Saturday, November 15, 2008

Monkey and Mango : BamBuser

မျောက် အုန်းသီးရတာ မဟုတ်ပါဘူးတဲ့...။ မျောက် သရက်သီးရတာပါတဲ့...။ ဘာလို့လဲ ဆိုတော့ မျောက်သာ အုန်းသီး ရခဲ့ရင် ဘယ်လို ခွဲရမှာ မသိတာနဲ့ မစားလိုက်ရပဲ သရက်သီး ကျတော့ စားလို့ရလို့ပါတဲ့...။ ပြီးခဲ့တဲ့ တစ်ရက် နှစ်ရက်ဆီက အလုပ်မှာ ပျင်းပျင်းရှိတာနဲ့ ကိုယ့်စမတ်ဖုန်းလေးနဲ့ ကိုက်ညီမယ့် အပ်ပလီကေးရှင်း အသစ်များ ထပ်ထုတ်တာပါလိမ့် ဆိုပြီး အွန်လိုင်းပေါ် မွှေကြည့်ပါတယ်...။ ကိုယ့်ဖုန်းက စမတ်ဖုန်း ဆိုတော့ စွယ်စုံ ရတယ်လေ။ ရိုးရိုး စကားပြောနိုင်ရုံသက်သက် ဖုန်း ဆိုတာထက်ကို ကျော်လွန်ပြီးတော့ pocket PC သဖွယ် လုပ်လို့ရနိုင်တဲ့ စမတ်ဖုန်းပေါ့။
(ကြွားလိုက်ရတာ အရသာရှိပါ့...။)
:egdance:

အခု ဖုန်းက ပီစီအသေးစားလေး တစ်ခုလိုပါပဲ။ လိုအပ်တဲ့ ဆော့ဖ်ဝဲလေး ထည့်ပေးလိုက်တာနဲ့ မဆိုင်းမတွ ဆောင်ရွက်ပေးပါတယ်။ ဒီဖုန်း အကြောင်းကိုတော့ ဒီမှာ နဲ့ ဒီမှာ အနည်းအကျဉ်း ရှင်းပြဖူးပါတယ်။ သူ့ဆီမှာ သုံးတဲ့ OS က ကွန်ပြူတာမှာ သုံးတဲ့ Windows တော့ မဟုတ်ဘူးပေါ့။ (ဖုန်းအတွက် သုံးတဲ့ ၀င်းဒိုးကိုတော့ Window Mobile 3,4,5,6, 6.1 Windows CE စသဖြင့် သတ်သတ် ထုတ်လုပ်ထားပါတယ်။ ) ကျွန်တော်သုံးတဲ့ ဖုန်းက ဆိုနီအဲရစ်ဆန် ဖုန်းပါ။ OS ကတော့ Symbian OS 9.1 ဖြစ်ပြီး UI ဆိုတဲ့ User Interface ကိုတော့ oped source ဖြစ်တဲ့ UIQ 3.0 ကို သုံးထားပါတယ်။ OS က Symbian S60 ကို သုံးတဲ့ နိုကီယာဖုန်းများနဲ့ မတူပါဘူး။ UIQ နည်းပညာကို သုံးထားတဲ့အတွက် User Interface ဟာ ညက်ပါတယ်။ အနုစိတ်ပါတယ်။ ကွန့်လို့ ရတယ်။

ဆိုတော့ သူ့အိုအက်စ်နဲ့ ကိုက်ညီတဲ့ ဆော့ဖ်ဝဲဗားရှင်းများကို သုံးမှသာ သက်ဆိုင်ရာ ဖုန်းပေါ်မှာ အလုပ်လုပ်နိုင်မှာ ဖြစ်ပါတယ်...။ (တစ်ချို့သော အက်ပဲလ် မက်ဆော့ဝဲများ မိုက်ခရိုဆော့ဖ် ၀င်းဒိုးမှာ သုံးမရသလိုပေါ့ဗျာ...။ ) အခုလဲ ကျွန်တော့် ဖုန်းနဲ့ ကိုက်ညီတဲ့ ဆော့ဖ်ဝဲများကို အွန်လိုင်းပေါ်မှာ လိုက်ရှာရင်းနဲ့ အသုံးလဲတည့်၊ အလကား လဲရတဲ့ ဟာလေးတွေကို စမ်းသုံးကြည့်မိပါတယ်...

