ရိုးသားမှု

မဝေးသေးတဲ့ အတိတ်တုန်းကပေါ့...။
ငါ့ရင်ထဲက နှင်းဆီတစ်ပွင့်ကို
လက်ကြမ်းတွေနဲ့ ချေဆုပ်သွားကြတယ်...။
နှင်းခါးမိုးတွေကြောင့် တောင်ယာမှာ နှံကောင်တွေ ညိုးငယ်နေလေရဲ့...။
ပျံလွှားငှက်များကတော့ အနောက်ဘက်အရပ်ကို အသိုက်ရွှေ့သွားလေရဲ့...။

စင်ယော်တောင်ပံခတ်သံတွေ သင်းထုံနေတဲ့ ဆားငန်လေတွေကို နှစ်သက်ခဲ့လေသလား...။
တောင်ပေါ်က ထင်းရှူးရနံ့ပါတဲ့ လေနုအေးကို ယစ်မူးမိခဲ့ပါသလား...။
နေကြာပန်းခင်းထဲက လိပ်ပြာရယ်သံများကို သယ်ဆောင်လာခဲ့တဲ့ ပန်းဝတ်မှုံရနံ့များကို တိမ်းမောမိခဲ့ လေသလား...။
မန်းချယ်ရီဆောင်ရှေ့ ညမွေးပန်းနံ့နဲ့ ရောပြွမ်းနေတတ်တဲ့ အညာလေပူကို တပ်မက်မိခဲ့သလား...။

ခုတော့...
ဖုန်ထူနေတဲ့ ကတ္တရာလမ်းပေါ် ဖြတ်တိုက်လာတဲ့ အဆိပ်ငွေ့မှုန်တွေတော့ မုန်းမိပါရဲ့...။
ကားမှတ်တိုင်က နီကိုတင်းတွေ မှုတ်ထုတ်တတ်တဲ့ ရွေ့လျားမီးခိုးခေါင်းတိုင်များကို မုန်းမိပါရဲ့...။
လိမ်ညာမှုတွေနဲ့ ပြည့်နှက်နေတဲ့ ဟန်ဆောင်စကားပြောသူတွေရဲ့ အာပုတ်နံ့ကို မုန်းမိပါရဲ့...။
မုသားတွေနဲ့ တစ်ကိုယ်လုံး လိမ်းကျံ ပြည့်နှက်နေတဲ့ သူတွေရဲ့ အကောင်းစားရေမွှေးတွေနဲ့ ဖုံးကွယ်ထားတဲ့ ကိုယ်နံ့ကို မုန်းမိပါရဲ့...။

အတ္တတွေ...
ကိုယ်ကျိုးတွေ...
တစ်ကိုယ်ကောင်းဆန်မှုတွေ....
ဘယ်တော့မှ ပြည့်နိုင်မှာ မဟုတ်တဲ့ လိုဘတွေ...
မပြည့်အိုးတွေ...

အို အသင်လောက
အသင်သည် အံ့သြဖွယ်ရာ ကောင်းလှချည်ပါသကား...။


(စကားချပ်။ ။ “ဖါတစ်လုံး ခေါင်းကျား” ရုပ်ရှင်မှ နာမည်ကျော် Phrase ကို ငှားရမ်း သုံးစွဲထားသည်...။)