လွမ်းမောဖွယ်ရာ အတိတ်နေ့ရက်များ (၃)

လွမ်းမောဖွယ်ရာ အတိတ်နေ့ရက်များ (၁)
လွမ်းမောဖွယ်ရာ အတိတ်နေ့ရက်များ (၂)

ပြီးခဲ့တဲ့ ပို့စ်တွေမှာ ကျွန်တော်ရေးထားတာတွေကို ဖတ်ပြီး ကျွန်တော့်ကို ကိုနဗန နဲ့ တစ်နှစ်ထဲဆိုပြီး လာပြောနေတာ များတယ်။ တစ်ကယ်တော့ ကျွန်တော်က ကိုနဗန တို့နှစ်က မဟုတ်ပါဘူး။ သူက ကျွန်တော့်ထက်ကို အများကြီး စီနီယာကျပါတယ်။ (ကျွန်တော့်ထက်လဲ ရုပ်ပိုဆိုးပါတယ်။ သူက နူတ်ခမ်းမွေး စစနဲ့ ၀င်းဦးစတိုင် ဖမ်းချင်တာကိုဗျ...။ ၀င်းဦးနဲ့တော့ မတူဘူး.. သမိန်ပေါသွပ်နဲ့တူတယ်။ အဟက်...။ သူဒီဘလော့ လာမဖတ်နိုင်လောက်ဘူး။) သူတို့နှစ်တုန်းက အငြိမ့်တွေ ဘာတွေ ရှယ် လုပ်ဖြစ်သေးတယ်ဗျ။ ကျွန်တော်တို့နှစ်မှာလဲ လုပ်တယ်။ ဒါပေမယ့် သူရို့လောက် ၀က်ဝက်မကွဲဘူးပေါ့ဗျာ။ မေဂျာအလိုက် ဖြစ်သွားတာလဲ ပါလိမ့်မယ်။

ပြန်ဆက်မယ်။ ချမ်းအေးသာဇံ ကားကြီးကွင်းကနေ အရှေ့ကို တည့်တည်ချိုးလာတဲ့ ကားလေး ၂၆ ဘီလမ်း တစ်ရိပ်ရိပ် မောင်းနေတယ်။ မှတ်မိနေတဲ့ ကျုံးရေပြင်နဲ့ ပြဿဒ်တွေ၊ ကျုံးရေပြင်ထဲက ကြာပန်းတွေဟာ မျက်စိထဲမှာ လှနေတုန်းပဲ။ မန်းလေးဆိုတဲ့အတိုင်း အညာနေဟာ ပြင်းထန်နေတယ်။ ၇၃ လမ်းကို ကျော်လာတော့ ရင်နည်းနည်း ထိတ်သွားတယ်။ ဘာလို့ တက္ကသိုလ်ကို မသွားတာပါလိမ့်။ ကားလေးက ဆက်သွားနေတုန်းပဲ။ ဒီလိုနဲ့ ကျုံးအရှေ့ဘက်ကို ရောက်ခဲ့တယ်။ အဲဒီမှာ ကားလေးက မြောက်ဘက်ကို ပြန်ချိုးလိုက်ပြီး ကျုံးအရှေ့လမ်းအတိုင်း ဆက်မောင်းပြန်တယ်။ အော်... ငတို့ကျောင်းက မန်းလေး တောင်ခြေမှာကိုး၊ ဘုရားကို အေးဆေး ဖူးလို့ရတာပေါ့လို့ တွေးနေတုန်းမှာပဲ ... ကျုံးအရှေ့မုခ်တည့်တည့်က နန်းရှေ့ကို သွားတဲ့ လမ်းလေးအတိုင်း အရှေ့ဘက်ကို ချိုးပြန်တယ်။ ဘယ့်နှယ် မန်းလေးတောင်ခြေမှာ မဟုတ်ပြန်ဘူးတဲ့လား...။ အင်း.. နားထဲမှာတော့ အိမ်မှာတုန်းက လာနှုတ်ဆက်တဲ့ အဒေါ့်သူငယ်ချင်းတစ်ယောက် ပြောတာ ကြားဖူးတယ်။ နင်တို့ကို တောထုတ်ထားတာ ဆိုတော့ သူကျီစယ်တာ နေမှာပါ ထင်ထားတာ။ မန်းလေးဆိုတာ တော ရှိတဲ့ အရပ်မှ မဟုတ်တာ။ ဘယ်က တောထုတ်ရမှာတုန်းလို့...။

ကားလေးကတော့ သူ့သခင် စေရာ လမ်းအတိုင်း နန်းရှေ့ကနေ တောက်လျှောက် မောင်းနေတုန်းပဲ...။ ဒီလိုနဲ့ တိုက်တာ အိမ်ခြေများကို ကျော်လာပါပြီ။ နန်းရှေ့က နာမည်ကြီး ပိုးထည်တိုက်တွေလဲ ကျော်သွားပါပြီ...။ အိမ်ခြေရာခြေတွေ နည်းပါးသွားပြီး ဘေး တစ်ဘက်တစ်ချက်မှာ လယ်ကွင်းတွေ မြင်လာပါတယ်။ ဒီတော့ အတူပါလာတဲ့ စီနီယာ အစ်ကိုကြီးကို မေးမိတယ်။ အခု ဘယ်ကို သွားနေတာလဲ ဆိုတော့ ကိုယ်တော်ချောက မိန့်မိန့်ကြီး ပြုံးပြီးတော့ Welcome To MIT, the jungle ဆိုပြီး ကျောင်းကို သွားနေတာလေ လို့ ပြန်ဖြေတယ်။ မရောက်သေးဘူးလား ဆိုတော့ ရောက်တော့မှာပါတဲ့...။ တစ်ပြ နှစ်ပြ ဆို ရောက်ပါပြီတဲ့။

လယ်ကွင်းတွေလဲ ဖြတ်လိုက်ရတာ မနားပဲ...။ အဲဒီနောက် လမ်းမှာ လမ်းဖြတ်ခ ကောက်တဲ့ဂိတ်တစ်ခုကို ရောက်လာတယ်။ ဂိတ်နဲ့ ဟိုရှေ့မလှမ်းမကမ်းမှာ ဘယ်ဘက်ကနေ မြောက်ဘက်ကို တူရူ ခွဲထွက်သွားတဲ့ လမ်းလေးကို တွေ့နေရတယ်။ အဲဒီမှာ အိမ်တန်းတွေ စုစုနဲ့ မြင်နေရတာ မေးကြည့်တော့ ပုသိမ်ကြီး မြို့နယ်ကို သွားတဲ့လမ်းတဲ့။ ဟင်.. ဒါဆို မန်းလေးမြို့ထဲက ထွက်လာပြီပေါ့...။ ကျောင်းရောက်ခါနီးပြီလား ဆိုတော့ နီးပါပြီ တစ်ပြပေါ့တဲ့။