နောက်ဆုံး တွေ့မိတဲ့ ဆော့ဖ်ဝဲကတော့ Bambuser လို့ခေါ်တဲ့ ဆော့ဖ်ဝဲပါ။ သူက မိမိဖုန်းမှာ ပါတဲ့ ဗွီဒီယို ရီကော့်ဒ်ဒင်း ဖန်ရှင်ကို အသုံးချပြီးတော့ မိမိဘလော့ဂ်၊ ၀က်ဆိုဒ်ပေါ်မှာ ဗွီဒီယိုတွေကို တိုက်ရိုက် လွင့်ပြနိုင်ပါတယ်။ Company တွေကတော့ မိမိတိုရဲ့ Website တွေမှာ company အကြောင်းကို တိုက်ရိုက် လွင့်ချင်တာပဲ ဖြစ်ဖြစ်၊ ပြပွဲတစ်ခုခုမှာ မိမိတို့ ထုတ်ကုန်တွေကို ပြသတာကို ကမ္ဘာအနှံ့က လူတွေ တိုက်ရိုက် ကြည့်ရှုနိုင်အောင် ထုတ်လွင့်ပြသချင်တာပဲ ဖြစ်ဖြစ် ဒီဆော့ဖ်ဝဲလေးကို အသုံးချရုံပါပဲ...။ ဘလော့ဂ်ပေါ်မှာတော့ မိမိတို့ရဲ့ ရောင်းရင်း၊ အပေါင်းအသင်း မိတ်ဆွေများကို မိမိတို့ရဲ့ happy moment ကို တိုက်ရိုက်ပြချင်တာ၊ ခရီးထွက်လို့ရှိရင် ရောက်တဲ့နေရာကနေ တိုက်ရိုက် ရိုက်ကူးပြီး မိမိတို့ ဘလော့ဂ်ပေါ်မှာ အချိန်မဆိုင်းပဲ လွင့်ပေးနိုင်ပါတယ်။ (ကြွားချင်တာကို တိုက်ရိက် ကြွားနိုင်အောင်ပေါ့လေ။)
:LoL:

ဒီဝက်ဘ်ဆိုဒ်မှာ ရီဂျစ်စတာ လုပ်လိုက်ပါ။ ကိုယ့်ဖုန်းနဲ့ ကိုက်ညီမဲ့ ဆော့ဖ်ဝဲကို ဒေါင်းလုဒ်လုပ်ပါ။ ဖုန်းထဲကို အင်စတော လုပ်ပါ။ (၀က်ဘ်ကင်မ်သုံးပြီး ရိုက်ချင်သူများ အတွက်လဲ ၀က်ဘ်ကင်မ် ဆော့ဖ်ဝဲ ရှိပါတယ်။) ရီဂျစ်စတာ လုပ်ပြီးချိန်မှာ မိမိဘလော့ဂ်ပေါ် တင်ဖို့အတွက် လိုအပ်တဲ့ HTML စာသားတွေကို တစ်ခါတည်း ထုတ်ပေးပါတယ်။ ကော်ပီကူးပြီး မိမိတို့ ဘလော့်မှာ တင်လိုက်တာနဲ့ ကိုယ့်အကောင့်အတွက် သတ်သတ် assign လုပ်ပေးထားတဲ့ ဗွီဒီယို ပလေယာတစ်ခုကို ရရှိမှာ ဖြစ်ပါတယ်။ တစ်ခုကောင်းတာက မိမိတို့ ရိုက်ကူးလိုက်တဲ့ ဗွီဒီယို ဖိုင်တွေကို သူ့ဆာဗာပေါ်မှာပဲ တစ်ခါတည်း တင်နိုင်တဲ့ အချက်ဖြစ်ပါတ်။ တစ်ခြားသော application များလို့ သတ်သတ် ဆာဗာပေါ်မှာ တင်စရာ မလိုပါဘူး။ မိမိတင်ထားတဲ့ ဖိုင်တွေကို လိုအပ်သလို ပြင်ဆင်၊ တည်းဖြတ်၊ ဖြတ်တောက်နိုင်ပါတယ်။

