ပြဿဒါးနဲ့ ရက်ရာဇာ
ဘယ်မဟော်ပညာ ကဝိမဟာတွေက
သတ်မှတ်ခဲ့တာလဲ။
ခေါင်းဆေး၊ ကင်ပွန်း
လျှော်လိုက်စမ်းဟဲ့ ဟိုအရပ်က ဟိုအပင်အောက်မှာ
ဒီလထဲ အနောက်အရပ်ကို မသွားနဲ့
အလှူကို နောက်လထဲမှ လုပ်မယ်။
အင်း
လောလောဆယ်တော့
ဘီဒုက်ဘက်ကို နဂါးခေါင်းလှည့်နေတယ်။
Friday, December 17, 2010
Mercury Day
ရေးသားသူ
Ko Boyz
at
3:21 PM
4
ယောက်က ရေးချင်တာတွေ ရေးခဲ့တယ်...။
Labels: Emotions
Tuesday, December 14, 2010
Happy Birthday

ချစ်ဖွယ်သော ပီယဝါစာ စကား* ကို ဆိုတတ်သော
ပျိုမျစ်နုနယ်သော အဆင်း ကို ပိုင်ဆိုင်သော
လှပသေသပ်သော နှုတ်ခမ်း ပိုင်ရှင်
ရှုမငြီးသော ရုပ်သွင် ကို ပိုင်သသူ
ယနေ့သည်ကား အသင့်၏ မွေးနေ့ဖြစ်ပေသည်။
ပျော်ရွှင်ဖွယ်ကောင်းသော မွေးနေ့ ဖြစ်ပါစေသတည်း။
Terms & Conditions.
*ကိုကို့ကို မီးမီး တစ်အားချစ်တာပဲ ။
You Belong To The Zoo!
You Are Monkey and Donkey!
Happy Birthday To You.
ရေးသားသူ
Ko Boyz
at
10:28 AM
7
ယောက်က ရေးချင်တာတွေ ရေးခဲ့တယ်...။
Saturday, October 23, 2010
ဘိလပ်မြေ
“ဘော်...............”
ညနေ နေဝင်ချိန် ခြေခင်းသာချိန်လောက်ဆို ဒီလို သဘောင်္ ဥသြဆွဲသံကြားရင် ကိုဘမောင်တို့ ရွာသားတွေ ပျော်ကြတယ်။
ပျော်ကြမှာပေါ့။ အစိုးရ ဘိလပ်မြေတွေ တင်လာတဲ့ သဘောင်္က သူတို့ရွာနားက သိုလှောင်ရုံမှာ ဘိလပ်မြေအိတ်တွေ လာချတော့မှာလေ။
ဘိလပ်မြေအိတ်နဲ့ ရွာသားတွေနဲ့ ဘာဆိုင်လဲ ဆိုတာတော့ မမေးပါနဲ့...။
သဘောင်္ဝမ်းဗိုက်ထဲက ဘိလပ်မြေတွေကို ကုန်းပေါ်ထမ်းသယ်ဖို့ လူလိုတော့မယ်။
ကူလီလုပ်ချင်တဲ့ ရွာသားတွေလဲ အများသား...။
နောက် ကုန်တင်ကုန်ချ လုပ်နေချိန်မှာ ရွာထွက် မုန့်လေး အစားအသောက်လေးလဲ ရောင်းလို့ရတယ်။
သဘောင်္က လူတွေ ကို ရောင်းတာ မဟုတ်ဘူး။
သဘောင်္ဆိုက်ချိန်ကို လာစောင့်နေတဲ့ ရွာနီးချုပ်စပ်က လူတွေ စားဖို့ သောက်ဖို့...။
ဘာလို့ သဘောင်္လာချိန်ကို လာစောင့်ကြလဲ ဆိုတော့ အဖြေရှိတယ်။
သဘောင်္ဝမ်းဗိုက်ထဲက ဘိလပ်မြေအိတ်တွေဟာ တစ်ခါတစ်လေ အထားအသို မမှန်ရင် အိတ်တွေ ပေါက်ပြဲပြီး ပျက်စီး ထွက်ကျကုန်တယ်။ အဲဒါဆို အပျက်အစီးစာရင်းထဲ ထည့်လိုက်ရတယ်။
ဘိလပ်မြေအိတ်တွေကို ကမ်းပေါ်သယ်ပြီးသွာရင် ဝန်ထမ်းတွေက အမှုန်အမွှားတွေကို ပြန်လှဲကျင်းနေရတာကိုက အလုပ်တစ်လုပ်။
အဲဒီတော့ ကူလီ လာလုပ်တဲ့ ရွာသားတွေက သူတို့ မိသားစု မိန်းမ၊ ကလေးတွေ ခေါ်လာပြီး အခပေး သန့်ရှင်းရေး လုပ်ကြတယ်။ အဲဒီမှာ မိန်းမတွေက ဘိလပ်မြေမှုန့်တွေ မြင်တော့ သူတို့အိတ်လေးတွေနဲ့ မလှည်းပဲ သပ်သပ်ဖယ်ထားတဲ့ ဘိလပ်မြေမှုန့်တွေကို ပြန်တဲ့အခါ သယ်သယ်သွားကြတယ်။
ဝန်ထမ်းတွေကလဲ အမှိုက်တွေဆိုတော့ ဘာမှ မပြောကြဘူး။
အဲဒီဘိလပ်မြေမှုန့်တွေက မြေမှုန့်ဘာညာရောလို့ မသန့်ပေမယ့် ရွာထဲက ကုန်စုံဆိုင် သူဌေးက အတီးက လက်ခံ ဝယ်တယ်။
ပြီးတော့ အစစ်တွေထဲ သက်သာတဲ့ နှုန်းနဲ့ ပြန်ရောင်းတယ်။
နောက်ပိုင်း အဲလို လုပ်နိုင်တာလဲ သိတော့ ရွာသားတွေက ဝန်ထမ်းတွေကို အခမဲ့ သန့်ရှင်းရေး လုပ်ပေးမယ်။ ဝမ်းဗိုက်ပေါ် ကျန်နေခဲ့တဲ့ ဘိလပ်မြေအမှုန့်တွေသာ ပေးပါ လို့ တောင်းဆိုတော့ ဝန်ထမ်းတွေက တစ်ချက်ခုတ် နှစ်ချက်ပြတ်လို့ သဘောကျတာနဲ့ ခွင့်ပြုလိုက်တယ်။ ခါတိုင်း သန့်ရှင်းရေးလုပ်လို့ ပေးရတဲ့ အဖိုးအခကို အိတ်ထဲ ထည့်ရတယ်လေ။ နောက် သဘောင်္လဲ သန့်ရှင်းရေး လုပ်ပြီးသား ဆိုတော့ သူတို့အတွက် ရှဥ့်လဲ လျှောက်သာ ပျားလဲ စွဲသာ ဖြစ်သွားတာပေါ့။
အဲဒီတော့ နောက်ပိုင်းတွေမှာ ရွာသားတွေ မည်သူမဆို တံမြက်စည်း ကိုယ်စီနဲ့ တက်လာကြတယ်။ အဲဒီ သတင်းကို ကြားတော့ ရွာနီးချုပ်စပ်က လူတွေပါ လာသယ်ကြတော့တာပေါ့...။
ဒီလိုနဲ့ ဘိလပ်မြေသင်္ဘောလာတဲ့ အချိန်ဆို အဲဒီ ရွာကလေးရဲ့ သဘောင်္ဆိပ်မှာ ပွဲဈေးတန်းလိုကို စည်ကားလို့...။
ဒီလိုနဲ့ လာသယ်တဲ့လူ များလာတော့ လူတွေရတဲ့ ကိုတာ အချိုးတွေက နည်းလာတယ်။ အတီးကလဲ ဈေးပေါပေါနဲ့ ရလေတော့ များများရအောင် ဝန်ထမ်းကို ပေါင်းပြီး လာဘ်ထိုးတယ်။ ဘိလပ်မြေ အိတ်အကောင်းကို ထိုးခွဲပြီး အပျက်အစီး စာရင်း တင်ဖို့။ နောက်ပိုင်းကျတော့ အဲလို တစ်အိတ်စ နှစ်အိတ်စ ထိုးခွဲတာတွေ ဖြစ်လာတယ်။
သယ်တဲ့သူတွေကလဲ သယ်နေတာပဲ။ ကိုတာကလဲ နည်းသထက် နည်းလာတယ်။ ခါတိုင်းဆို အမှိုက်သရိုက်တွေနဲ့ ရောနေတာတွေဆို မြစ်ထဲ ပစ်လိုက်တာကနေ အခုဆို အမှိုက်တွေပါ အိမ်ကို ပြန်သယ်ပြီးမှ သတ်သတ် ထပ်ရွေးရတဲ့ အထိ ဖြစ်လာတယ်...။
ကိုဘမောင်ကတော့ လူရိုးလူအေး ဆိုတော့ သူများတွေလို ဝန်ထမ်းနဲ့ မပေါင်းတတ်...။
လူကလဲ လူဖလံလေးဆိုတော့ ကူလီမထမ်းနိုင်။