ကားဂိတ်မှာ ဂိတ်ကြေးတွေ ပေးပြီးပြန်တော့ ဆက်မောင်းလာတယ်။ ပုသိမ်ကြီးလမ်းခွဲလေးကတော့ ကျန်နေခဲ့တယ်။ ဒီလမ်းလေးလဲ နောက်ကို ချောင်းပေါက်မတတ်လာခဲ့ရတဲ့ လမ်းလေး တစ်ခု ဖြစ်ပြန်တယ်။ ဆက်ထွက်လာတော့ လမ်းရဲ့ မြောက်ဘက်ခြမ်းက လယ်ကွင်းထဲမှာ အဆောက်အအုံ ဖြူဖြူလေးတွေ အများကြီးနဲ့ တွေ့တော့ ၀မ်းသာအားရနဲ့ ကျောင်းရောက်ပြီးလား မေးမလို့ ရှိတုန်း ဘွားကနဲ ပေါ်လာတဲ့ ဆိုင်းဘုတ်ကြောင့် မေးမယ့် စကားလုံးတွေ မျိုချလိုက်ရတယ်။ “ပုသိမ်ကြီး အဆုတ်ရောဂါ ကုသရေး ဆေးရုံ” တဲ့။ စာရေးဆရာမ ခင်နှင်းယုရဲ့ “ရင်နင့်အောင်မွေး” ဆိုတဲ့ ၀တ္ထုထဲက ဇာတ်ကောင် ဆေးလာကုတယ် ဆိုတာ ဒီဆေးရုံ ဖြစ်မယ်။ ပြောရဦးမယ်။ ပုသိမ်ကြီး၊ ရေကြည် အဲဒီနားတစ်ဝိုက်က ရေတွေဟာ ထုံးဓါတ်ကြွယ်ဝ လို့ ဆိုလား မသိဘူး။ အဆုတ်နာနဲ့ တည့်တယ်တဲ့။ ဒါ့ကြောင့် အဲဒီနားမှာ အဆုတ်ဆေးရုံ လာတည်ကြတာ။ အဲဒီကနေ နည်းနည်း ထပ်သွားလိုက်ရင် ဘုန်းကြီးကျောင်း တစ်ကျောင်း ရှိတယ်။ အဲဒီနားက ကျောင်းက ရေတွင်းက ရေဟာ PH7 အဆင့် ရှိတယ်တဲ့။ သဘာဝ သောက်ရေသန့်လို့ ဆိုရမယ်။ အဲဒီနား နေထိုင်သူ တွေဟာ ဘုန်းဘုန်းဆီကနေ ခွင့်တောင်းပြီး သောက်ရေလာယူကြတယ်။ ပြင်သစ်က ရေသန့်ပညာရှင်တွေကိုယ်တိုင် လာစစ်ဆေးပြီးတော့ လူတွေ သောက်နိုင်တဲ့ PH လယ်ဗယ် အဆင့်မှီတယ်လို့လဲ ထောက်ခံသွားတယ်တဲ့။ (နက္ခတ္တ ရောင်ခြည် မဂ္ဂဇင်းထဲမှာတော့ အဲလို ရေးထားတာပဲ။) ဘာပဲပြောပြော ထုံးရေကြောင့် ရေကို ကျိုချက်နေရတဲ့သူတွေ အတွက် ထင်းဖိုး မီးဖိုး သက်သာတာပေါ့။ တစ်ချို့မန်းလေး မြို့တွင်းက သူတွေဆို ကားနဲ့ တစ်ကူးတစ်က လာယူကြတယ် ပြောတယ်။ နာမည်ကြီး သောက်ရေသန့် လုပ်ငန်းရှင် တစ်ယောက်က ဘုန်းဘုန်းကို ချဉ်းကပ်ပြီး ရေသန့် ထုတ်ရောင်းမယ် ဆိုတာကို ဘုန်းဘုန်းက လက်မခံပဲ အများဝေနေယျကို အခမဲ့သာ ဖြန့်ဝေမယ်လို့ ပြောတယ်တဲ့။ သာဓု သာဓု သာဓု။

ဒီလိုနဲ့ ကားနဲ့ ခရီး ဆက်ပြန်တယ်။ ခဏနေတော့ အရှေ့ဆီမှာ ထီးထီးတည်း ရှိနေတဲ့ တောင်တစ်လုံးကို တွေ့ပြန်တယ်။ အမ်အိုင်တီ ကျောင်းသားများ ဦးခိုက်ရာ ရန်ကင်းတောင် ဆိုပဲ။

ဆက်ရန်....။

လွမ်းမောဖွယ်ရာ အတိတ်နေ့ရက်များ (၂)။

အရှေ့ဆီမှာ မြူတွေဆိုင်းနေတတ်တဲ့ ရိုးမတောင်တန်းကြီးဟာ ကျွန်တော့အတွက်တော့ ဘယ်တော့မှ မရိုးနိုင်တဲ့ သဘာဝ ပန်းချီကား တစ်ချပ်ပါ။ လပြည့်ညများမှာဆို ရိုးမပေါ်ကနေ ကျော်ပြီး တစ်ဖြည်းဖြည်း တက်လာတဲ့ ငွေလ၀န်းကြီးကို တိတ်တဆိတ် ငေးကြည့်ရတဲ့ အရသာဟာ ဘာနဲ့မှ မလဲနိုင်ပါ။ လပြည့်ည ရောက်တိုင်း ကျွန်တော် လုပ်တတ်တာကတော့ ကျောင်းရဲ့ အရှေ့ဘက် လူတွေ သိပ်မလာတတ်တဲ့ ၀န်ထမ်း အိမ်ရာတွေနားက ကွင်းပြင်ကို ဖြတ်ထားတဲ့ လမ်းလေးနားက အုတ်ခုံလေးမှာ သွားထိုင်လေ့ ရှိတယ်။ ရိုးမတောင်စွယ်ပေါ်ကနေ ပြူတစ်ပြူတစ်နဲ့ မျက်စပစ်တတ်တဲ့ ကြယ်ကလေးတွေ ကြားကနေ တက်လာတတ်တဲ့ လပြည့်ဝန်းကို ငေးကြည့်ရတဲ့ အရသာကို ဘာနဲ့မှ မလဲနိုင်ဘူး။ သူငယ်ချင်းတွေကတော့ အရူးလို့ ထောမနာ ပြုကြတာပေါ့။

ကျောင်းတော်မဟာကြီးကို စရောက်ရောက်ခြင်း နေရတဲ့ အခြမ်းက H1 အဆောင်လို့ သတ်မှတ်ထားတဲ့ ကျောင်းဆောင် နံပါတ် (၁) ပါ။ အဆောင်မှာ အရှေ့ဘက် တန်းလျားနဲ့ အနောက်ဘက် တန်းလျား ရှိပါတယ်။ ကြားမှာ ကော်ရစ်ဒါလေး ခြားတာပေါ့။ ရောက်ရောက်ခြင်း ပထမနှစ်မှာတော့ အနောက်ဘက်ခြမ်းကို ရတယ်။ ကျောင်းဆောင်က မြောက်ဘက်ကို မျက်နှာမူထားတဲ့ အခြမ်းလေ။ ဆိုတော့ ကျွန်တော် နေရတဲ့ အခြမ်းက တောင်ဘက်ကို မျက်နှာမူတဲ့ အခြမ်းပေါ့။

ကျွန်တော့်အခန်း ၀ရန်တာကနေ ထွက်လိုက်ရင် ရှမ်းရိုးမကြီးကို တန်းမြင်နေရတယ်။ တစ်နယ်တစ်ကျေးမှာ တစ်ယောက်တည်း ကျောင်းလာတက်တော့ စိတ်ထဲမှာ အိမ်လွမ်းနာက အတောမသတ်နိုင်ဘူး။ မိုးတွေ ညို့လာပြီဆို ရိုးမကြီးကို ဖုံးလွမ်းနေတတ်တဲ့ တိမ်တွေကို ငေးပြီး အိမ်ကို လွမ်းလိုက်တာလေ။ အဖေါ်အပေါင်းများကလဲ အဲလောက် မရှိတတ်သေး။ ကျောင်းက ဖွင့်စ ဆိုတော့ သူ့နယ်ကိုယ့်နယ်က လူတွေလောက်ပဲ စုစု စုစု ရှိသေးတယ်။ ဆိုတော့ သင်းကွဲပြီးတော့ မန်းလေးကို ရောက်လာတဲ့ ခြင်္သေ့ကျွန်တော် တစ်ယောက် တောင်ကြီး တက္ကသိုလ်မှာ ကျန်ခဲ့တဲ့ ကျွန်တော့် ဘော်ဒါတွေကို သတိတရ ဖြစ်မိသေးတယ်။