ရိုက်ကူးဖို့ စတင်တော့မယ်ဆိုရင် မိမိရဲ့ ဖုန်း၊ ရိုက်ကူးမယ့် ကင်မရာ၊ ၀က်ဘ်က်မ်ဟာ အင်တာနက်နဲ့ ဆက်သွယ်နေဖို့ လိုပါလိမ့်မယ်။ ကျွန်တော်ကတော့ ကျွန်တော့်ဖုန်းမှာ အိမ်က ၀ါယာလက်စ်ကို ၀ိုင်ဖိုင် နဲ့ အရင် ချိတ်ပါတယ်။ ပြီးမှ application ကို run ပါတယ်။ setting ကို အော်တို ကော်နက် ဆိုပြီး ရွေးထားတော့ application ကို run တာနဲ့ သူက အင်တာနက် ကော်နက်ရှင်ကို တန်းချိတ်ပြီး ရိုက်ကူးမှုကို စတင်ကာ မိမိတို့ရဲ့ ဗွီဒီယို ပလေယာ အကောင့်ထဲကို တိုက်ရိုက် လှမ်းပို့ပါတယ်။ တစ်ချိန်တည်းမှာပဲ တစ်ဘက်က ကြည့်ရှုသူတွေကလဲ Video streaming လုပ်ပြီး ကြည့်နိုင်ပါတယ်။ တိုက်ရိုက်လွင့်နေချိန်မှာ မကြည့်လိုက်ရလဲ လွင့်ပြီးသား ဖိုင်တွေကို ပြန်လည် ကြည့်ရှုနိုင်အောင် လုပ်ပေးထားပါတယ်...။ တိုက်ရိုက်လွင့်နေချိန်မှာ သတိထားမိအောင် live ဆိုတဲ့ တိုင်တယ် တပ်ပေးပါတယ်။ offline ဖြစ်နေရင် “Boyz (အကောင့် ပိုင်ရှင်ပေါ့ဗျာ) is not broadcasting right now” ဆိုပြီး စာတမ်း ထိုးထားပေးပါတယ်။ ဒါဆိုရင် သူနောက်ဆုံးလွင့်ခဲ့တဲ့ဖိုင်ကို မြားကလေး ပုံစံဖြစ်နေတဲ့ ပလေး ခလုတ်ကို နှိပ်ပြီး ကြည့်နိုင်သလို ဒီမတိုင်ခင်တုန်းက လွင့်ခဲ့တဲ့ ဗွီဒီယိုဖိုင်များကို စတုရန်း အကွက်လေးတွေ တန်းစီနေတဲ့ ခလုတ်ကို နှိပ်ခြင်းအားဖြင့်လဲ တစ်ဖိုင်ချင်း ကြည့်နိုင်ပါတယ်။

အားနည်းချက်ကတော့ အင်တာနက် ကော်နက်ရှင် ရှိမှပဲ မိမိတို့ ရိုက်ကူးမှုကို ဆာဗာပေါ် လှမ်းချိတ်လို့ရတဲ့ အချက်ပါ။ ခရီးသွားနေသူများကတော့ ကြွားချင်ကြတယ်ဆိုရင် Data Plan Flat rate မယူထားရင်တော့ တေဘီဆြာပဲ...။
:suicide:
ဗွီဒီယိုဖိုင်များက ဒေတာတွေ တော်တော်များကို အသုံးပြုတာကိုး...။
:oops2:

Screenshot နဲ့ ရှင်းပြပေးချင်သော်ငြား စိတ်ဝင်စားသူ မရှိတာကတစ်ကြောင်း၊ ပျင်းနေတာက တစ်ကြောင်း ကြောင့်ရယ်ကြောင့် မတင်ဖြစ်တော့ပါ။ မေးမြန်း စုံစမ်းမှုများ ပြုသပ ဆိုရင်တော့ ကော်မန့်ဖြစ်ဖြစ်၊ စီပုံးထဲမှာ ဖြစ်ဖြစ် မက်ဆေ့ခ်ျများ ထားပေးပါ။ စိတ်အခန့်သင့်ရင်၊ ရွှီးတတ်တဲ့အချက်တွေဆိုရင် ခရီးသွားဟန်လွဲ၊ လမ်းကြုံ ၀င်ဖြေပေးပါမယ်။ ဖြေမထားဘူးဆိုရင်တော့ မသိလို့ပဲ ဖြစ်ဖြစ်၊ မအားလို့ပဲ ဖြစ်ဖြစ်၊ မတွေ့မိလို့ပဲ ဖြစ်ဖြစ်၊ မဖြေချင်တာပဲ ဖြစ်ဖြစ် အဲဒီ တစ်ဖြစ်ဖြစ်တွေထဲက တစ်ဖြစ်ဖြစ်ကြောင့် ဖြစ်လိမ့်မယ်လို့ ဖြစ်လိုက်ကြပါ အဲ. အဲ ဖြည့်တွေးလိုက်ကြပါ။ လိုက်ဖတ်ပေးတဲ့အတွက် ကျေးဇူးပါဗျား။
:thanks:

နောက်များမှာ အခုဖုန်းထဲမှာ လက်ရှိသုံးနေတဲ့ Third Party အလားရတဲ့ ဆော့ဖ်ဝဲများ အကြောင်းကို တစ်ခုချင်း လာရှင်းပြပါ့မယ်...။ (Note that "No Time Limit")


(အခုတစ်လော အတည်အတံ့တွေ ရေးမရ ဖြစ်နေပါတယ်။ လက်က ပျက်နေပြီလား မသိ... ဟိ..ပြောင်ချော်ချော် ဖြစ်နေပါတယ်...။)
:partyman:
မောတာ...။
:ashamed:

ရေး.... :dance:တစ်ပုဒ်ပြီးသွားပြီ...။ လေးငါးရက်လောက်တော့ အေးဆေး နားလို့ရပြီ...။ :excited:
:backtotopic:

13 comments:

  1. Congratulations (မနာလိုဖြစ်စွာ ဖြင့်ြေ့ပာသွားသည်)

    ReplyDelete
  2. လုပ်ချင်ရင်ပြောပါ...။ အခမဲ့လုပ်ပေးပါမည်...။ ပိုက်ပိုက်ကုန်မည့် အလုပ်ဖြစ်သည်။ (အရင်ဖလင်ခေတ်တုန်းကတော့ ကြည့်လို့မရတဲ့သူ၊ အမြင်ကတ်တဲ့သူတွေ၊ ယောက်ဖတွေကို ကင်မရာ ၀ယ်ပေးတယ်ဆိုလား...။) ဟီးဟီး

    ReplyDelete
  3. မျောက် ငှက်ပျောသီးရသော်ပိုမကောင်းလော..
    မသိတာတွေသိလို့ကျေးဇူးတင်ပါသည်။
    သို့သော်..Bambuser ဆော့ဖ်ဝဲ အကြောင်းစာပိုဒ်မှာ လဘော့ဂ်ဟူသောစကားလုံးတွေ့ရသဖြင့် ခေါင်းစားသွားပါသည်။
    " လဘော့ဂ်ပေါ်မှာတော့ မိမိတို့ရဲ့ ရောင်းရင်း၊ အပေါင်းအသင်း " စသဖြင့်.......
    မိမိမှာ ပညာရှိဖြစ်သဖြင့် ဘလော့ဂ်ဟု ရေးရာမှ ဘ နဲ့ လ ပြောင်းပြန် type
    မိတယ်ဟု ခန့်မှန်းပါသည်။
    ဟီဟီဟိ....ပျော်တာ......

    ReplyDelete
  4. ပြန်ပြင်လိုက်ပါမယ်...။
    တစ်ချို့တွေက အကြောင်းရပ်ကိုသာ စိတ်ဝင်စားတတ်ပြီး စာလုံးပေါင်း၊ သတ်ပုံကို သိပ်ပြီး ဂရုမစိုက်တတ်ပဲ ဖတ်နိုင်/တတ်လို့ပါ...။ ဥပမာ - အမ်းမား...။

    ReplyDelete
  5. သူတို့များကျ တော်...တာ။
    hmmm......

    ReplyDelete
  6. ကိုဘွိုင်းဇ်...မြန်မာစာကမောက်ကမဖြစ်နေတယ်..
    ကျနော့ဖက်က တစ်ခုခုလိုအပ်လို့များလားး..
    ပြောပြပါ...
    မချိုသင်းညွှန်းလိုက်တာပါ
    မမကေအိုအမ်ကလိပ်စာပေးပါတယ်..

    ReplyDelete
  7. မိုးချိုသင်း - တော်တာ မဟုတ်ပါ...။ သူများ အသင့် ခူးပြီသားကို ပါးစပ်ထဲ ၀ါးမခွံ့ရုံတစ်မယ် သုံးတတ်တဲ့သူပါ...။ တစ်ခုခုကို သေချာလေး ဖတ်လိုကရင် အဆင်ပြေသွားမှာပါ။ မမိုးချိုသင်းက concentration သာ မထားတာ...။ သေချာလေး concentration ထားလိုက်ရင် ပေါက်မယ့် အနေအထားပါ။ (ထီး မဟုတ် ဟီး...။) You juz need to put a little effort and concentration. ခုတောင် ကားမောင်းတာ အဆင်ပြေနေပြီ မဟုတ်လားဗျာ...။ တစ်ပြည်သူ အစ်မ ညီမများကို အနှောင့်အယှက် ပေးစရာ မလိုပဲ ကျွမ်းကျွမ်းကျင်ကျင်ကို မောင်းတတ်နေပြီ မဟုတ်လား...။