သူများတွေလို့ တွန်းထိုးပြီး လုမသယ်တတ်တော့ သိပ်မရရှာဘူးပေါ့။
အဲဒီတော့ သိပ်မကျန်ရှာဘူး။
သူပိုးပန်းနေတဲ့ ရွှေမိကို လက်ဆောင် ပစ္စည်းလေး ရွာဘုရားပွဲ အမှီ ဝယ်ပေးချင်တဲ့ အာသီသလေးကလဲ ရှိရှာတယ်။ ဒီတစ်ခေါက် သဘောင်္လာရင်တော့ ဘယ်သူ့မှ အားနာမနေတော့ပဲ တွန်းတွန်းတိုက်တိုက် လုသယ်မယ် အားခံထားရှာတယ်။
သဘောင်္လာတဲ့ နေ့မှာ သူကိုယ်တိုင် စပါယ်ရှယ် ပြင်ဆင်ထားတဲ့ ပုဆိုးစုတ်လေးကို ယူပြီး သဘောင်္ကို ရွာသားတွေနဲ့ အတူ အပြေး လာခဲ့တယ်။
ဘိလပ်မြေတွေ အကုန်သယ်ပြီးတဲ့ အချိန်မှာ သဘောင်္ပေါ်ကို ကုန်းဘောင်တံတား သစ်သားပြားကနေ အပြေးတက်ကြတယ်။
ဝမ်းဗိုက်ထဲကို အကုန် ပြေးဆင်းကြတယ်။ တံမြက်စည်းတွေနဲ့ အပြိုင်ကျုံးကြတာပေါ့။ ဘိလပ်မြေမှုန့်တွေက လေထုထဲမှာ တစ်ထောင်းထောင်းကို ထနေလို့။ အဆုတ်ထဲ အမှုန့်တွေ ဝင်သွားတာကိုလဲ ဘယ်သူမှ ဂရုမစိုက်ကြတော့ဘူး။ မြန်မြန်ရလေ များများရလေ စောစော ပြန်ရလေ။ စောစောရောင်းရလေ ညနေစာ စောစောစားရလေပေါ့။
လူတိုင်း တစ်ယောက်ကို တစ်ယောက် ဂရုမစိုက်အားတော့ဘူး။ ဘိလပ်မြေမှုန့်တွေ ကပ်နေလို့ မျက်နှာတွေ ဖြူဖွေးကုန်ပြီး မျောက်ရုပ်ပေါက်နေတာကိုလဲ မရယ်အားကြဘူး။ ကိုဘမောင်တစ်ယောက်ကတော့ အရင်ခေါက်ကတည်းက ကြည့်ထားတော့ ဝန်ထမ်းတွေ ထိုးဖောက်ထားတဲ့ ဘိလပ်မြေမှုန့်ကျနေတဲ့ နေရာကို သိနေတယ်။ သူက အေးဆေးပဲ။ သူများတွေလို လုသယ်မနေတော့ပဲ ဘေးနားက ရှပ်ပြီး ဟန်ပြလှဲနေတယ်။ ဒီလိုနဲ့ ဝမ်းဗိုက်နားမှာ ဘိလပ်မြေမှုန့်တွေ အမှိုက်သရိုက်တွေ ကုန်စင်သလောက် ဖြစ်နေပြီ။ ပြန်တဲ့ လူလဲ ပြန်နေပြီ။ ကိုဘမောင်ကတော့ မခွာသေး။ ဝန်ထမ်းတွေကလဲ လူတွေကို မောင်းထုတ်နေပြီ။ နောက်တစ်မြို့ကို သွားစရာ ရှိတယ်လေ။
ဝန်ထမ်းတွေက အကုန်ကုန်သွားပြီ ထင်ပြီး သဘောင်္ကို ကမ်းကနေ ခွာဖို့ လုပ်တယ်။
ကိုဘမောင်ကတော့ သူမြင်ထားတဲ့ ချောင်နားက ဘိလပ်မြေမှုန့်တွေကို စကျုံးတော့တယ်။ သယ်ဖို့ မေ့သွားလို့လား.. ကျန်ခဲ့တာကို မသယ်နိုင်လို့လား မသိဘူး။ ဘိလပ်မြေမှုန့်တွေဟာ အိတ်တစ်ဝက်သာသာလေး ပိုနေတယ်။ ကိုဘမောင် တစ်ယောက် ဒီတစ်ခေါက် သူယူလာတဲ့ ပုစိုးစုတ်က ဆိုဒ်သေးနေလို့ သူ့ကိုယ်သူတောင် အပြစ်တင်နေသေးတယ်။
မျက်လုံးထဲမှာတော့ ရွာဘုရားပွဲမှာ သူဝယ်ပေးတဲ့ ပါတိတ်စလေးနဲ့ လှနေမယ့် သူ့ချစ်သူလေးကို မြင်ယောင်ရင်း ဘိလပ်မြေမှုန့်တွေ ကျုံးသယ်နေတယ်။
“ဘော်.........”
ဘဘောင်္ထွက်ဖို့ အသံပေးတဲ့ ဥသြသံကြားမှ ကိုဘမောင် ကမ်းပေါ် ပြန်တက်ဖို့ သတိရတော့တယ်။ ရသလောက်ကို သယ်လာတာ လူတောင် လှမ်းရတာ အနိုင်နိုင်။ သဘောင်္ ကုန်းပတ်ပေါ် ရောက်တော့ ဝန်ထမ်းတွေက ကိုဘမောင်ကို မြင်တော့တယ်။ ကမ်းကလဲ ခွာနေပြီ။ ကုန်းဘောင်တံတားကိုလဲ သိမ်းထားလိုက်ပြီ။ မမှီတော့ဘူး။ ကိုဘမောင်က ကမ်းကို ခုန်တက်ဖို့ လုပ်တယ်။ ကမ်းပေါ်က လူတွေက မြင်တော့ ဘိလပ်မြေအိတ်ကို လွှတ်ချပြီး ခုန်ခဲ့ဖို့ ပြောတယ်။ ကိုဘမောင်တစ်ယောက် ချီတုံချတုံ ဖြစ်နေတယ်။ နောက်တော့ မိုက်ရူးရဲစွာနဲ့ ဘိလပ်မြေ ထုတ်ထားတဲ့ ပုဆိုးအိတ်နဲ့အတူ ခုန်ချလိုက်တယ်။
ရေထဲ သူကျသွားတယ်။ အိတ်ကို သူမလွှတ်ထားဘူး။ သူက ရေလဲ သိပ်ကူးတတ်တာ မဟုတ်ဘူး။ ခွေးကူးတောင် အနိုင်နိုင်ရယ်။ အခုလို အလေးအလံ ပစ္စည်းပါ ပါနေတော့ ပိုဆိုးတာပေါ့။ လူက ကူးလေ နစ်လေ ဖြစ်လာတယ်။
နောက်တော့ ခေါင်းတောင် မဖော်နိုင်တော့ဘူး ဖြစ်နေတယ်။ နောက်တော့ စုံးစုံးမြုပ်သွားလေရော....။
ကိုဘမောင် အလောင်းကို နောက်တစ်နေ့နေမှ ရွာအောက်ဖက်လောက်နားက မြစ်ကြမ်းပြင်မှာ တွေ့တော့တယ်။ သူသယ်လာတဲ့ ဘိလပ်မြေအိတ်လေးကို ရင်ခွင်မှာ မလွှတ်တမ်း ပိုက်ပြီး ခွေခွေလေး နစ်နေတာ။ မြင်သူတိုင်း စိတ်မခိုင်ကြဘူး။ မျက်ရည်လွယ်တဲ့ ရွာက မိန်းကလေး တစ်ချို့ ငိုနေကြတယ်။ ကိုဘမောင် ချစ်သူလေးကတော့ မျောသွားလို့ အိမ်ကို ပြန်ခေါ်သွားလိုက်ရတယ်။
ကိုဘမောင်ဟာသူ့ဘိလပ်မြေမှုန့်တွေကို ပလပ်စတစ်အိတ်ထဲ သေချာထည့်ထားပြီး ထုပ်ပိုးထားလေတော့ ရေတစ်စက်မှ မဝင်ဘူး။ အကောင်းအတိုင်း ရှိနေတုန်း။ သူ့လက်ထဲမှာ မလွှတ်တမ်း ဆုပ်ထားတာ လက်ကို မနည်း ဖြည်ရတယ်။ လေသင်တုန်း ရိုက်ခံထားရတဲ့ သူ့အမေ မုဆိုးမကတော့ သားအလောင်းကို မြင်ပြီး အင့်ခနဲ တစ်ချက်ရှိုက်ပြီး မေ့သွားလိုက်တာ မထနိုင်တော့ဘူး။ ကိုဘမောင် အလောင်း မြေကျတဲ့ အထိ အိပ်ရာပေါ်မှာ ကျန်နေခဲ့တယ်။
ကိုဘမောင် အလောင်းကို မြေမြုပ်ပြီး ဂူသွင်းလိုက်ကြတယ်။ သူသယ်လာတဲ့ ဘိလပ်မြေမှုန့်တွေနဲ့ အုတ်ဂူ ဆောက်ပေးလိုက်တာပေါ့။
နောက်တော့လဲ ရွာလေးလဲ သူ့ပုံမှန် အနေအထားအတိုင်း ပြန်ဖြစ်သွားလေရဲ့။
xxxxxxxxxxxxxxxxxxxxxxxx
“ဘော်...................”