ကျွန်တော်တို့ ရှမ်းပြည်က တက္ကသိုလ်တက်သူများအတွက် ရိုးရိုး ၀ိဇ္ဇာ၊သိပ္ပံတွေဆို တောင်ကြီးမှာ တက်ရတယ်။ အထူးပြု ဘာသာများ ဆို မန်းလေး တက္ကသိုလ်မှာ လာတက်ရတယ်။ ၉၀ မတိုင်မီ နှစ်များဆီက စက်မှု တက်ခွင့်ရသူများဆို ရန်ကုန်မှာ လာတက်ရတယ်။ နောက်ပိုင်း မြန်မာပြည် အထက်ပိုင်း ကျောင်းသားများ အတွက် မန်းလေးစက်မှု တက္ကသိုလ်ကို ၁၉၉၀ မှာ ဖွင့်ပေးလိုက်တော့ ကျွန်တော်တို့ ရှမ်းပြည်က စက်မှုကျောင်းသားများသည် ရန်ကုန်မှာ လာမတက်ရတော့ပဲ မန်းလေးမှာ တက်ရတော့တာပေါ့။ ကျွန်တော် စက်မှုတက်တဲ့ နှစ်မှာ ကျွန်တော်တစ်ယောက်တည်းပဲ စက်မှု ရောက်ခဲ့တယ်။ ကျန်တဲ့ သူငယ်ချင်းများကတော့ တောင်ကြီးမှာ ၀ိဇ္ဇာ၊ သိပ္ပံတွဲတွေနဲ့ ကျန်ခဲ့တယ်။ သက်ထွန်းတို့၊ ၀င်းစိန်တို့ပေါ့။ တောင်ကြီးမှာ သူတို့ ရှိနေတော့ အလည်ရောက်တိုင်း သူတို့ဆီပဲ ၀င်လည်/အိပ်နေတော့တာပဲ။ (သက်ထွန်းတို့က နိုင်းနိုင်းစနေတို့နဲ့ တစ်နှစ်ထဲ။ ဟဲဟဲ... ခွန်ကျော်လှိုင့် သူငယ်ချင်းဆိုလားပဲ။ )

စကားတွေ ပြန်ကောက်မယ်။ ကိုယ်နေတဲ့ အဆောင်ရဲ့ ၀ရန်တာကနေ ဟိုးတောင်ဘက်ကို ခပ်လှမ်းလှမ်း ကြည့်လိုက်ရင် ရေတံခွန်တောင်ကို မြင်နေရတယ်။ ရေတံခွန်တောင်လို့ နာမည်ပေးထားပေမယ့် သုံးရာသီပတ်လုံး ရေတံခွန်ရှိတာ မဟုတ်။ မိုးရာသီရောက်လို့ တောင်ပေါ်ရေများ ကျလာရင် ရေတံခွန်သဖွယ် စီးလာတာ ဖြစ်တယ်။ တောင်မြင်ရင် ဘုရားတည်တတ်တဲ့ ဗုဒ္ဓဘာသာ မြန်မာများကြောင့် အဲဒီ ရေတံခွန်တောင်မှာ စေတီ ဘုရား တစ်ဆူ ရှိတယ်။ အမ်အိုင်တီ ကျောင်းသားများ ကိုယ်ကြိုက်တဲ့ ကောင်မလေးများကို မျက်နှာလို မျက်နှာရ ဘုရားဖူး လိုက်ပို့လို့ ကောင်းတဲ့ ဒုတိယနေရာပေါ့ဗျာ။ (ပထမကတော့ ဘုရားကြီးပေါ့။ မြို့ထဲ သွားလို့ မလွယ်ရင်တော့ ရေတံခွန်တောင် ဘုရားကို လိုက်ပို့တာ များတယ်။)

ကျောင်းတော်ကြီးက တောကြိုအုံကြားထဲမှာ ဆိုပေမယ့် ကျောင်းတော်သူ/သား အများစုက ညည်းညူ မနေကြပါဘူး။ ရောက်တဲ့ အရပ်မှာ ပျော်အောင် နေကြတာပါပဲ။ ကျောင်းဆောင်မှာ နေသူအများစုက နယ်ကနေ လာတာဆိုတော့ တောမှာ နေနေ မြို့မှာနေနေ အိမ် မဟုတ်တဲ့ အတွက် ထူးပြီး ဆန်း မနေတော့ပါဘူး။ ရောက်စကသာ အားငယ်သလိုလို ရှိခဲ့ပေမယ့် နောက်ပိုင်းမှာ တစ်ယောက်ကို တစ်ယောက် အားပေးကြရင်းနဲ့ တောကြိုအုံကြား အရပ်မှာ ချေးကျရာ ပျော်တဲ့ လောက်လို နေတတ်ခဲ့ကြတယ်။ (ဟုတ်တယ်နော် စုဇုစိန်။)

ကျောင်းတော်ကို စလာခဲ့တဲ့ နေ့ကဆို ရီရတယ်။ တောင်ကြီးကနေ မနက်လင်းအားကြီး ငါးနာရီလောက် ကျားခေါင်းကားနဲ့ ဆင်းလာတာ။ တောင်တက်တောင်ဆင်း လမ်းများကို ကိုယ်က စီးနေကျ မဟုတ်တော့ ကားမူးနေတာ။ အဲဒီတုန်းက မန်းလေးမှာ ကားကြီးကွင်းက ချမ်းအေးသာဇံ ကွင်းမှာ ရှိနေတုန်း။ အခုလို ကျွဲဆည်ကန် မရောက်သေးဘူး။ မန်းသီရိ တေးသံသွင်းဆိုင်နားက အ၀င်လေးမှာ။ မှတ်မိသေးတယ်။ တောင်ပေါ်က ဆင်းလာတာ။ အဲဒီတုန်းက မေလဆိုပေမယ့် တောင်ကြီးမှာ မိုးတွေ ရွာလို့ ချမ်းနေတုန်း။ အနွေးထည်၊ ဂျင်းဘောင်းဘီ၊ ဝေါ့ကနဲရှုးများနဲ့...။ ကားက ဒတ်ဆန်းကားကို ခုံတွေ အတန်းလိုက် စီထားတာလေ။ တောင်ပေါ်မှာတုန်းက မိုးကောင်းနေတော့ ကားဘေးနားက တာလပတ်တွေ အကုန်အုပ်တာ။ အတော့်ကို ချမ်းတာကလား။ ခိုက်ခိုက်တုန်တာပ။

မိတ္ထီလာလဲ နီးရော မြေပြန့်ဆိုတဲ့ အရသာကို ခံစားရပါလေရော...။ ပူလာပြီလေ။ ဆိတ်ချေးနံ့များလဲ သင်းလာပြီ။ ရထားသံလမ်းများလဲ ကားလမ်းနဲ့ အပြိုင် မြင်လာပါပြီ။ အနွေးထည်များလဲ ချွတ်လိုက်ရပြီ။ ကန္တာရ ဆူးပင်များလဲ ဟိုတစ်ပင် ဒီတစ်ပင် တွေ့ရာကနေ ခပ်စိတ်စိတ် တွေ့လာရတယ်။ ကြခတ်ဝါးကျဲကျဲ ခြံခတ်ထားတဲ့ ဓနိမိုး အိမ်များကို ဟိုစုစု ဒီစုစု တွေ့လာရတယ်။ စိုစိစိုစိ အနေအထားကနေ ခြောက်သွေ့ ပူလောင်လာတယ်။ အဲဒီနောက် သဲတော ၀မ်းတွင်း စတာတွေ ဖြတ်ပြီး ညနေ သုံးနာရီလောက်မှာ မန်းလေး ရွှေနေပြည်တော်ကို ရောက်ခဲ့လေရော။

