထဲမှာ သူက တေးထားပြီး တစ်ရက်မှာ အခွင့်ကြုံရင် လက်စားချေမယ်လို့ ကြုံးဝါးထားတယ်...။
တစ်ရက်မှာ ၀ါရှင်တန်ကို နောက်ယောင်ခံရင်း စတိုးဆိုင်ထဲမှာ ရန်ဖြစ်နေတုန်း သေနတ်ကိုင် လူရမ်းကား နှစ်ယောက် ၀င်လာပြီး ၀ါရှင်တန်ကို ဖျောင်ပစ်လိုက်တယ်...။ တွမ် အရာရှိ ရောက်လာပြီး စတိုးဆိုင်ထဲက လုံခြုံရေးကင်မရာဗွီဒီယိုအခွေကို တွမ်ကိုပေးပြီး အေးဆေး ပြန်နေခိုင်းတယ်...။

စခန်းမှာ တွမ်တစ်ယောက် ၀ါရှင်တန်ရဲ့ သူငယ်ချင်းဖြစ်တဲ့ သေမှုသေခင်း စုံစမ်းရေး အရာရှိတစ်ယောက်နဲ့ မတည့်ရာက တစ်ယောက်ကို တစ်ယောက် နားလည်မှု ရသွားပြီး ၀ါရှင်တန် သေဆုံးမှုကို ပြန်လိုက်ကြတယ်...။ ကြည့်လို့ ကောင်းပါတယ်...။
ကီနူးရိဗ် တစ်ယောက် ဗိုက်ရွှဲလာတာရယ်...၊ အရင်လို သွက်လက်မှု မရှိတာရယ်ကလွဲလို့ ကားကောင်း တစ်ကားပါ...။
ကီနူးရိဗ်ကို အမြဲတမ်း သန့်ပြန့်တဲ့ ကာရိုက်တာအနေနဲ့ ပဲ မြင်ခဲ့တော့ ဒီကားမှာ သူ့ကို အရက်သမား၊ ဇိုးသမားအဖြစ် မမြင်နိုင်သေးတာက ကျွန်တော့်ရဲ့ ဘိုင်းရပ်စ် တစ်ခုလား မသိ...။
ကြည့်သင့်တဲ့ ကားတစ်ကား ဖြစ်ကြောင်း လက်တို့လိုက်ရပါတယ်...။
ဘီပလပ်စ် အဆင့် ပေးလိုက်ပါတယ်...။

စကားမစပ် ... ဒီကားမှာ တွမ်ရဲ့ အထက်အရာရှိအဖြစ် သရုပ်ဆောင်တဲ့ လူမည်းမင်းသား Forest Witaker က The Vantage Point ရုပ်ရှင်မှာလဲ သရုပ်ဆောင်ထားပါတယ်...။ ၀ါရင့် သရုပ်ဆောင် ဖြစ်တဲ့ အတွက် တစ်ကားနဲ့တစ်ကား လုံးဝကို မတူရလေအောင် သရုပ်ဆောင်သွားပါတယ်...။ ဒီနှစ်ကားစလုံးကို ၂ ရက် အတွင်း ရှေ့ဆင့် နောက်ဆင့် ကြည့်ဖြစ်တော့ သူ့သရုပ်ဆောင်မှုကို မှတ်မှတ်ထင်ထင် ဖြစ်နေမိတာပါ...။

No comments:

Post a Comment