ညနေ နေဝင်ချိန် ခြေခင်းသာချိန်လောက်ဆို ဒီလို သဘောင်္ ဥသြဆွဲသံကြားရင် ကိုဘမောင်တို့ ရွာသားတွေ ပျော်ကြတယ်။
ကိုဘမောင် အုတ်ဂူလေးကတော့ ရွာထိပ်က ညောင်ပင်အောက်မှာ ရေညှိတွေ တက်လို့.....။
=======================================================
မှတ်ချက်။ ။
ငယ်ငယ်တုန်းက ဖတ်မိတဲ့ ဝတ္ထုတစ်ပုဒ်ပါ...။
အဲဒါဘယ်သူရေးတာလဲ မသိဘူး။ မိုးမိုးလား မစန္ဒာလား...။
ဝတ္ထုတိုအနေနဲ့ မဟေသီလား သပြေလား ပါလာတတ်တယ်လေ။
ကိုယ်အဲဒီဝတ္ထုငယ်ငယ်က ဖတ်မိပြီး သနားလိုက်တာ
ကိုယ်သနားတဲ့ ဇာတ်ကောင်က သူက အဲဒီလို တက်ကျုံးတဲ့ ရွာသားထဲက တစ်ယောက်...။
ဘယ်နေရာမှ ကိုယ်မခံစားဘူး။ မြစ်ကြမ်းပြင်မှာ ဘိလပ်မြေထုတ်ကို လက်က မလွှတ်တမ်း ရင်ခွင်ထဲပိုက်လို့ ခွေခွေလေး ဆိုတာပဲ ဖတ်မိပြီး မြင်ယောင် စိတ်မကောင်း ဖြစ်နေတာ။
ဝတ္ထုနာမည်လေးနဲ့ စာရေးသူလေး သိချင်တယ်။
အခုက ကိုယ်ဖတ်ထားလို့ မှတ်မိသမျှလေးကို ပြန်ဆန်းသစ်လိုက်တာ။
ဝတ္ထုထဲမှာ ဘိလပ်မြေကို ဘယ်လို ထုပ်ထားတယ် ဆိုတာ မပါဘူး။ ပါလား မပါလား ဆိုတာ ကိုယ်မသေချာပါ။ ကိုယ်လဲ သတိမထားမိဘူး။ ကြီးလာမှ စဉ်းစားမိတာက တစ်ကယ်လို့ ပုဆိုးနဲ့ ထုပ်ထားရင် ရေစိမ့်ဝင်ပြီး ဘိလပ်မြေတွေ ခဲကုန်မှာပေါ့လို့။ (အခုတော့ နည်းနည်း ယုတ္တိတန်အောင် ပလပ်စတစ်နဲ့ ထုပ်ထားပေးလိုက်တယ်။ )
အရင်တုန်းက ဘိလပ်မြေ ဆိုတာ မရှိပဲ မြန်မာ့နည်း မြန်မာ့ဟန်နဲ့ လုပ်တာတွေကို မြေစေးလား သရွတ်လား ခေါ်တာ ရှိပါတယ်။ အခုခေါ်နေတဲ့ ဘိလပ်မြေက အင်္ဂလိပ်တွေဆီကနေ တင်သွင်းလာတာ ဖြစ်လေတော့ ဘိလပ်က လာတဲ့ မြေ.. ဘိလပ်မြေလို့ ခေါ်ကြတာလို့ မှတ်ဖူးတယ်။
ရေးသားသူ
Ko Boyz
at
1:04 PM
10
ယောက်က ရေးချင်တာတွေ ရေးခဲ့တယ်...။
Labels: Emotions, Miscellaneous, novel
Wednesday, September 8, 2010
Mirror
ဘယ်နေရာမှာမှ လင့်ခ်မထားချင်လောက်တဲ့ ဘလော့ဂ်ကို ရေးတတ်သူ တစ်ယောက်ဖြစ်တယ်။ အလုပ်ကို အချိန်ဆွဲနိုင်သလောက် ဆွဲတတ်တယ်။ တစ်ခါတစ်လေလဲ အဲဒါနဲ့ ဆန့်ကျင်ဖက် လုပ်နေတတ်ပြန်ရော။ အစိုးရိမ်ကြီးတတ်သူ ဖြစ်တတ်သလို တစ်ခါတစ်လေလဲ လာမယ့်ဘေး ပြေးတွေ့ဆိုတဲ့ ဆောင်ပုဒ်ကို ကျင့်သုံးတတ်ပြန်ရော။ မာယာမပါ စကားပြောတတ်သလို မုသားမပါ လင်္ကာမချော ဆိုတဲ့ အတိုင်းလဲ လုပ်တတ်ပြန်တယ်။ စိတ်ကူးထဲမှာ သံတိုင်အိမ်ဆောက်တတ်ပေမယ့် လက်တွေ့ အကောင်အထည် ဖော်ဖို့မှာတော့ ပျင်းရိနေတတ်တယ်။ တစ်ခုခုကို ကြိုမြင်တတ်တဲ့ တတိယမျက်လုံး ပိုင်ဆိုင်တယ် ထင်ရလောက်အောင် တင်ကြို သိမြင်တတ်ပေမယ့် လူမိုက်နောက်မှ အကြံရ စကားပုံဟာ သူ့အတွက် ထားခဲ့လေသလား ထင်မှတ်မှားလောက်အောင် လုပ်ပြတတ်တယ်။ တစ်ခုခုကို စိတ်ပါရင် အသည်းအသန် စူးနစ်စွာ လေ့လာမျောဝင်နေတတ်ပြီး ဟင်ဆိုရင်လဲ ဘယ်တော့မှကို ပြန်လှည့်မကြည့်ချင်တော့တဲ့ သူတစ်ယောက် ဖြစ်နေပြန်တယ်။ အကြောင်းအရာစုံကို သိနေတတ်ပေမယ့် တစ်ကယ်တမ်း စစ်စစ်ပေါက်ပေါက် မေးလာရင်တော့ ဟိုလိုလို ဒီလိုလို ဖြစ်နေတတ်တယ်။ အရာရာကို ခွင့်လွှတ်တတ်ပေမယ့် တစ်ချိန်တည်းမှာပဲ အငြိုးကြီးတတ်သူ ဖြစ်နေပြန်တယ်။ ဗေဒင်မယုံဘူး လို့ ကြွေးကြော်တတ်ပေမယ့် မဂ္ဂဇင်းထဲပါလာတဲ့ ခုနှစ်ရက်သားသမီး ဟောစာတမ်းကို ဖတ်တတ်သူ ဖြစ်နေပြန်တယ်။ အသန့်ကြိုက်တတ်သူ ဖြစ်ပေမယ့် တစ်ခါတစ်လေလဲ ပစ်စလက်ခတ် နေတတ်ပြန်ရော။ အိမ်လွမ်းသူ ဖြစ်ပေမယ့် အလည်ပြန်ဖို့က လွဲပြီး အိမ်ပြန်ဖို့ တစ်ခါမှ မစဉ်းစားခဲ့ဘူး။ တစ်ကိုယ်ကောင်းဆန်တတ်ပေမယ့် တစ်ခါတစ်လေ အများအတွက် စဉ်းစားတတ်တဲ့ ဉာဉ်ကလေးက ရှိနေတတ်ပြန်တယ်။ တစ်ပါးသူကို အားပေးစကား ပြောတတ်တဲ့နေရာမှာ အရာရောက်သလောက် ကိုယ်ကိုယ်တိုင် panic ဖြစ်လာရင် ဘေးလူက ဘယ်လိုပြောပြော မရတတ်တဲ့သူ ဖြစ်ပြန်သတဲ့။ တစ်ယောက်ယောက်ကို ချုပ်ကိုင်ခြယ်လှယ်ချင်ပေမယ့် တစ်ခါတစ်လေ လွပ်လပ်ခွင့်ကို မြတ်နိုးတတ်သူ ဖြစ်နေပြန်ရော။
စိတ်ကူးပေါက်၍ ရေးမိသည်။ ချစ်ကြည်သော မျက်စေ့နှင့် ရှုပါကုန်...။
ရေးသားသူ
Ko Boyz
at
9:13 PM
9
ယောက်က ရေးချင်တာတွေ ရေးခဲ့တယ်...။
Labels: Emotions
Sunday, September 5, 2010
မျက်ချေး
ပတ်မကြီး ထိုးခွဲတတ်တဲ့ မင်းသားရူးတွေ အကြောင်း...
ကိုယ့်ကြိုးနဲ့ ကိုယ်ပြန်ရှုပ်သွားတဲ့ ကကြိုးရုပ် အကြောင်း...
ကိုယ်ဖော်တဲ့ ဆေးကို ကိုယ်ပြန်စားလို့ မရတော့တဲ့ ဆေးဆရာ...
စပျစ်သီးချဉ်တယ်လို့ ငြီးတွားနေတဲ့ မြေခွေး...
ရေးသားသူ
Ko Boyz
at
9:13 PM
9
ယောက်က ရေးချင်တာတွေ ရေးခဲ့တယ်...။
Labels: Emotions
Wednesday, August 11, 2010
ငြိမ်းစေသတည်း....။
ရင်၌ ဖြစ်သော စကားသံသည်
လေထုထံပါးမှ တစ်ဆင့်
တောင်နံရံကို ရိုက်ခတ် မြည်ဟည်းစေ။
ထို့အတူ
ရင်၌ ဖြစ်ထွန်းသော
ချစ်ခြင်းတရားသည်
အကြွင်းတည်စေ။
ယင်းနှင့် တွဲပါလာသည့်
ရင်အစုံကို လောင်ကျွမ်းစေတတ်သော
ပူလောင်မှုများသည်
နေလာနှင်းပျောက်သကဲ့သို့
အလွမ်းများ ငြိမ်းစေသတည်း။
စာကြွင်း။ ။ ဒါဆားချက်တာနော်။
ရေးသားသူ
Ko Boyz
at
10:47 PM
4
ယောက်က ရေးချင်တာတွေ ရေးခဲ့တယ်...။
Labels: Emotions
Friday, March 19, 2010
Warning : Health Care Issue Alert (သတိ - နှလုံးသား ဖျားနာလွယ်သည်။)
ယုန်ကလေးတွေ ကိုင်ကြည့်ဖူးလား။
ကိုယ့်လက်ထဲမှာ ပွေ့ဖူးလား။
ခိုတွေ ငှက်တွေ လက်နဲ့ ဖမ်းကိုင်ထားဖူးလား။
ဖမ်းဆုပ်ဖြစ်တယ်ဆိုရင် သူတို့ ခန္ဓာကိုယ်တွေ တစ်ဆတ်ဆတ် တုန်နေတာ သတိထားမိလား။
နှလုံးခုန်သံတွေဟာ ပုံမှန်ထက် မြန်နေတယ် ဆိုတာ ခံစားဖူးလား။
အဲဒါ သူတို့ ကြောက်နေလို့ပေါ့။
ကြောက်တော့ စိတ်လှုပ်ရှားရော။
စိတ်လှုပ်ရှားတော့ ဦးနှောက်က ပုံမှန်ထက် အလုပ်လုပ်တော့ သွေးတွေ လိုတယ်။