မြင်းလှည်းသံ တစ်ဒေါက်ဒေါက်၊ စက်ဘီးနင်းသံ၊ ဆိုင်ကယ်သံတွေ ညံလာပြီ။ မုန့်လက်ကောက်လောက် ထူတဲ့ ရွှေခြေကျင်းကို ၀တ်ထားတဲ့ စကားပြောရင် ကျွန်တော် ကျွန်တော်လို့ ပြောတတ်တဲ့ မန်းသူများကိုတော့ မတွေ့ရပါဘူး။ ပါးကွက်တွေ ပိန်းပိတ်နေအောင် ကွက်ထားတဲ့ ရေသန့်ဗူးရောင်းနေတဲ့ ဈေးသည်များကိုသာ ကားဂိတ်မှာ တွေ့ရတယ်။

ကားပေါ်က ဆင်းလိုက်တာနဲ့ လေပူပူကို ရှိုက်သွင်းမိပါတယ်။ ၀တ်တာစားတာက သူများနဲ့ မတူ တစ်မူ ထူးနေတော့ ကားသမားတွေ၊ ဆိုက်ကားသမားတွေ ၀ိုင်းအုံလာပါတယ်။ (တို့တော့မယ်ဟဲ့ ဆိတ်တော့မယ်။ လာထား တောင်ပေါ်သား အချဉ်တွေ ဆိုတဲ့ အထာနဲ့ပါ)။ ဘယ်သွားမလဲ။ မိန်းထဲလား။ အောင်မင်္ဂလာလား၊ ရွှေမန်းလား ဆိုတဲ့ အသံတွေ၊ ဆိုက်ကားလား၊ မြင်းလှည်းလား ဆိုတဲ့ အသံတွေ ကြွက်စီ ညံသွားပါတယ်။ ကိုယ်က ဘာမှ မသိတော့ အတူပါလာတဲ့ စီနီယာ အစ်ကိုကိုပဲ မေးငေါ့ပြလိုက်ပြီး ဘေးထွက်ထိုင်တယ်။ စီနီယာက ပုသိမ်ကြီး ရေကြည် အမ်အိုင်တီ လို့ ပြောတော့ ရှဲသွားကြတယ်။ ဟင်.. ခုနကကတော့ အမဲ ဖျက်မတတ် ၀ိုင်းလာကြပြီး ခုတော့ ရှောင်ကုန်တာပဲ...။ နောက်တော့ တစ်ယောက်ဝင်လာတယ်။ ညီလေးတို့ သွားမှာက အဝေးကြီးပဲ။ ဘာနဲ့သွားချင်လဲတဲ့။ ကားနဲ့ပေါ့။ အိုကေ.. ဒီဈေး ဒီဈေး ရှိတယ်ဆိုတော့ စီနီယာ အစ်ကိုကြီး သုံးချိုး တစ်ချိုး ဆစ်လိုက်တာ နောက်ဆုံး ဈေးတည့်သွားတယ်။ ကျွန်တော်သာဆို တစ်ဝက်လောက်တောင် ဆစ်ရဲမှာ မဟုတ်ဘူး။ မှတ်မှတ်ရရ ၁၅၀ ကျပ် ထင်တယ်။ (၁၉၉၄ တုန်းက ကားငှားခ ဈေးနှုန်းပါ။ ဒေါ်လာဈေးက တစ်ဒေါ်လာကို ၇၅ ကျပ် ၀န်းကျင် ထင်ပါ့)။ အဲဒါနဲ့ ဈေးတည့်ပြီး ပါလာတဲ့ အထုပ်များကို ကားပေါ်တင်ဖို့ လုပ်တော့ လားလား။ ကားက သုံးဘီးကား သေးသေးလေးပါလား။ ပါလာတဲ့ ပစ္စည်းတွေလဲ ကြည့်ပါဦး။ သံသေတ္တာက နှစ်လုံး၊ ဘေးကျားအိတ်လို့ ခေါ်တဲ့ မြွေရေခွံအိတ် အကြီးစားက သုံးလုံး။ ဒါတောင် လက်ဆွဲ တိုလီမိုလီက မပါသေးဘူး။ ပစ္စည်းနဲ့ တင် ကားက ပြည့်နေပြီ။ လူက ဘယ်နား တက်ထိုင်မလဲ။ ရှေ့ခန်းက ဒရိုင်ဘာပဲ ထိုင်တာ။ နောက်တော့ သံသေတ္တာကို ကားခေါင်မိုးပေါ်မှာ တင်၊ ကြိုးနဲ့တုပ်မှ လူထိုင်ဖို့ နေရာ ရှိတော့တယ်။

အဲဒီနောက် ကျောင်းတော်မဟာကို ယွန်းကြပါတော့တယ်။ ချမ်းအေးသာဇံ ကားကြီးကွင်းကနေ မန်းသီရိ တေးသံသွင်း ဘေးနားက လမ်းလေးအတိုင်း ထွက်လာပြီးနောက် ၂၆ဘီလမ်းပေါ်ကို ရောက်ပါတယ်။ အဲဒီနောက် အရှေ့ဘက်ကို ချိုးပြီး ကျုံးလမ်းအတိုင်း တောက်လျှောက် မောင်းပါတယ်။ မန်းလေးကို ၈၃-၈၄ ခုနှစ်များဆီက ရောက်ဖူးတော့ ကျုံးရေပြင်ကြီးကို မှတ်မိပါတယ်။ ကျုံးဘေးနားက တစ်ရိပ်ရိပ် ကျန်နေခဲ့တဲ့ အပင်များကို ငေးကြည့်ရင်း ၀င်လုဆဲ နေလုံးကြီးကို ကျောပေးပြီး အရှေ့ဘက်ကို တစ်ချက်ချက် မောင်းနေတဲ့သုံးဘီးကား ခေါ်ဆောင်ရာနောက်ကို ငြိမ်ငြိမ်ဆိတ်ဆိတ်လေး လိုက်ပါမိပါတော့တယ်။

နောင်တစ်ချိန်မှာ အဲဒီ ၂၆ ဘီလမ်းလေးဟာ ကျွန်တော်နဲ့ အတော့်ကို ရင်းနှီးလာမယ့် လမ်းဆိုတာ အဲဒီတုန်း တွေးမထင်ခဲ့မိပါဘူး။

လွမ်းမောဖွယ်ရာ အတိတ်နေ့ရက်များ (၁)

ဆရာမြသန်းတင့်ရဲ့ ဘာသာပြန်စာအုပ်ထဲက လှပတဲ့ ဝေါဟာရ တစ်ခုပါ။ အခု ရေးမယ့် ပို့စ်လေးနဲ့ ကိုက်နေလို့ သုံးလိုက်တာပါ။

အဲဒီ ဘာသာပြန်စာအုပ်ထဲမှာ Princeton တက္ကသိုလ်က ကျောင်းတော်သူ/သား များရဲ့ အကြောင်းကို ရေးထားတာ ဖတ်ရတယ်။ အခုလဲ ကျွန်တော် ကျောင်းတက်တုန်းက အတွေ့အကြုံ ပျော်စရာ အဖုံဖုံလေးများကို ပြောပြချင်တော့ ကိုက်နေတာနဲ့ ဒီခေါင်းစဉ်လေး ယူသုံးလိုက်တာပါ။