    ကိုပေါက် - ကျွန်တော်က ဇော်ဂျီခေတ်ဦးက ဖွန့်တွေပါ ထည့်ထားတော့ (Zawgyi Adobe font) ကမောက်ကမ ဖြစ်သွားတာ နေမှာ...။ နောက်များကို ဆင်ခြင်ပါ့မယ်...။ အဲဒီ ဖွန့်ကို ဖြုတ်ချလိုက်ရင် ဖွန့်အဟောင်းသုံးတဲ့သူတွေက ကျွန်တော့်ပို့စ်တွေကို ဖတ်လို့ မရတော့ဘူးဗျ...။ If possible , install the old font of zawgyi in yr system, then u can read all post in my blog. Btw, Thnx to visiting my blog.

    ReplyDelete
  8. live ပြရင်လာကြည့်ဦးမယ်

    ReplyDelete
  9. ဟုတ်...။ လိုက်ဖ်ပြတာကတော့ ခုနက ဗွီဗို စီးတီးရောက်တုန်း ရိုက်ထားတာတွေ လွင့်ပြလိုက်သေးတယ်...။ (ေ-ာက်ကျိုးနည်း ကုန်လိုက်မဲ့ ဒေတာယူ့ဆေ့ခ်ျ) ကြည့်ဖြစ်ကြသလားတော့ မသိဘူးရယ်....။
    အချိန်မှီ အကြောင်းမကြားလိုက်မိဘူး...။ စတားဟပ်ကနေ မိုဘိုင်းနဲ့ ဘလော့ဂ်ဝင်တာ အဆင်မပြေဘူးရယ်....။

    ReplyDelete
  10. This comment has been removed by the author.

    ReplyDelete
  11. Live ကိုနောက်ကျစွာ ကြည့်သွားပါသည်။ မှောင်ကြီးမဲကြီးတွင် အားစိုက်ရွေ့ကြည့်ရာ အရက်ပုလင်း ဟု ထင်ရဟန်တူသော (အသံနောက်ခံမှ အရက်ပုလင်းဖြစ်ကြောင်း သတင်းရရှိသည်။ ) and then မော်တော်ကားလမ်းမ။ မီးလုံးတလုံး ။မော်တော်ကားအချိူ့ ။ ဟု ဆုံးဖြတ်နိုင်သော အရိပ် အချိူ့ကို မြင်ရသည်။

    မိတ်ဆွေရင်း စေတနာနှင့် ဖျစ်တောက် ဖျစိတောက် ပြော ရသော် အသင်သည် သေရက် များသောက် သုံးခြင်းကို လျှော့ရန်.။ ယခုပင် အရက်သမားဟု နာမည် ပျက်နေသည် က တ ကြောင်း။ စည်းမရှိ ကမ်းမရှိ နေထိုင် စားသောက်ခြင်းကိုလည်း ဘလော့ဖတ်ရာ မှ ထောက်လှမ်း ရရှိရွေ ရုံ မျှ မက ပတ်ဝန်းကျင် ၏ ထောက်ခံချက် ကလည်း ပံ့ပိုးထားရာ သင့်ရှေ့ရေးမှာ စိတ် မအေးဘွယ်ရာ ဖြစ်ပေတော့သည်။

    ယခု တဖန် ဖိုရမ် များတွင်လည်း ဝေဖန် လေကန်။ ဘလော့ရေးရုံမျံမက ဘလော့တွင် Live ပြခြင်းကိုလည်း ပိုက်ပိုက်ကို ရေသဘွယ် သင် သုံးနေသည်မှာ လကုန် တွင် တယ်လီဖုံးဘီလ် မြင်ပြီးသကာလ မေ့လဲ သွားလျှင် နှာနျပ် ရန် မလို။ သင့်ထိုက်နှင့်သင့်ကံသာ.....ရှိပေတော့ သတည်း။

    ReplyDelete
  12. ကျေးဇူး တင်ပါသည်...။
    အရှည်ကြီး ပြန်ပေးတာ ကော်နက်ရှင် ပြုတ်ကျသွားတော့ ပလုံသွားပြီ...။
    ပြောချင်တာကတော့ ကျေးဇူးတင်ပါတယ် ဆိုတာပါ...။
    ဟင့်

    ReplyDelete
  13. ဘွိုက် အဲလို တိုက်ရိုက်လွှင့်လို့ရတာ နောက်တနေရာ ရှိသေးတယ်ကွ..
    qik.com မှာ သွားကြည့်လိုက်ပါဦး..

    ReplyDelete