သွေးလိုတော့ နှလုံးက ဦးနှောက်ဆီကို လိုအပ်တဲ့ သွေးပမာဏ ရောက်အောင် သွေးတွေညှစ်ပေး သန့်ပေးရသတဲ့။
အဲဒီမှာ နှလုံးက ခါတိုင်း ပုံမှန်ခုန်နေကျထက် ပိုပိုခုန်ပေးရတယ်တဲ့။
ဒီလို ပိုပိုခုန်ပေးရတော့ နှလုံးအလုပ်လုပ်ရတာ များလာရင် နှလုံးဒဏ်ပိပြီးတော့ နှလုံးရောဂါ ဖြစ်တတ်တယ်တဲ့။
အဟိတ်တိရစ္ဆာန်မှာတောင် စိတ်လှုပ်ရှားမှု များရင် နှလုံးရောဂါ ဖြစ်နိုင်တာနော်။
လူတွေမှာဆိုလဲ ဖြစ်မှာပေါ့။ လူတွေက Emotional Creature တဲ့။ စာတွေ ကဗျာတွေ ဖွဲ့တတ်တယ်။ စိတ်ကူးယဉ်တတ်ကြတယ်။ ကွန့်မြူးတတ်တဲ့ အတွေးတွေ ရှိတယ်။ ဆိုလိုချင်တာကတော့ စိတ်ခံစားချက်တွေကို ဦးစားပေးတတ်လွန်းကြတော့ နှလုံးရောဂါ ဖြစ်နိုင်ဖို့ လမ်းစဟာ တိရစ္ဆာန်တွေထက် အဆပေါင်း ၈၅.၃ ဆ ရှိတယ် ပြောပါတယ်။ တရားဝင်မဟုတ်တဲ့ သုတေသနလို့ ဆိုပါတယ်။
ဒီထဲမှာမှ အနုပညာရှင်တွေဟာ လူသာမာန်တွေထက် နှလုံးရောဂါ အဖြစ်များတာကို တွေ့ရတယ်တဲ့။ သူတို့က ကိုယ်မဟုတ်တဲ့ ဇာတ်ရုပ်တစ်ခုကို ကိုယ်ရော စိတ်ပါ နှစ်ပြီး ခံစားပြီး သဏ္ဍာန်လုပ် သရုပ်တူအောင် အလုပ်လုပ်ရတဲ့အတွက် စိတ်ခံစားမှု၊ စိတ်လှုပ်ရှားမှုတွေ များရာကနေ ဖြစ်တာလို့ ပြောပါတယ်။ ထက်ထက်မိုးဦး နှလုံးရောဂါရှိတယ်ဆိုတာ ဒါမျိုးတွေကြောင့် ဖြစ်မှာ။ မို့မို့မြင့်အောင်လဲ တစ်ခါပြောဖူးသလား မသိဘူး။ သူတစ်ခါလောက် သရုပ်ဆောင်လိုက်ရင် လူတစ်ကိုယ်လုံး ပစ်လဲချင်လောက်အောင် လူပင်ပန်း စိတ်ပင်ပန်းဖြစ်ရတယ်တဲ့။
ကိုယ်လဲ အနုပညာသမား မဟုတ်ပေမယ့် စိတ်လှုပ်ရှားလွယ်၊ ထိခိုက်လွယ်၊ ခံစားလွယ်သပ။
လွန်ခဲ့တဲ့ လေးငါးနှစ်လောက်က စပြီး သတိထားမိတာ ညညဆို နိုးလာရင် နှလုံးခုန်တာ တစ်အားမြန်ပြီး ရင်ညွှန့်ထဲက အောင့်နာလာသလိုပဲ။ သတိထားဦးမှ။ လူတစ်ယောက် မသေမချင်း နားချိန် မရှိပဲ အလုပ်ဆက်တိုက် လုပ်နေရတဲ့ သေးကွေးနုနယ် ငယ်ရွယ်တဲ့ နှလုံးသားလေးကို ဒဏ်မပိပါစေနဲ့။
တော်ရုံဆို ခံစားတတ်တဲ့ စိတ်ကို ပြင်တော့မယ်။ ဥပေက္ခာ ဆိုတဲ့ စကားလုံးကို နားလည်အောင် လုပ်တော့မယ်။ မောင်ဘွိုင်းကို စိတ်လှုပ်ရှားအောင် လာမလုပ်ကြနဲ့နော်။ နှလုံးရောဂါဖြစ်သွားရင် တရားခံ ဖြစ်သွားမယ်။ :)
(၂၀၀၉ နှစ်ဦးပိုင်းတုန်းက ရေးထားတဲ့ Personal Draft Post ပါ။ ခုမှ publish လုပ်ဖြစ်တော့တယ်။ အကြွေးတွေ ရှင်းနေတာ။ ဒါဆားချက်တာ မဟုတ်ဝူး...။ )
ရေးသားသူ
Ko Boyz
at
10:23 AM
22
ယောက်က ရေးချင်တာတွေ ရေးခဲ့တယ်...။
Labels: Emotions
Tuesday, February 9, 2010
သတ်ပုံမှားတဲ့ည
လှံဖျား ပုဇဉ်းနားတုန်း
ကျီးကန်းက ချေးပါချသတဲ့။
တိုက်တိုက်ဆိုင်ဆိုင်
ကြားလိုက်ရတဲ့ ပန်းရှိုက်သံကြောင့်
လိပ်ပြာတစ်ကောင်
လန့်ဖျတ်ပြီး ပျံထွက်သွားတယ်။
ပန်းရုံမှာတော့ ရုတ်ရုတ်သဲသဲနဲ့ ကျန်ခဲ့လေရဲ့။
မြေပြင်ကို ပွင့်လွှာတစ်ချို့ သက်ဆင်းသွားတာ မြင်ရတယ်။
ရုတ်တရက် မွေ့လိုက်တဲ့ လေရိုင်းကြောင့်လား။
နဂိုအခြေမခိုင် ယိုင်နဲ့နေတဲ့ အညှာကြောင့်လား။
မျက်ကန်းတောတိုး စိတ်ဆင်ရိုင်းတစ်ကောင်
နောင်တ ဒဏ်ရာနဲ့ အော်ညည်းနေလေရဲ့။
ခက်ထန်နုပျိုတဲ့ သားသမင်နဲ့
ရမ္မက်ထန်နေတဲ့ ကျားဘုရင်တို့
တစ်ဘက်ကို တစ်ဘက် အကဲစမ်းနေလေရဲ့။
အမှောင်တွေ ကွယ်ပျောက်ပြီး
လင်းပတဲ့ မနက်ခင်းတစ်ခုကို ရောက်ဖို့
သတ်ပုံမှားတဲ့ ည ဘယ်နှစ်ခုကို ဖြတ်ရဦးမလဲ။
ကဗျာမဟုတ်။ စာစုသာဖြစ်ပါတယ်။
နားလည်မှာ မဟုတ်တဲ့ အတွက် နားလည်ချင်ယောင်ဆောင်ပေးလဲ စိတ်မဆိုးပါဘူး။
ဘယ်သူသိတာမှတ်လို့။
ရေးသားသူ
Ko Boyz
at
5:12 PM
17
ယောက်က ရေးချင်တာတွေ ရေးခဲ့တယ်...။
Labels: Emotions, Miscellaneous
Thursday, January 28, 2010
ကိုယ်လိုချင်တာ
.
ဒီနှစ်ကူးမှာ
ကိုယ်လိုချင်တာ
“အဖေ”
နောင့်ယိင်း င်္သင်ရွှမ် အတွက်
ရေးသားသူ
Ko Boyz
at
11:10 AM
12
ယောက်က ရေးချင်တာတွေ ရေးခဲ့တယ်...။
Wednesday, October 7, 2009
ညီမလေးတစ်ယောက် ရှိခဲ့လေသည်
- လွန်ခဲ့သော ၆ နှစ်ကျော်က MDD chat ကနေ သိခဲ့တယ်။
- စေ့စပ်ထားတဲ့ ချစ်သူက လူကီးမီးယား ဖြစ်နေတယ်။
- စိတ်ညစ်နေတတ်တယ်။
- NTU ကျောင်းဆင်း။
- အဲဒီတုန်းက အော်တိုမေးရှင်း စက်ရုံတစ်ခုမှာ အလုပ်လုပ်နေတယ်။
- ကျွန်တော့်ကို အွန်လိုင်းကနေတစ်ဆင့် ကျောင်းကိစ္စ၊ ယူရမယ့် ဘာသာတွဲကို တူတူ ရွေးပေးခဲ့တယ်။ (အဲ့တုန်းက တော်တော် အားနာသွားခဲ့တယ်။ ကျွန်တော်က သူ့ကို အွန်လိုင်းမှာ ထားပြီး မေ့ပြီး ချက်တင် ဝင်နေတာ။)
- ဖိုရမ်မှာ ဝင်ရေး၊ ဝင်ဖတ်နေတာကို သူက သဘောမကျဘူး။
- ရန်ကုန် အနောက်ပိုင်းက နာမည်ကြီး ခေတ်ဟောင်း စတီရီယို အဆိုကျော် နေတဲ့ ရပ်ကွက်မှာ နေတယ်။
- အများအားဖြင့် သူနဲ့ ကျွန်တော် အီးမေးလ်နဲ့ပဲ အဆက်အသွယ် ရှိတယ်။
- အဲ့တုန်းက ကျွန်တော်က ရုံးအီးမေးလ်အပြင် အလုပ်ကထွက်တော့ boyz@autospeed.com ဆိုတဲ့၊ ပုဂံက ပိတ်ဖို့ လေးနှစ်ကြာ မေ့နေတဲ့ မေးလ်ကို သုံးပြီး သူနဲ့ ဆက်သွယ်ဖူးတယ်။
- နောက်တော့ ဘာအကြောင်းကြောင့်လဲ မသိဘူး အဆက်အသွယ် ပြတ်သွားတယ်။
- တစ်ရက်သားကျတော့ သူက သွားကျိုးဆိုတဲ့ နစ်နဲ့ မေးလ်အကောင့်တစ်ခု ဖွင့်ပြီး ပြန်ဆက်သွယ်လာဖူးတယ်။ ကျွန်တော့်ကို ဆက်သွယ်ရတာ အတော်ခက်တယ်လို့ ညည်းတယ်။
- ဒီတစ်ခေါက်မှာ သူ့သူငယ်ချင်းတွေနဲ့ ခရီးသွားနေတဲ့ ပုံတွေ ပို့လာတယ်။ (ပူလာအူပင်ကျွန်းကို အလည်သွားတယ် ထင်တာပဲ။ သူ တော်တော် ပြောင်းလဲသွားတယ်။ ပျော်လာတယ်လို့ ရိပ်မိတယ်။ သူ့အတွက် ဝမ်းသာလိုက်တာ။)
- ဖြစ်ချင်တော့ ကျွန်တော် သုံးနေတဲ့ autospeed mail ကို ပုဂံက ပိတ်လိုက်တော့ သူနဲ့ အဆက်အသွယ် ပြန်ပြတ်သွားတယ်။