ကျွန်တော်တက်ခဲ့တဲ့ ကျောင်းကတော့ ပရင်စတန် ယူနီဗာစီတီကြီးတော့ မဟုတ်ဘူးပေါ့ဗျာ...။ ငြိမ်ဆိတ် အေးသက်တဲ့ တမာရိပ်မှာ ထီးထီးတည်း ရှိနေတဲ့ ကျောင်းတော်မဟာကြီးပေါ့။ အရှေ့သို့လားသော် ရှမ်းရိုးမ၊ အနောက်ဘက်မှာတော့ ရေနီမြောင်း၊ မြောက်ဘက်မှာတော့ သမ၀ါယမတက္ကသိုလ်၊ တောင်ဘက်မှာတော့ စစ်တပ် စသဖြင့် ခြံရံလျက်ရှိတဲ့၊ ၁၉၈၈ ခုနှစ်နောက်ပိုင်း ပထမဦးဆုံး တောထုတ်ခံရတဲ့ ကျောင်းလေးပေါ့ဗျာ။

မန်းလေးရဲ့ အရှေ့ဘက် နန်းရှေ့ကနေ တည့်တည့် ထွက်လာရင် ပုသိမ်ကြီး မြို့နယ် ဆိုတာကို ရောက်လိမ့်မယ်။ တည့်တည့် ထပ်လာခဲ့ရင် ရန်ကင်းတောင် ဆိုတာကို ဦးခိုက်လိမ့်မယ်။ အဲဒီ ရန်ကင်းတောင် ဆိုတာက နှယ်နှယ်ရရ မဟုတ်။ ဘုရားလောင်း ငါးရံ့မင်း ဖြစ်စဉ်အခါက နေခဲ့တဲ့ နေရာဖြစ်တယ်လို့ အဆိုရှိတဲ့ နေရာဗျ။ သမီးရည်းစား စုံတွဲများ တောင်ပေါ် မတက်ကောင်း၊ တက်တာနဲ့ ကွဲတာပဲတဲ့။ မန်းလေး တစ်ဝိုက်က ယာဉ်ကား အသစ်စက်စက်များ ၀ယ်ရင် ဒီတောင်ကို လာပြီး နတ်ပြကြ၊ ဦးခိုက်ကြတယ်။ တောင်ခြေနားမှာတော့ ဘုရားဖူးတွေ အမောပြေ အဆာပြေ ၀ယ်ခြမ်းစားသောက်နိုင်ဖို့ စားသောက်ဆိုင်တွေ အသီးသီး ရှိတယ်။ အဲဒီ စားသောက်ဆိုင်တွေနားက ထောင့်နားက စားသောက်ဆိုင်ဟာဖြင့် သူတို့ ၀ယ်ထားတဲ့ ကားမှာ ဘီးတစ်ဘက်စာ ကျွန်တော် ရှယ်ယာ ၀င်ထားတာ။ (ရှယ်ယာပါဆို ကျောင်းတက်နေတုန်း ကာလများက ဆိုရင်ဖြင့် နေညိုလို့ လေပြိုရင် လေသက်အောင် လေချဆေး သွားသွားမှီဝဲနေကျ နေရာကိုးဗျ။)

အဲဒီတောင်ခြေမှာ ဘယ်ညာ လမ်းနှစ်သွယ် ကွဲသွားတယ်။ ဘယ်ဘက်လမ်းက ရေကြည် ကိုသွားတဲ့ လမ်း၊ ညာဘက်လမ်းကတော့ ရေနီမြောင်းကို သွားတဲ့လမ်း။ ဆိုတော့ ညာဘက်လမ်းကို လိုက်ရင် ကျွန်တော်တို့ ကျောင်းရှိရာကို ရောက်တယ်။ ရန်ကင်းတောင်ကို တစ်ကွေ့တစ်ပတ်ကြီး ပါတ်ရတယ်။ တောင်ရဲ့ ဟိုဘက် အစွန်းမှာ အိမ်ရှေ့မင်း ထန်းတောလို့ ကျောင်းသားများ နာမည်ပေးထားတဲ့ ထန်းတော အသေးစားလေး ရှိတယ်။ အဲဒီနားမှာ မြန်မာ့အသံ ကြော်ငြာခေတ်ကောင်းတုန်းက ထက်ထက်မိုးဦးနဲ့ ကြော်ငြာတဲ့ မြသီဒါ ပဲလှော်ဖို ဆိုတာ ရှိတယ်။ စက်ဘီးလေးများ စီးလာရင် အဲဒီ ပဲလှော်ဖိုကနေ လေအဝှေ့နဲ့ ပါလာတဲ့ ပဲလှော်နံ့လေးများ သတိရမိသေး။

ပြန်ဆက်မယ်။ အဲဒီကနေ အရှေ့ဖက်ကို တည့်တည့်ဆက်စီးသွားရင် တောင်ဘက်မှာက လယ်ကွင်းတွေ တွေ့လိမ့်မယ်။ ကောက်စိုက်ချိန် ဆို ကောက်သမများက ရှက်တတ်တဲ့ ကိုကိုကာလသားများ စက်ဘီးပေါ်ကနေ ဆင်းပြီး ထွက်ပြေးချင်လောက်အောင်ကို စနောက်တာတွေ့ပါလိမ့်မယ်။ (ကိုပေါများ ဒီလမ်းက ပြိုင်ဘီးနဲ့ ဖြတ်ဖူးတာလား မသိဘူး။)

တစ်ပြလောက် စီးမိရင် လမ်းက တောင်ဘက်ကို ချိုးသွားပါလိမ့်မယ်။ နောက်ထပ် တစ်ခေါ်သာသာလောက် ဆက်သွားရင် အရှေ့ဘက်ကို ချိုးတဲ့ လမ်းလေးကို ရောက်ပါလိမ့်မယ်။ အဲဒီမှာ ဆိုင်တန်းလေး နောက်ထပ် တွေ့ပါလိမ့်မယ်။ ကျောင်းအ၀င်ဝမှာပေါ့လေ။ လက်ဘက်ရည်ဆိုင် အများစုပါ။ ဆံပင်ညှပ်ဆိုင် တစ်ဆိုင်နှစ်ဆိုင်နဲ့ ကုန်စုံဆိုင်လေးများ တွေ့နိုင်ပါတယ်။

ဒီဆိုင်တန်းလေးကျော်ရင်တော့ ရေနီမြောင်းလေးကို ကျော်ဖြတ်ခွဆောက်ထားတဲ့ အုတ်ကွန်ကရစ် တံတားလေး ကို တွေ့ရပါလိမ့်မယ်။ ညနေ နေညိုချိန်၊ အကျည်းတန်တွေ လှတဲ့ အချိန်၊ နွားရိုင်းသွင်းချိန်မှာ ဒီတံတားပေါ်မှာ ကိုကိုကာလသား ကျောင်းသားလေးများ တံတားဘောင်ပေါ်မှာ ထိုင်ကာ ကျောင်းသူဆောင် ဖြစ်တဲ့ မန်းချယ်ရီဆောင်က အဆောင်သူလေးများ ကုန်စုံဆိုင်မှာ လိုအပ်တာလေးတွေကို လာဝယ်တာကို မျက်စိစားပွဲ ထိုင်ကြပါတယ်။ ကဗျာဆန်တယ်လို့တော့ မထင်လိုက်ပါနဲ့။ နွားအုပ်တွေ သွင်းလာချိန်ဆိုတော့ ဖုန်အထပ်ထပ်၊ နွားချေးနံ့ တစ်သင်းသင်းနဲ့ပါ.။