- နောက်ပိုင်းမှာ autospeed မေးလ်ကို ဘန်းကျော်ကနေ ပြန်ကြည့်လို့ရတော့ အကောင့်က suspend ဖြစ်နေလို့ ပြန်ပြီး password အသစ်နဲ့ ဝင်ရတယ်။ မေးလ် အဟောင်းတွေ အကုန် ပျက်ကုန်တယ်။
- အခုထိ အဆက်အသွယ် ပြန်မရတော့ဘူး။
ဒီနေ့မှ သူ့အကြောင်းတွေ မစဉ်းစားဘဲ ခေါင်းထဲ ရောက်လာတယ်။ ညီမလေးကို သတိရလိုက်တာ။
နာမည်မှာ စိုး ပါတယ် ထင်ပါရဲ့။ သတိရရင် မေးလ်ပို့ပါ။
ရေးသားသူ
Ko Boyz
at
12:01 AM
26
ယောက်က ရေးချင်တာတွေ ရေးခဲ့တယ်...။
Labels: Emotions
Thursday, July 2, 2009
Yesterday
မနေ့က
မိုးတွေ ညို့နေခဲ့တယ်။
မနက်ခင်း နိုးထစ အချိန်မှာ
ကောင်းကင်ဟာ ဆန့်ကျင်ဖက် အလှတွေ ပေါင်းစပ်ထားလို့ပေါ့။
အနောက်ဖက်မှာ
မိုးသားတွေ အပေါ်ကို အလုအယက် လုတက်နေကြချိန်
အရှေ့ဖက်မှာတော့
နေမင်းကြီးက ထွန်းလင်းလို့ ကောင်းတုန်း။
ဒီအလှကို တစ်ဒင်္ဂ ငေးမိလို့
ဓါတ်လှေကား သုံးစင်းစာ လွှတ်သွားတယ်။
ဘတ်စ်ကား လေးစင်း ကျော်သွားတယ်။
လမ်းပေါ်မှာတော့ လူတွေ လူတွေ
ပြိုတော့မယ့် မို့ကို စိုးထိတ်တဲ့ မျက်နှာနဲ့ မော့ကြည့်နေကြလေရဲ့...။
ငါ လာရာလမ်းမှာ လူတွေ တစ်သုတ်သုတ် လျှောက်လို့ပေါ့။
မိုးအောက်မှာနေလို့ မိုးစိုတာ မဆန်းဘူး။
အမိုးအကာ ပါရဲ့သားနဲ့ မိုးစိုတာ ဆန်းနေခဲ့တယ်။
ကောင်မလေး တစ်ယောက် ထီးဆောင်းပြီး မိုးရေတွေ စိုရွှဲနေတယ်။
နှုတ်ခမ်းသားလေးက ပြာနေလို့။
ကိုယ်ခေါ်ထားတဲ့ ကားလေး ရောက်လာတယ်။
ကောင်မလေးက မိုးရေတွေ ရွှဲနေတုန်း။
ကိုယ့်ကားကို ပေးလိုက်တယ်။
ကိုယ်ကတော့ မိုးရေတွေ ရွှဲကျန်ခဲ့တယ်။
ကောင်းကင်ကတော့ အငြိုးနဲ့ မိုးတွေ သဲသဲ ရွာချတုန်း။
(လက်ကိုင်ဖုန်းနဲ့ ရိုက်ထားတဲ့ မနေ့က ပုံလေးပါ။)
ရေးသားသူ
Ko Boyz
at
1:41 PM
22
ယောက်က ရေးချင်တာတွေ ရေးခဲ့တယ်...။
Labels: Emotions
Sunday, May 10, 2009
တစ်ခါက ငယ်သူငယ်ချင်းဆီသို့...။ Kanpai
တစ်ခါတုန်းက အစ်ကိုကြီးတစ်ယောက် ပြောပြဖူးတဲ့ ချစ်သူငယ်ချင်း သုံးယောက် အကြောင်း။
ဂျပန်ရုပ်ရှင်ထဲကလို့ ဆိုပါတယ်။
မောင်ယာမာမိုတို၊ မောင်တာကာရှိနဲ့ မမိုမိုကို လို့ပဲ လွယ်လွယ် နာမည် ပေးလိုက်ပါစို့။
သူတို့ တစ်တွေရဲ့ ငယ်ဘ၀ဟာ မိခင်ဖခင်မဲ့ အနေနဲ့ ကြီးပြင်းခဲ့ရတယ်။
တစ်ယောက်ကို တစ်ယောက် အလွန်ချစ်ကြသတဲ့။ တစ်ဦးက ဒုက္ခရောက်ရင် ကျန်တစ်ဦးက ဖေးမကူညီကြတယ်။ မိတစ်ဆိုး၊ ဖတစ်ဆိုးလေးတွေဆိုတော့ တစ်ယောက်ကို တစ်ယောက် ချစ်ကြတယ်။ နားလည်ကြတယ်။
ဒီလိုနဲ့ သူတို့တတွေ အရွယ်ရောက်လာခဲ့တယ်။ ယာမာမိုတိုနဲ့ တကာရှိတို့ဟာ အခြေအနေကြောင့် ယာကူဆာ မာဖီးယား ဂိုဏ်းဝင်တွေ ဖြစ်သွားကြတယ်။ ယာမာမိုတိုအနေနဲ့ ဒီအလုပ်ကို မပျော်ပိုက်ကြောင်း၊ ဒီအဖွဲ့ကနေ ထွက်ဖို့ အမြဲကြံစည်နေတယ်။ တာကာရှိကို လဲ တိုင်ပင်တယ်။ သို့သော်ငြားလဲ တာကာရှိက ဂိုဏ်းရဲ့ စည်းမျဥ်းစည်းကမ်းကို နားလည်ထားတော့ ဒီအတိုင်းထွက်လို့ မရဘူး။ အသေထွက်မှ ထွက်လို့ရတယ် ဆိုတာကို ယာမာမိုတိုကို ပြောပြတယ်။ ဆိုလိုတာကတော့ သေမှပဲ ယာကူဆာဂိုဏ်းကနေ ထွက်လို့ရတယ်ပေါ့။
မိုမိုကိုကလဲ အရွယ်ရောက်တော့ ချစ်ကြည်နူးစရာ နှင်းဆီငုံလေးလို အလှတရားတွေနဲ့ မြင်သူတိုင်း ကြိုက်တဲ့ ပျိုပျိုမေ ဖြစ်နေတယ်။ ယာမာမိုတို နဲ့ တာကာရှိကလဲ မိုမိုကို ကို ငယ်ငယ်က ဖြူစင်တဲ့ သူငယ်ချင်း အချစ်နဲ့ ချစ်လာရာကနေ အသက်အရွယ်ကလေး ရလာတော့ အရောင်အသွေး စွန်းပေတဲ့ ၁၅၀၀ မေတ္တာနဲ့ တိတ်တခိုး ချစ်မိကြသတဲ့။
တာကာရှီကတော့ စိတ်ကြမ်း ကိုယ်ကြမ်းသမားဆိုတော့ တစ်ဖြည်းဖြည်းနဲ့ သာမာန်ဂိုဏ်းသား အဆင့်ကနေ တစ်ဖြည်းဖြည်းရာထူးကြီးတွေ ပိုင်လာတယ်။ တစ်ရက်သားမယ် ယာမာမိုတိုက မိုမိုကို ကို ချစ်နေမိတဲ့ အကြောင်း၊ ဖွင့်ပြောဖို့ အတွက် သူငယ်ချင်း တာကာရှိနဲ့ လာတိုင်ပင်တယ်။ တာကာရှိခမျာ တစ်ဘက်က ချစ်ရသူ၊ နောက်တစ်ဘက် ငယ်ငယ်ကတည်းက သူ့အတွက် အနစ်နာခံ ပေါင်းလာပေးတဲ့ သူငယ်ချင်း၊ နောက်ပြီး မိုမိုကိုကလဲ မဆွတ်ခင်က တာကာရှိ အပေါ် ညွှတ်ချင်နေသူ၊ သို့သော် သူက စိတ်ကြမ်းကိုယ်ကြမ်းဆိုတော့ မိုမိုကို သူ့ဒဏ်တွေ ခံနိုင် မခံနိုင်၊ အစရှိတဲ့ ၀ိရောဓိတွေ ကြားထဲမှာ ခေါင်းခဲနေခဲ့တယ်။
ယာကူဆာ ဂိုဏ်းမှာ အဆင့် တစ်ဆင့် ပြီး တစ်ဆင့် တက်သွားရင် တက်တူးတွေ ထိုးရတယ်။ အဲဒီတက်တူးတွေ ကြည့်ပြီး ဘယ်သူက ဘယ်အဆင့် ဆိုတာ သိတယ်။ အခု တာကာရှိက ၀မ်းဗိုက်ကနေ ထိုးလာတာ ရင်ဘတ် ရောက်နေပြီ။ လက်မောင်းမှာပဲ ထိုးဖို့ ကျန်တော့တယ်။ အဲဒီနေရာက ဘော့စ်ရဲ့ လူယုံ ညာလက်ရုံး ဒုတိယ အမြင့်ဆုံး နေရာပေါ့။ သူ့ကို ဘော့စ်ကလဲ သားအရင်း တစ်ယောက်လို ချစ်နေပြီ။ သူ့ကိုတောင် ဂိုဏ်းခေါင်းဆောင် အဖြစ် မြောက်ပေးဖို့ အထိ ဘော့စ်က စကားဦး သန်းထားတယ်။ တစ်ချိန်ထဲမှာပဲ ယာမာမိုတိုနဲ့ မိုမိုကိုတို့ သမီးရည်းစား နှစ်ယောက် ထွက်ပြေးဖို့ ကြိုးစားတာကို မာဖီးယားဂိုဏ်းသားတွေ သိသွားပြီး အပြစ်ပေးဖို့ ဘော့စ်ရှေ့ရောက်လာတယ်။
တာကာရှိခများ အချုပ်အနှောင်ခံနေရတဲ့ သူငယ်ချင်းနှစ်ယောက်ကို မြင်ရပြီး ရင်ထု မနာ ဖြစ်တာပေါ့လေ...။ သူ့ရဲ့ ချစ်သူငယ်ချင်း နှစ်ယောက် လွှတ်မြောက်အောင် သူဘယ်လို ကြံဆောင်ရမလဲ...။ နောက်ဆုံးတော့ သူကိုယ်တိုင် ဘော့စ်ကို သွား အကျပ်ကိုင်တော့တယ်။ သူ့သူငယ်ချင်း နှစ်ယောက် ထွက်ပြေးခွင့်ပေးပါ။ မပေးရင် သူ့ကိုယ်သူ သတ်သေပါ့မယ် ဆိုပြီး ခြိမ်းခြောက်တော့တယ်။ သားအရင်းလို ဖြစ်နေတဲ့ ဒုတိယ ညာလက်ရုံးရဲ့ ခံစားချက်ကို သဘောပေါက်တဲ့ ဘော့စ်ဟာ ဂိုဏ်းစည်းကမ်းကို ဖေါက်လိုက်ရတယ်။ ၂၄ နာရီအတွင်း ထွက်ပြေးခွင့်ပေးမယ်။ လွှတ်အောင် မပြေးနိုင်ရင် အဲဒီ နှစ်ယောက်ကို တာကာရှိကပဲ တာဝန်ယူ သုတ်သင်ရမယ် လို့ အမိန့်ချလိုက်တယ်။