မေ့လို့ ကျောင်းတော်မဟာကတော့ မန်းလေး စက်မှုတက္ကသိုလ် ခေါ် MIT တစ်ဖြစ်လဲ MTU ကျောင်းတော် မဟာ ဖြစ်ပါတယ်...။

Korean Movies OST ကြိုက်မိသော ဇာတ်ဝင်သီချင်းများ (၂)

အခုတစ်ခေါက် နားဆင်စေချင်တဲ့ ဇာတ်ဝင်သီချင်းကတော့ ကိုရီးယားကားများထဲက ဖြစ်ပါတယ်။
ပထမကားကတော့ The Classic အမည်ရ ကိုရီးယားကားလေး ဖြစ်ပါတယ်။ April Snow ဇာတ်ကားထဲက မင်းသမီးလေး Son Ye Jin ပါဝင် သရုပ်ဆောင် ထားတာပါ။ အဲဒီထဲကမှ နားထောင်ချင်နေတဲ့ သီချင်း နှစ်ပုဒ် ရှိပါတယ်။ ပထမ တစ်ပုဒ်ကတော့ အအေးလေး၊ အလွမ်းအဆွေး အမျိုးအစားလေးပေါ့။ ဒီတစ်ခါလဲ စာသား နားမလည်ပေမယ့် သီချင်းသံစဉ်ကို ခံစားကြည့်လိုက်ပါ။

ဒုတိယ တစ်ပုဒ်ကတော့ အမြူးလေးပါ။ Me To You, You To Me လို့ အမည်ရပါတယ်။ ဗားရှင်းနှစ်မျိုး တင်လိုက်ပါတယ်။
Me To You, You To Me (Version 1)


Me To You, You To Me (Version 2)


Imeei ကနေ MP3 Version တော့ တွေ့တယ်။ ဒေါင်းလုဒ်လုပ်တာကတော့ ဘယ်လိုမှ မလုပ်တတ်လို့ တစ်ယောက်ယောက်ကို မေးလိုက်ပါ နန်းညီ။

I to you, You to me - THE CLASSIC

-----------------------------------------

နောက်တစ်ခါ ထပ်နားဆင်ကြည့်စေချင်တာကတော့ နာမည်ကျော် My Sassy Girl ဇာတ်ကားထဲက သီချင်းပါ။ I Believe လို့ အမည်ရပါတယ်။ ဒီသီချင်းကတော့ အတော့ကို နာမည်ကြီးသွားတယ်။ ဂျပန်၊ တရုတ်၊ မလေး၊ ဗီယက်နမ်၊ ထိုင်း အားလုံး ပြန်ဆိုထားကြတယ်။

I Believe


xxxxxxxxxxxxxxxxxxxxxx

ဘောနပ်စ်အနေနဲ့ကတော့ ကျွန်တော် သဘောကျတဲ့ Pachebell ရဲ့ Canon သီချင်းကို My Sassy Girl နဲ့ The Classic နှစ်ကားစလုံးမှာ သုံးထားပေးတာပါပဲ။ အခုဗားရှင်းကတော့ My Sassy Girl ထဲက သုံးထားတဲ့ ဗားရှင်းပါ။ နာမည်ကျော် ဂန္တ၀င်တေးသွားဖြစ်တဲ့ Pachebell ရဲ့ Canon ကို အောက်မှာ နားဆင် ခံစားကြည့်ပါ။ (ကျွန်တော့်ရဲ့ အိပ်ရာဝင်တေးသွားလေး လို့လဲ ပြောလို့ရပါတယ်။)

Korean Movies OST ကြိုက်မိတဲ့ ဇာတ်ဝင် သီချင်းလေး

Je m'apelle Helene

၁၉၉၃ လောက်တုန်းက ထွက်ရှိခဲ့တဲ့ သီချင်း တစ်ပုဒ်ပါ။ 2000 ကျော်နှစ်များလောက်ဆီက ကြည့်ရတဲ့ ကိုရီးယား ဖြစ်တဲ့ Calla မှာ ဒီသီချင်းလေးကို ဇာတ်ဝင်ခန်းသီချင်း အနေနဲ့ အသုံးပြုရာက သတိထားမိတယ်။ အေးအေးလေးနဲ့ နားထောင်လို့ ကောင်းတဲ့ သီချင်းလေးပါပဲ။

ရုပ်ရှင်ကတော့ သမားရိုးကျ ဇာတ်ကားကနေ ခွဲထွက်တဲ့ ကားလေး တစ်ကားပေါ့။ ယုတ္တိလွန်ကား တစ်ကားပေါ့။ ပျိုပျိုမေတို့ အသဲစွဲ မေ့ရက်ဘူး ချစ်ဦးရယ် ဇာတ်လမ်းတွဲထဲက မင်းသား ဂျွန်စော ပါတဲ့ကား ဖြစ်ပါတယ်။ အခုကတော့ သီချင်းကိုပဲ ခံစားလိုက်ပါ။ စာသား နားမလည်ပေမယ့် သံစဉ်လေးကတော့ မဆိုးပါဘူး။

---------------------------------------------

"The One"

နောက်တစ်ပုဒ်ကတော့ ကိုရီးယားနဲ့ ဂျပန် သရုပ်ဆောင် နှစ်ဦး ပါဝင် ထားတဲ့ Friends ဇာတ်လမ်းတွဲထဲက သီချင်းလေးပါ။ "The One" လို့ အမည်ရပါတယ်။ ကိုရီးယားမင်းသား Won Bin (ထယ်စောက်)နဲ့ ဂျပန်မင်းသမီး Kyoko Fukada တို့ ပါဝင် သရုပ်ဆောင်ထားတဲ့ ကားလေးပါ။

ဇာတ်လမ်းလေးကတော့ ဟောင်ကောင်ကို အလည်ရောက်သွားတဲ့ ဂျပန်မလေးတစ်ယောက် သူ့ရဲ့ ပိုက်ဆံအိတ်တွေ အလစ်သုတ်ခံရတော့ ကိုရီးယားတိုးရစ်တစ်ယောက် ယူတယ် ထင်ပြီး စွပ်စွဲရာက စတဲ့ အချစ်ဇာတ်လမ်းလေးပါ။ လေးတွဲရှိပါတယ်။ ရန်ကုန်မှာ တော်တော် ခေတ်စားသွားသေးတယ်။ သီချင်းလေး ကြိုက်လို့ မျှလိုက်တာပါ။ အောက်မှာ နားဆင်ကြည့်ပါ။

FaceBook With Desired Username

ဒီကနေ့ ဒေသစံတော်ချိန် နေ့ခင်းပိုင်း ၁၂း၀၁ နာရီက စလို့ မျက်နှာစာအုပ် အကောင့်ရှိသူများ ကိုယ်ကြိုက်တဲ့ နစ်နိမ်းနဲ့ ပေးလို့ရပါပြီ။ အရင်ကတော့ ကိုယ် register လုပ်ထားတဲ့ ကိုယ့်ရဲ့ အင်ဖေါ်မေးရှင်း အစစ်အမှန်ထဲက နာမည်အရင်းနဲ့သာ display လုပ်နေရာက အခုတော့ နာမည်ပြောင်နဲ့ ပြောင်းခွင့်ပေးလိုက်ပါပြီ...။ နေ့ခင်းပိုင်း ၁၂ နာရီကျော်တာနဲ့ ပြောင်းလဲခွင့်ကို ပေးမှာ ဖြစ်ပါတယ်။