ဒီလိုနဲ့ ချစ်သူ နှစ်ယေက်အတွက် ထွက်ပြေးရမယ့် ရက်ကို ရောက်လာတယ်။ တာကာရှိကို လာနှုတ်ဆက်ချင်ပေမယ့် တာကာရှိ အတွေ့မခံဘူး...။ ဘော့စ်ကလဲ သူ့လူတွေ အကုန်လုံးကို ဖြန့်ကျက်ပြီး လူစုခွဲထားခိုင်းတယ်။
တာကာရှိတစ်ယောက် အခန်းတစ်ခုမှာ တစ်ယောက်တည်း ထိုင်နေပြီး သူတို့ သုံးယောက် ငယ်ငယ်တုန်းက ရိုက်ထားတဲ့ ဓါတ်ပုံကို ကြည့်ပြီး ဆာကေး သောက်နေတယ်။ သူ့သူငယ်ချင်းတွေကိုလဲ ဘာအကြောင်းပဲ ဖြစ်ဖြစ် သူနဲ့ အဆက်အသွယ် မလုပ်ဖို့၊ သူတို့တစ်တွေ ဘေးအန္တရာယ် ကင်းရှင်းကြောင်းနဲ့ အေးအေးချမ်းချမ်း၊ သက်သက်သာသာ ရှိနေတယ် ဆိုတာကို သိရအောင် ရောက်ရာ အရပ်တိုင်းကနေ သူ့ဆီကို တစ်နှစ်တစ်ခါ ပိုစ့်ကဒ်တွေ မှန်မှန်ပို့ပေးဖို့ပဲ မှာလိုက်တယ်။ အခုအချိန်လောက်ဆို ချစ်သော သူငယ်ချင်း နှစ်ယောက် ဘေးလွှတ်ရာကို ရောက်လောက်ပြီ ဆိုပြီး ဂုဏ်ပြုတဲ့ အနေနဲ့ လက်ထဲက ဆာကေးခွက်ကို မိုးပေါ်မြှောက်ပြီး ကောင်းချီး ပေးလိုက်ပါတယ်...။
နားဆင်လိုသူများ အောက်က ယူထုမှာ နားဆင်နိုင်ပါတယ်။
ဝိုင်ဝိုင်း “ဖြေသိမ့်လိုက်” LIVE ဗားရှင်း
အင်္ဂလိပ် ဗားရှင်းတဲ့ အောက်က လင့်ခ်မှာ ကလစ်နှိပ်ပြီး နားဆင်နိုင်ပါတယ်။
(မကောင်းရင် ကျွန်တော့် အပြစ် မဟုတ်ပါ။ လာရောက်ဝေမျှသူ နိုင်းနိုင်း အပြစ်သာ ဖြစ်ပါကြောင်း။)ဟိဟိ
KanPai အင်္ဂလိပ်ဗားရှင်း
--------------------------------------------xxx------------------------------------------
--------------------------------------------xxx------------------------------------------
--------------------------------------------xxx------------------------------------------
''BONUS''
-----------xxx-----------
မုဒိတာ ပွားနိုင်ကြပါကုန်။
ရေးသားသူ
Ko Boyz
at
3:00 PM
30
ယောက်က ရေးချင်တာတွေ ရေးခဲ့တယ်...။
Friday, April 24, 2009
ကမ္ဘာမြေ ငြိမ်းချမ်းပါစေ။
ဖြစ်တဲ့ နေရာက သူပုန်တွေ ထိန်းချူပ်ထားတဲ့ နေရာ ဖြစ်ပါတယ်။ အခုတော့ စစ်ဆင်ရေး အကြီးအကျယ်နဲ့ လုပ်လိုက်တော့ သူပုန်တွေ လဲ ချောင်ပိတ်မိနေပါတယ်။ ချောင်ပိတ်မိရင် ခွေးတောင် ပြန်ခံ ကိုက်တယ်ဆိုတော့ သူပုန်တွေလဲ ရှိသမျှ လက်နက် အင်အားနဲ့ အသေအကျေ ခုခံမယ်ဆိုတာ မလွဲပါဘူး...။
ဒါပေမဲ့ အဲဒီအရပ်မာ နေထိုင်တဲ့ အရပ်သားများဟာ ကြားက မြေဇာပင်တွေ ဖြစ်ပြီး ခုတော့ စစ်ဘေးလွှတ်ရာကို ပြောင်းရွှေ့ ပြေးလွှားနေရတယ်. တီဗွီ သတင်း ကြည့်လိုက်ရင် ပြေးနေသူတွေ လွှားနေသူတွေ တစ်ပုံကြီးပါပဲ။
ဒီနေ့မနက် ရုံးက အလုပ်ကြမ်းသမား သီရိလကာင်္သားတစ်ယောက် မတက်စဖူး အပေါ်ကို တက်လာပါတယ်။ အရင်က အောက်ထပ်မှာ တုန်းက သူနဲ့ နောက်နောက်ပြောင်ပြောင် နေနေကျပါ။ အခု အပေါ်ထပ်ပို ပြောင်းလာတော့ အောက်ထပ်က သူနဲ့ သိပ်မတွေ့ဖြစ်ဘူး။ အိတ်ခ်ျအာနဲ့၊ သူဌေးနဲ့၊ တွေ့ချင်ကြတော့မှ သူတို့တစ်တွေ အပေါ်ထပ်တက်လာတာပါ။
မျက်စိမျက်နှာ မကောင်းလို့ မေးကြည့်တော့မှ အိမ်ပြန်ဖို့ သူဌေးကို ခွင့်လာတောင်းတာတဲ့။ သူတို့ နေတဲ့ အရပ်မှာ စစ်ဖြစ်နေတယ်တဲ့..။ ပြောရင်းနဲ့ ယောကျာ်းကြီးတန်မဲ့ မျက်ရည်တွေ ကျလာလို့ ဘာဖြစ်တာလဲ မေးလိုက်တော့ သူ့ညီငယ်တစ်ယောက် စစ်တိုက်တဲ့အထဲ ရှေ့တန်းပို့တာ ပါသွားတယ်။ မနေ့ညက သေနတ်မှန်လို့ ဆုံးသွားရှာပြီ။ အဲဒါ ပြန်မလို့ ဆိုပြီး ငိုပါလေရော...။
ရင်ထဲ တော်တော် ဆို့သွားတယ်။ ဘာမှ မပြောတတ်တော့ဘူး။ တတ်သလောက် မှတ်သလောက် သူ့ကို နှစ်သိမ့်ပေးလိုက်တယ်။ သူ့ညီအတွက် အလှူငွေ ထည့်မလို့ဟာ အိတ်ထဲမှာ ၅၀ ပဲ ကျန်တော့တာနဲ့ အဲဒီ ၅၀ နဲ့ပဲ ကူလိုက်တယ်...။
စစ်ဆိုတာ ဘာမှ မကောင်းပါဘူး...။
Latest News on Sri Lankar : Click Here and Here.
ရေးသားသူ
Ko Boyz
at
2:15 PM
9
ယောက်က ရေးချင်တာတွေ ရေးခဲ့တယ်...။
Labels: Emotions
Monday, April 6, 2009
ထိုခဏ
ဒီနေ့တစ်နေ့လုံး မိုးရွာနေတယ်။
မိုးတွေကလဲ တစ်ဂျိန်းဂျိန်းနဲ့ အညိုးတစ်ကြီး ဆိုသလို ရွာနေတာ...။
ရေတွေ အပေါ်ကနေ သွန်ချနေသလား ထင်ရအောင် ဒလဟော ကျနေတာဆို.. မိုးရွာနေတာနဲ့ မတူတော့ပဲ တာကျိုးနေတဲ့ ပုံနဲ့တောင် တူနေသေး...။
ဆိုတော့ အိမ်ထဲမှာပဲ နေနေတာ...။ ပြတင်းပေါက်ကို မိုးစက်တွေ မတရား ၀င်လာမှ ပိတ်လိုက်တယ်။
ပိတ်တုန်းက မလုံလို့ ထင်ပါ့။ မှန်ပြတင်းနှစ်ခုကြားထဲ လေတွေ တိုးသံက မသိရင်ပဲ သရဲကားထဲက လေတိုးသံလိုလို... စစ်ကားထဲက မိုင်းနင်းမိခါနီး စစ်သားတစ်ယောက် နားထဲ ကြားနေတဲ့ လေတိုးသံလိုလို၊ သားကောင်ကို ပစ်တော့မယ့်ဆဲဆဲ ချိန်ထားတဲ့ မြားတံကို ဖြတ်ပွတ်သွားတဲ့ လေတိုးသံ လိုလို ထင်မိတယ်...။ တစ်ကယ်က ကျွန်တော့် အိပ်ရာပြတင်းမှန်ကြားထဲကို ဖြတ်တိုးဝင်လာတဲ့ တစ်ဟဲဟဲနဲ့ မြည်နေတဲ့ လေသံပါ။
သေမင်းအော်သံနဲ့တောင် တူနေလေရဲ့...။
ပင်လယ်ထဲမှာ ဒီလို မိုးရွာပုံမျိုးနဲ့ဆိုရင်တော့ သဘောင်္ငယ်များ၊ ငါးဖမ်း လှေငယ်များကတော့ ဟိုလူး ဒီလာ၊ ဘယ်ညာ ယိမ်းငင်နေမှာပါ့။
ကိုတံငါများတော့ ဘယ်လို နေရှာမလဲတော့ မသိ...။
တစ်ခါသားမယ် အဲဒီလို ရာသီဥတု ဆိုးဝါးပြင်းထန်နေချိန်မှာ သင်္ဘောငယ် တစ်စင်းရဲ့ ၀မ်းဗိုက်ထဲမှာ ရောက်နေခဲ့ဖူးတယ်။ ထမင်းစားခန်းထဲကိုတောင် တည့်တည့်မတ်မတ် သွားနိုင်ဖို့ အနိုင်နိုင် ကြိုးစားရတဲ့ တစ်ခဏ...။ ဗြုန်းဆို ကုန်းပတ်ပေါ်ကို တက်တဲ့ လှေကားနားက တံခါးက ရုတ်ချည်း ပွင့်သွားလေတော့ လေတိုးသံတွေ နားထဲ ဆောင့်ဝင်လာတာ...။ တစ်ဟဲဟဲနဲ့...။
နောက်တစ်ခါကျတော့ တောင်ကြီးကနေ မန္တလေးကို ကားနဲ့ ဆင်းသွားတဲ့ အခေါက်။ မိုးရာသီ...