ဘာထူးလဲ ဆိုတော့ လောလောဆယ် ဘာမှ မထူးသေးဘူး။ http://www.facebook.com/username ဆိုပြီး username မှာ ကိုယ်ပေးထားတဲ့ နာမည်နဲ့ လင့်ခ်တစ်ခု ရလာမယ်။ အဲဒီလင်ခ့်ကို သယ်ရင်းတွေကို ပြလို့ရမယ်...။ ဒါပဲ လောလောဆယ် သိသေးတယ်။ ဆက်စမ်းလိုက်ဦးမယ်...။ ကိုယ်ရွေးထားတဲ့ နာမည်ကို confirm လုပ်ပြီးတာနဲ့ ထပ်ပြောင်းခွင့်မရတော့ဘူး။ မနှိပ်လိုက်တာ။ နာမည်ကလဲ အနည်းဆုံး Alphabet ငါးလုံးနဲ့ အထက်တဲ့။ Boyz လို့ယူတာ မရဘူး။ mr.boyz ဆိုတော့လဲ not available ဖြစ်သွားပြီ။ ဘာယူမယ် ထင်လဲ။

10 Cool Things About iPhone 3GS

ကျောက်ခေတ်မှာ ကျန်မနေခဲ့ဘူးဆိုရင်တော့ Apple က လတ်တလော ထုတ်ပြန်သွားတဲ့ iPhone နဲ့ပါတ်သက်တဲ့ ကြေငြာချက်ကို သိလောက်ရောပေါ့။ ဖုန်း အသစ်ပါ။ 3G အမျိုးအစား ဖုန်း ဖြစ်ပြီး ၂၀၀၈ ဇွန်လတုန်းက ထုတ်ခဲ့တဲ့ iPhone 3G နဲ့ ဘာကွာလာတာလဲ။ မော်ဒယ်နံပါတ်ကို ကြည့်လိုက်တာနဲ့ သိသာပါတယ်။ အဟောင်းက iPhone 3G ဖြစ်ပြီး အသစ်က iPhone 3GS ဖြစ်ပါတယ်။ S ပိုလာတာပါ။ S က ဘာ့ကြောင့် ပိုလာတာလဲ။ S ဆိုတာ Speed ကို ကိုယ်စားပြုပါသတဲ့။ အရင် မော်ဒယ်များထက် ပိုပြီး မြန်လာတဲ့ သဘောပေါ့ဗျာ...။

အိုင်ဖုန်း သမိုင်းကြောင်းကို နည်းနည်း ငဲ့စောင်းကြည့်လိုက်မယ်ဆိုရင် (ဒီနေရာမှာ မိတ်ဆွေရဲ့ လည်ပင်းကို ငဲ့စောင်းစရာ မလိုပါ။ ရိုးရိုး အနေအထားနဲ့ ဖတ်လို့ ရပါတယ်...။) စစထုတ်ခြင်းမှာ iPhone 2G ဆိုပြီး ထုတ်ခဲ့တယ်။ နောက်တစ်နှစ်ကြာတော့ iPhone 3G ဆိုပြီး ထပ်ထုတ်လာပြန်တယ်။ 4G, 8G, 16G စသဖြင့် ထုတ်လာတာပေါ့။ အိုင်ဖုန်း သရီးဂျီ ထုတ်တဲ့ နှစ်မှာ စမတ်ဖုန်း အများစုဟာ ဗွီဒီယို ရီကော့်ဒင်း၊ မာလ်တီမီဒီယာ မက်ဆေ့ခ်ျဂျင်း၊ ဖိုတိုရွှတ် ဖလက်ရှ် စတာတွေဟာ စမတ်ဖုန်းတစ်လုံးအတွက် မပါမဖြစ် ပါရမယ့် အချက်အလက် ဖြစ်ခဲ့ပေမယ့် အိုင်ဖုန်း သရီးဂျီမှာတော့ ပါမလာခဲ့ပါဘူး။ ဒီလို ပြစ်ချက်တွေကြောင့် အိုင်ဖုန်း အရောင်းထိုင်းမယ် မထင်ပါနဲ့။ Brand Crazy များဟာ အဆိုပါ အိုင်ဖုန်းရဖို့အတွက် ရောင်းချတဲ့ နေရာမှာ ၃ ရက်လောက် ကြိုပြီး တန်းစီနေကြပါတယ်တဲ့။ ဒါကတော့ အက်ပဲက မားကက်တင်း ကောင်းလို့ပေါ့။

နောက်တစ်ခု ဆိုးတာက bluetooth function ဟာ apple product တွေနဲ့သာ အလုပ်လုပ်ပြီး ကျန်သော တစ်ခြား third party တွေနဲ့ အဆင်မပြေပါဘူး။ ဒီအချက်ဟာ အတော်ကို ဆိုးဝါးပါတယ်။ သရီးဂျီ အိုင်ဖုန်း အမျိုးအစားကို ထုတ်ခဲ့တဲ့ နောက်ပိုင်းမှာလဲ သူ့ထဲမှာ ပါတဲ့ ဆော့ဝဲတွေဟာ တစ်ခြားကုမ္ပဏီ တွေရဲ့ မူပိုင်ခွင့်နဲ့ ငြိစွန်းတယ် အစရှိသဖြင့် တရားစွဲဆိုတာကို ခံနေခဲ့ရပါတယ်။ ခုလဲ ကြုံနေတုန်းပါပဲ။

ဒီလို အခက်အခဲတွေကြားကပဲ Apple ဟာ အခု နောက်ဆုံးမျိုးဆက်သစ် iPhone 3GS ကို ထုတ်လုပ်လိုက်ပါပြီ။ အခုပို့စ်မှာတော့ ဒီမော်ဒယ်မှာ ပါတဲ့ ထူးခြားချက်များကို တင်ပြသွားမှာ ဖြစ်ပါတယ်။

၁။ လုပ်ဆောင်ချက် ပိုမို မြန်ဆန်လာခြင်း။

ပိုမိုမြန်ဆန်တဲ့ ပရိုဆက်ဆာကို သုံးထားတယ်လို့ ဆိုပါတယ်။ မှတ်ညဏ်ပမာဏ ပိုများလာပါတယ်။ မော်ဒယ်ဟောင်းမှာတော့ သိသိသာသာ နှေးကွေးမှု မရှိပေမယ့် application များ ဖွင့်တာ ပိတ်တာမှာ နှေးကွေးလေးလံပါတယ်တဲ့။ ကြော်ငြာမှာ ပါတဲ့အတိုင်းသာဆို အခု မော်ဒယ်အသစ်ကတော့ တော်တော်မြန်ဆန်ပါတယ်။

၂။ မှတ်ညဏ်ပမာဏ ပိုမိုလာခြင်း။

Apple ကနေပြီးတော့ iPhone 3GS ကို နှစ်မျိုးနှစ်စား ထုတ်လုပ် ရောင်းချပါလိမ့်မယ်။ 16GB နဲ့ 32GB ပါ။ မူလလက်ဟောင်း အိုင်ဖုန်းများကတော့ 4GB, 8GB နဲ့ 16GB အသီးသီး သိုလှောင်မှု ပမာဏတွေနဲ့ ထုတ်လုပ်ခဲ့ပါတယ်။