လေတွေ မတရားတိုက်လွန်းလို့ ကားဘေးနားက မိုးကာတွေ အကုန်ချပြီး မောင်းနေတာ။ နောက်ဆုံး မိုးကို အန်တုဖက်ပြိုင်ခြင်းငှာ မစွမ်းသာတော့တဲ့ ကိုရွှေဒရိုင်ဘာခမျာ လမ်းဘေး ကားထိုးရပ်နေရရှာတော့တယ်။ မိုးကာ အလုံပိတ်ထားတော့ လူကမွန်းကျပ်။ လူ့ချွေးစော်တွေနဲ့ မူးဝေ... ဖလန်းကနဲ လေတိုးလိုက်တော့ မိုးကာ လှန်သွားတယ်...။ လားလား.. လေတိုက်သံက တော်လဲ မြည်သလိုပဲ... (၀မ်းတွင်း မရောက်ခင် နေရာမှာ...)
အဲ..ပြောရပြန်ရင် ... နောက်တစ်ခေါက်က လေယာဉ်နဲ့ဗျ...။ မိုးရွာတော့ လေယာဉ်က အထိန်းအကွပ်မဲ့သလို ဖြစ်နေရော...။ Air pocket ဆိုလား... Turbulence ဆိုလား.. အဲဒါနဲ့ မိတော့ လေယာဉ်က အပေါ်အောက် ပြုတ်ကျလိုက် ငြိမ့်ကနဲ တက်သွားလိုက်နဲ့... ရန်ကုန်လေဆိပ်ကို မဆင်းနိုင်တော့ပဲ ပဲခူးလေဆိပ်မှာ ၀ဲနေရတယ်...။ ၂ နာရီလောက်ကြာအောင်ကို လေယာဉ်ပေါ်မှာ ဆန်ပြုတ်ရောင်းလိုက်ရတယ်...။
သဘာဝကို အန်မတုနိုင်တဲ့ လူသားများထဲက တစ်ယောက်အနေနဲ့ ဆိုးရွားတဲ့ ရာသီဥတုကို ကြုံမိတဲ့ အခိုက် ခံစားမိတာလေး ချရေးပေးလိုက်ရပါတယ်။
(မိုးနဲ့ ပါတ်သက်လို့ တစ်ပို့စ်တော့ တင်ဖြစ်အောင် တင်ပါဆိုလို့ ဆိုလာသူ တစ်ယောက်အတွက်...။)
(မရေးတတ် ရေးတတ်နဲ့မို့လို့ ရေးလိုက်တယ်...။ အကျိုး မဖြစ်ပေမယ့် အဆိပ်အတောက်တော့ မဖြစ်လောက်ဘူး ထင်ပါတယ်။)
ရေးသားသူ
Ko Boyz
at
1:19 AM
7
ယောက်က ရေးချင်တာတွေ ရေးခဲ့တယ်...။
Labels: Emotions
Sunday, December 21, 2008
လွမ်းချင်း။
လက်ပံပွင့်ချိန်
ထွေးရူးချိန်ဟု
ကလေးစနောက်
ထိုသံပေါက်ကို
ကြားသည်ခဏ
့သတိရ၏။
မိုးသည်းတွင်းလျှောက်
ရေနောက်နောက်တွင်
နောက်ကျောပွပေ
ရွှံ့စက်မြေကို
မြင်သည်ခဏ
သတိရ၏။
ဆောင်းတွင်း ဆီးနှင်း
သည်းထန်ပြင်းသော်
ညင်းတန်လေအေး
သုတ်ဆော်ပြေးကို
ကြုံသည်ခဏ
သတိရ၏။
သုံးလီဥတု
ရုန်းစုပေါင်းဖေါ်
ရမ်းရော်အတိတ်
မှန်းမျှော်စိတ်ရည်
ငယ်စဉ်တောင်ကျေး
ပေါင်းဖေါ်တည်း။
(အချပိုဒ်တွင် ပညာမပြည့်မှီ၍ စည်းဖေါက်ထားပါသည်။ ငယ်သူငယ်ချင်းကို သတိရမိ၍ ရေးမိပါသည်။ ချစ်ခင်မြတ်နိုးတတ်သော စာမျက်စေ့နှင့် ချင့်ချိန်ဖတ်ပါကုန်...။)
ရေးသားသူ
Ko Boyz
at
12:58 AM
18
ယောက်က ရေးချင်တာတွေ ရေးခဲ့တယ်...။
Labels: Emotions
Thursday, December 18, 2008
မဝံ့ခြင်းများ။
ပန်းပွင့်မြင်လျက်
အချူခက်သည်
ကျဉ်တုပ်ခံဝံ့ မခံဝံ့။
မြင်စနိုးနား
ချစ်ကြင်မှားသည်
သနားခံဝံ့ မခံဝံ့။
ကြင်သူ့ထံပါး
မြဲ ခစားသည်
နှုတ်ထွက် ဆိုဝံ့ မဆိုဝံ့။
နီးစပ်မေတ္တာ
ရင်တွင်းနာသည်
ဖွင့်ဟမြွက်ဝံ့ မမြွက်ဝံ့။
မတရားစစ်ပွဲ
တိုက် ဆင်နွဲသည်
သေပွဲ ဝင်ဝံ့ မဝင်ဝံ့။
သူရာရည်ရက်
စွဲနှစ်သက်သည်
လူသိခံဝံ့ မခံဝံ့။
ရသာရမ္မက်
စွဲ ဖြတ်ခက်သည်
ထပ်ခါစားဝံ့ မစားဝံ့။
ဒီဇင်ဘာတွင်း
ဈေးချခြင်းသည်
လိုတိုင်း ဝယ်ဝံ့ မဝယ်ဝံ့။
(လုပ်ဖို့ မဝံ့မရဲ ဖြစ်နေတာတွေ ချရေးမိပါတယ်။ အတည်ရေးလို့ မရတော့တဲ့ လက်ကြောင့် ပေါက်တတ်ကရ ဖြစ်သွားတယ်။ မေတ္တာပို့ကြပါကုန်။ သာဓု၊ သာဓု။)
ရေးသားသူ
Ko Boyz
at
1:31 PM
14
ယောက်က ရေးချင်တာတွေ ရေးခဲ့တယ်...။
Labels: Emotions
Sunday, December 14, 2008
ပန်းပျိုးသူ အလင်္ကာ
ပန်းတစ်ပွင့်ကို နောက်ကျပြီးမှ ပွင့်အာတာ သိလိုက်တယ်...။
ပန်းကတော့ နေရောင်ရနေလောက်ရောပေါ့...။
တစ်ကယ်တော့ အဲဒီနေက နေရောင်အတုမှန်း ပန်းကလေးက မသိရှာဘူး...။
ဘယ်သိမလဲ...။
ပန်းကလေးက ဖန်မီးချောင်းအောက်မှာ ပွင့်အာခဲ့တာဆိုတော့ အလင်းမြင်တိုင်း နေရောင်လို့ ထင်နေရှာတယ်...။
ပန်းလေးကို နေရောင်အောက် ရွှေ့ပေးမိတယ်...။
ဒါပေမဲ့ ပန်းလေးက သူ့ မီးချောင်က အလင်းကိုမှ မီးလို့ ထင်နေတော့တယ်...။
အော်... ပန်းလေးရယ်.... သဘာဝ အလင်းရောင်လေးကို မြင်နေတာတောင် အလင်းတုလို့ မြည်တမ်းနေတယ်...။
တစ်ကယ်တော့ ပန်းလေးက ဖန်ပေါင်းချောင်ထဲ ပိတ်မိနေတဲ့ ပန်းဆိုတာ ပန်းပျိုးသူ မေ့သွားတယ်...။
ပန်းပျိုးသူက အဲဒီပန်းကို သဘာဝ အလင်းရောင်နဲ့ မိတ်ဆက်ပေးဖို့ အတော့်ကို ကြိုးစားရမှာပါလား...။
ဒီလို အသိတွေ ၀င်လာတဲ့ အချိန်မှာတော့ ပန်းလေးက ဖန်မီးချောင်းကို အလင်းစစ်လို့ ထင်သွားပြီလေ...။
ပန်းပျိုးသူရေ.... စိတ်မကောင်းပါဘူး...။ နောင်ပွင့်အာလာမယ့် ပန်းလေးတွေကို နေရောင်အောက် အချိန်မှီ ရွှေ့ပေးဖို့ ကြိုးစားပါလေ...။
(ပန်းပျိုးသူ ဖြစ်ဖို့ မကြိုးစားခဲ့ပါဘူး...။ ပန်းဥယျာဉ်တစ်ခုကို ရောက်ရင်းနဲ့ သဘာဝ အလင်းစစ်နဲ့ အလင်းတုကို မခွဲနိုင်တဲ့ ပန်းလေးအတွက် စိတ်မကောင်းခြင်းများစွာ၊ နှမြောတသ ခြင်း များစွာ ခံစားခဲ့ရတဲ့ ပန်းကြိုက်သူပါ။)
ရေးသားသူ
Ko Boyz
at
1:10 AM
15
ယောက်က ရေးချင်တာတွေ ရေးခဲ့တယ်...။
Labels: Emotions
Thursday, December 11, 2008
Computer Addicted
ကွန်ပြူတာ သုံးတာလား.. အင်တာနက် သုံးတာလား... ဘလော့ဂ်စွဲတာလားတော့ မသိဘူး...။
ဒီနေ့မှ သတိထားမိတယ်...။
ဘယ်ဘက်လက်ညိုးက ထိပ်မှာ အသားမာ တက်နေပြီ...။
ကောင်းကြသေးရဲ့လား...။
အသားမာတက်...
ညောင်းတာက ဇက်...
အိပ် ညဥ့်နက်...
မနက် စောစောထဖို့ခက်...