၃။ ဗွီဒီယို ရိုက်ကူးနိုင်သော လုပ်ဆောင်ချက် ပါဝင်လာခြင်း။

အခုနောက်ပိုင်း စမတ်ဖုန်းအများစုမှာ မပါမဖြစ် ပါရမယ့် အချက် ဖြစ်ပါတယ်။ မူလလက်ဟောင်း အိုင်ဖုန်းမှာ မပါပဲ အခု အသစ်မှာသာ ထည့်သွင်းလာတာ ဖြစ်ပါတယ်။

၎။ အရည်အသွေး ပိုမိုကောင်းမွန်သော ကင်မရာ။

3-megapixel camera ကို autofocus ပါပါတယ်။ အဟောင်းတုန်းကတော့ 2-megapixel, non-autofocus camera အမျိုးအစားကနေ ပုံဖေါ်စွမ်းရည် တိုးပြီး အော်တို ဖိုးကပ်စ် ဖန်ရှင် ထည့်ပေးလိုက်တာပါ။ ပြောစရာ တစ်ခုကတော့ ဖလက်ရှ် မပါသေးပါဘူး။ ဒါပေမဲ့ Display မှာ ကိုယ်လိုချင်တဲ့ နေရာကို tap လုပ်လိုက်ရင် အဲဒီနေရာကို အလိုအလျောက် အော်တိုဖိုးကပ်စ် ဖြတ်ပေးတဲ့ ဖန်ရှင် ပါလာပါတယ်။

၅။ အသံနှင့် အမိန့်ပေး ခိုင်းစေခြင်း။
Apple က Voice Control လို့ခေါ်တဲ့ voice recognition feature တစ်ခုကို ဒီဖုန်း အသစ်မှာ မိတ်ဆက် ပေးထားပါတယ်။ ဖုန်းများ ခေါ်ဆိုမှုနဲ့ သီချင်း ရွေးချယ် ဖွင့်လှစ်မှုကို အသံနဲ့ အမိန့်ပေး ခိုင်းစေနိုင်ပါတယ်။ ယင်းအပြင် Voice Control ဟာ မိမိတို့ သွင်းထားတဲ့ contacts list ထဲက entry များကို ရှာဖွေပေးနိုင်ပါတယ်။ အသုံးပြုသူအနေနဲ့ မိမိခေါ်ဆိုလိုသူ နာမည် ဒါမှမဟုတ် ဖုန်းနံပါတ်ကို ရွတ်ပြလိုက်ရုံနဲ့ ဖုန်းက အလိုအလျောက်သဘောပေါက် နားလည်ပြီး ခေါ်ဆိုခြင်း အမှုကို ပြုလုပ်ပေးပါလိမ့်မယ်။ Music ကဏ္ဍမှာ ဘယ်သီချင်းကို ဖွင့်နေတာလဲ ဆိုတာကို မေးမြန်းနိုင်ပြီး စက်က အလိုအလျောက် တေးဆို၊ သီချင်းနာမည် စတာတွေကို အလိုအလျောက် ပြန်လည်ဖြေကြားပေးပါလိမ့်မယ်။ ကိုယ့်အကြိုက် သီချင်းများ၊ စုစည်းထားတဲ့ အကြိုက်များကို ဖွင့်ခိုင်းခြင်း စတာတွေကို အသံနဲ့ ခိုင်းစေ အမိန့်ပေးနိုင်ပါတယ်။

၆။ လမ်းညွှန် အိမ်မြောင်။
Built-in digital compass တစ်ခု ပါပါတယ်။ ဒီမော်ဒယ်မှာပါတဲ့ feature အသစ်ပါ။ လူတိုင်း အသုံးမပြု ပေမယ့် Google Maps နဲ့ တွဲဖက် အသုံးပြုမယ်ဆိုရင်တော့ Maps ဟာ အမြဲတမ်းလိုလို မြောက်ဘက်ကို လှည့်နေမှာ မဟုတ်ပဲ ကိုယ်မျက်နှာမူရာဘက်ကို ညွှန်ပြနေမယ့် ကြည့်ရလွယ်ကူမယ့် မြေပုံ အဖြစ်သို့ ပြောင်းလဲ ပေးနိုင်မှာပါ။

၇။ Internet tethering
ဒီလုပ်ဆောင်ချက်ကတော့ ဖုန်းကို မိုဒမ်လို အသုံးပြုနိုင်တာပါပဲ။ ကွန်ပြူတာကို အင်တာနက်နဲ့ ချိတ်ဆက်အသုံးပြုချင်ရင် ကြားခံ မိုဒမ် ဆိုတာ လိုပါတယ်။ အခု ထုတ်လုပ်လိုက်တဲ့ iPhone 3GS ဟာ မိုဒမ် တစ်လုံးကဲ့သို့ ပြုမူ ဆောင်ရွက်နိုင်ပါတယ်။ Mac သို့မဟုတ် PC ကို USB or Bluetooth ကနေတစ်ဆင့် ချိတ်ဆက်နိုင်ကာ အင်တာနက်နဲ့ ချိတ်ဆက်ပေးနိုင်ပါတယ်။ အမေရိကားကို အိုင်ဖုန်းကို တစ်ဦးတည်း ဖြန့်ချိခွင့်ရထားတဲ့ AT&T ဖုန်းကုမ္ပဏီကတော့ ဒီ featureကို support မလုပ်သေးပေမယ့် သြစတေးလျက Optus ကတော့ ဒီဝန်ဆောင်မှုကို ပေးနိုင်မယ်လို့ ကြေငြာထားပါတယ်။ Telstra နဲ့ Vodafone ကတော့ ကြေငြာချက်များ ထုတ်ပြန်ခြင်း မပြုသေးပါဘူး။

၈။ တစ်ခြားသော လုပ်ဆောင်ချက်များ။
မသန်မစွမ်းသူများ ပါ အသုံးပြုနိုင်အောင် တစ်ခြားသော လုပ်ဆောင်ချက်များကိုလဲ ထည့်သွင်းလာပါတယ်။ VoiceOver function ဖြစ်ပါတယ်။ အသံထွက် ဖတ်ပေးပါတယ်။ Zoom function ကတော့ ငါးဆ အထိ ချဲ့ပေးနိုင်ပါတယ်။ မျက်စိ အမြင်အာရုံ မှုန်ဝါးသူများအတွက် အဆင်ပြေပါတယ်။

၉။ Nike+ iPod integration
အရင်တုန်းကတော့ အချို့သော iPod nano models မှာသာ အသုံးပြနိုင်တဲ့ လုပ်ဆောင်ချက်ပါ။ အခုတော့ ဒီဖုန်းထဲမှာပါ ထည့်သွင်းလာပါပြီ။ ဒီလုပ်ဆောင်ချက်ကတော့ fitness system တစ်ခု ဖြစ်ပြီး Nike shoe နဲ့ iPod နဲ့ အလိုအလျောက် ဆက်သွယ်ချိတ်ဆက်မှုကို ပြုလုပ်ပေးနိုင်ပါတယ်။ iPhone 3G S နဲ့ Nike ဖိနပ်တို့ ချိတ်ဆက်မှုတွေ ပြုလုပ်ပြီး real time walking နဲ့ running statistics တို့ကို ပြသနိုင်မှာ ဖြစ်ပါတယ်။

၁၀။ New headphones
iPhone 3G S မှာ Apple's remote headphones ပါလာပါမယ်။ Multi-button remote and volume control keys၊ voice calls ခေါ်ဆိုမှု ပြုလုပ်နိုင်တဲ့ microphone တို့လဲ ပါလာပါလိမ့်မယ်။

(အသစ်ထပ်တိုးတဲ့ လုပ်ဆောင်ချက်များကိုတော့ အပေါ်က ဗွီဒီယိုမှာ ကြည့်လိုက်ပါ။)