တွေးမိ စံနက်
ဤငါးချက်ကြောင့်
စွဲတဲ့ အင်တာနက်
ဖြတ်မလား မေးရင်
သေတောင် ပြတ်ဘူး။
ချက်မှာပဲ...။
ရေးသားသူ
Ko Boyz
at
5:35 PM
13
ယောက်က ရေးချင်တာတွေ ရေးခဲ့တယ်...။
Labels: Emotions, Miscellaneous
Monday, December 8, 2008
Dwelling Mood
မိုးတွေ ညို့နေတယ်ကွယ်...။
မဖြစ်သင့်တာတွေကို ဖြစ်ချင်နေတဲ့ ကိုယ့်စိတ်ခံစားချက်ကို မိုးစက်မှုန်တွေက ပြက်ရယ်ပြုနေတယ်...။
စနိုးစနောင့် ဖြစ်လောက်စရာကောင်းတဲ့ မိုး၊ ဒီဇင်ဘာမှာ ရွာတဲ့ အချိန်အခါမဟုတ် မိုးက ကိုယ့်ကို ပိုပြီးတော့ ဘောင်ခတ်လိုက်တယ်...။
ရွာယောင်ယောင် ၊ ဟိုယောင်ဒီယောင် လုပ်နေတဲ့ မိုးဖွဲစွေစွေက ကိုယ့်ခံစားချက် ဒီဂရီကို ပို ပို မြှင့်ပေးနေသလိုလို...။
စစ်ကြိုခေတ် ရုပ်ရှင်ကားတစ်ခုလို မှုန်မှိုင်းနေတဲ့ ပတ်ဝန်းကျင်က နောက်ကျိကျိနဲ့ ခံစားချက်အတွေးတွေကို ရှုပ်ထွေးသွားမတတ်...။
မောင်ပိုနေမြဲ ၊ ကျားနေမြဲလား...။
ရက်စွဲလွန်နေတဲ့ ပြက္ခဒိန်ပေါ်က ခြစားရက်စွဲတွေ အကြောင်း တစ်ရက်ပြီး တစ်ရက် ရေကြည့်ရအောင်...။
ပုပ်သိုးမှုတွေ တစ်ရစ်ပြီး တစ်ရစ်ပေါ်လာ...။
မသိမသာနဲ့ အထပ်ထပ် ချည်နှောင်လာတဲ့ ဒီကြိုးဟာ နောက်ဆုံးတစ်နေ့မှာ ကိုယ့်ကို လှုပ်မရအောင် ချည်နေတဲ့ကြိုးဆိုတာ နောင်တတွေ ကျောင်းခန်းနဲ့ အပြည့်ရမှ သိလိုက်တဲ့ အဖြစ်...။
รักแท้ แพ้ใกล้ชิด တဲ့...။
ဟာဟ...။
မီးဝေးချိပ်ရော မဖြစ်နိုင်ဘူးလား...။
မိုးတွေကတော့ စွေလို့ ညို့လို့ ကောင်းတုန်းပဲကွယ်...။
ရေးသားသူ
Ko Boyz
at
11:23 AM
6
ယောက်က ရေးချင်တာတွေ ရေးခဲ့တယ်...။
Labels: Emotions
Thursday, December 4, 2008
ရင်ခတ်လိပ်ပြာ
ဆောင်းမနက်ခင်းတစ်ခု...။
နွေးထွေးသော နေရောင်ခြည်အောက်တွင် ပန်းရောင်စုံများနှင့် အပြောကျယ်လှသော ပန်းပင်လယ်ကြီး...။
မနက်ခင်း ဆောင်းနှင်းရည်ကို သောက်သုံးရသဖြင့် လတ်ဆတ်စွာ ငွားစွင့် ပွင့်လန်းနေသော ရောင်စုံပန်းပွင့်တစ်ပွင့်...။
ဝတ်ရည်အပြည့်ဖြင့် အစွမ်းကုန် လှပ ဖူးအာနေ၏။
ဆွတ်ချူလှည့်ပါ ... သောက်သုံးလှည့်ပါ... ဟု ဖိတ်ခေါ်နေသည့်အလား...။
ကိုရွှေပိတုန်း၊ ပျားမောင်ဖုန်းများသည် ဟိုမှ သည် လူးလာပျံသန်းကာ ပျားပန်းခပ် လှုပ်ရှားနေ၏။
ခေါက်တုန့်ခေါက်ပြန် ပျံသန်းနေသော လိပ်ပြာငယ်သည် အလှဆုံး ပန်းတစ်ပွင့်ကို ရွေးချယ်ရန် စိတ်စောနေ၏။
ဟိုးအဝေး တောင်တန်းများဆီမှ အပြောကျယ်လှသော ဤရောင်စုံပန်းခင်းဆီသို့ အားစိုက်ကာ အရောက်သူလာခဲ့ရ၏။
လေညှင်းလေးများ သယ်ဆောင်လာသော ပန်းရနံ့များကို ခြေရာခံလျက် မိုင်ပေါင်းများစွာ ဝေးကွာသော အရပ်ကို သူ အားစိုက်လာခဲ့ရ၏။
လေဆန်ကို မကြောက်၊ ဆောင်းချမ်းကို အံတု၊ နေပူကို ကြံ့ကြံ့ခံလျက် ဦးတည်ရာအရပ်ကို တူရူ ရောက်လာခဲ့၏။
အရှေ့ဆီမှာ ရတနာပန်းခင်းတစ်ခု သူ့ကို ကြိုဆိုလျက်...။
Edward Lorenz ဟူသည့် ပုဂ္ဂိုလ်သည် သူ့အမျိုးအနွယ်များနှင့် ပါတ်သက်၍ လွန်မင်းစွာ ဖွဲ့ဆိုတတ်ချေ၏။ကမ္ဘာ့ တောင်ဘက်ခြမ်းမှ လိပ်ပြာတစ်ကောင် တောင်ပံခတ်လိုက်သည်၌ ဆင့်ကဲ ဆိုသလိုပင် အခြားသော ကမ္ဘာ့ တစ်ဘက်ခြမ်းတွင် အားပြင်းသော မုန်တိုင်း တစ်ခု ဖြစ်နိုင်သည်။
တဲ့...။
အဆိုပါ သီအိုရီကိုပင် လိပ်ပြာတောင်ပံအကျိုးဆက် ဟူ၍ပင် တီထွင် ဖေါ်ထုတ်ခဲ့လေသည်။ အကျယ်ကိုမူ အဆိုပါ သီအိုရီကို အသေးစိတ် ရှင်းပြထားသည့် ဤနေရာတွင် ဖတ်ရှုနိုင်သည်။![]()
The butterfly effect is a phrase that encapsulates the more technical notion of sensitive dependence on initial conditions in chaos theory. Small variations of the initial condition of a dynamical system may produce large variations in the long term behavior of the system. So this is sometimes presented as esoteric behavior, but can be exhibited by very simple systems: for example, a ball placed at the crest of a hill might roll into any of several valleys depending on slight differences in initial position.
ရမ်းသန်းမှန်းသန်း ဘာသာပြန်ရသော်
လိပ်ပြာတောင်ပံ အကျိုးဆက်ဆိုသည်မှာကား ပရမ်းပတာ ဖြစ်စဉ်တစ်ခု၏ ကနဦးအစပျိုး ဖြစ်စဉ်တစ်ခုကို တင်စား ခေါ်ဝေါ်ခြင်း ဖြစ်ချေသည်။ အမြဲတမ်း လှုပ်ရှားနေသော စံနစ်တစ်ခု၏ ကနဦး အခြေအနေ ပြောင်းလဲမှုအနည်းငယ် သည် ဖြစ်စဉ်တစ်ခုလုံး၏ အကျိုးဆက်အပေါ်တွင် သက်ရောက်မှု ရှိသည်။
လူပြန်းနားလည်အောင် ပြောရချေသော် မိမိ အမှတ်မထင် ပြုလိုက်မိသော အပြုအမှု တစ်ရပ်ရပ်သည် မိမိနှင့် ပါတ်သက် ဆက်နွယ်နေသော ပုဂ္ဂိုလ်တစ်ဦးတစ်ယောက်၊ အသင်းအပင်း အဖွဲ့အစည်းတစ်ခု အပေါ်သို့ အကျိုးသက်ရောက်မှု ရှိတတ်သည့် သဘောကို ဆိုလိုလေသည်။
Lorenz မှ အဆိုပါ သီအိုရီ သဘောတရားကို ၄င်း တီထွင်ထားသော Attractor နှင့် စမ်းသပ်ပြရာတွင် အောက်ပါ ရလဒ်ကို ရရှိခဲ့လေသည်။

တူညီသော Three-dimensional evolution ဖြစ်စဉ်တစ်ခုတွင် အရာဝတ္ထုနှစ်ခုကို နေရာအနည်းငယ်သာ ခွာ၍ ထုတ်လွင့်ကြည့်ရာ ရလဒ်မှာ အချိန်ကာလာ ကြာမြင့်လာလေ လမ်းကြောင်းသွေဖည်မှု ပိုများလာလေကို တွေ့ရှိရလေသည်။
ရာသီဥတု ပြောင်းလဲမှုကြောင့် မုန်တိုင်းတစ်ခု ဖြစ်ပေါ်နိုင်သကဲ့သို့ လိပ်ပြာတစ်ကောင်၏ ရင်ခုန်သံနှင့် တိုက်ရိုက် အချိုးကျဥည့် တောင်ပံ ခတ်သံသည်လည်း အားကောင်းခက်ထန်သော မုန်တိုင်းတစ်ခုဆီသို့ ဦးတည် ဖြစ်ပေါ်နိုင်သလို ပန်းပွင့်လေပြေ တစ်ခုအဖြစ်လည်း ပြောင်းလဲနိုင်ချေ၏။
သက်ဆိုင်သူသို့...။
မဆိုင်တာတွေကို ဆွဲပြီး မဆိုင်ဆိုင်အောင်သာ ရေးထည့်လိုက်ရတယ်...။
မရည်ရွယ်ပဲ တိုက်ဆိုင်သလို ဖြစ်သွားတာတွေအတွက် ၀မ်းနည်းပါတယ်...။
တစ်ကယ်ကို မရည်ရွယ်ပါဘူး...။
ရေးသားသူ
Ko Boyz
at
5:28 PM
2
ယောက်က ရေးချင်တာတွေ ရေးခဲ့တယ်...။
Labels: Emotions
