မျောလွင့်နေသော မီးခိုးတန်းများ...။

သက်ရောက်မှုတိုင်းတွင် တန်ပြန် သက်ရောက်မှု ရှိသည်တဲ့...။
ကမ္ဘာကျော် တွေးခေါ်၊ သချာင်္ပညာရှင်ကြီး နယူတန်က အဆိုပါ တန်ပြန်နိယာမကို ဖေါ်ထုတ်ခဲ့သည်...။
မှန်သာ မမှန်သာ အပထား။
အခုထိတော့ သိပ္ပံပညာရှင်များကတော့ အဆိုပါ နိယာမအဟောင်းကို ဖက်တွယ်ထားဆဲပင်။
(ရူပဗေဒ ပညာရှင်များက အများစုပေါ့...။)
မမှန်ဘူးလို့လဲ ဘယ်သူမှ မပြောကြ...။
သက်သေပြနေရမှာ စိုးလို့ အလုပ်ရှုပ်ခံပြီး မည်သူကမှ မမှန်ကြောင်း သက်သေ မပြချေ။

ပြန်ကောက်ရသော် နယူတန်၏ နိယာမ အတိအကျ ဆိုရသော် Newton's Third Law of Motion တွင် ဆိုထားသည်မှာ

“Every force causes an equal force opposite in direction. When the tires apply a force to the ground, the ground pushes back with an equal force”

ဖြစ်ပါသတဲ့...။

သက်ရောက်မှုတိုင်းတွင် ယင်းနှင့်ညီမျှသော တန်ပြန် သက်ရောက်မှု ရှိပါသတဲ့...။
ယင်းဥပဒေသသည် နယူတန် ကျင်လည်ခဲ့သော ရုပ်ဝတ္ထု ပတ်ဝန်းကျင်၌သာ မှန်ကန်မှု ရှိလေသည်တကား...။ အို အသင် နယူတန်... အသင်သာ အခုအချိန်အထိ အသက်ရှင်နေထိုင်ဖြစ်ခဲ့မယ် ဆိုရင် အသင့်ရဲ့ နိယာမတွေဟာ အလုံးစုံ မှန်ကန်မှု မရှိတာကို တွေ့ရပါလိမ့်မယ်။ နယူတန် စတုတ္ထ နိယာမ တင်မကပဲ ပဉ္စမ ၊ ဆဌမ နိယာမ စသဖြင့် ထုတ်ရမှာ ထင်ပါတယ်...။

်ဝမ်းနည်းပါတယ် ကိုနယူတန်...။
ကျွန်တော့်နံဘေးမှာ ကြေကွဲခြင်း အပိုင်းအစတွေ ပျံ့ကျဲနေတယ်...။
တစ်ချို့တစ်ဝက်သော မကျေနပ်ခြင်းတွေက ကခုန်နေလေရဲ့...။
အလိုမကျခြင်းများနဲ့ မွန်းလှောင်နေတဲ့ အဆုတ်ထဲက လေကို ခပ်ပြင်းပြင်း ရှိုက်ထုတ်လိုက်တယ်...။

တန်ပြန် သက်ရောက်မှု မရှိတဲ့ ကနဦး သက်ရောက်မှုများကို နောင်တရမိတယ်...။
အစကတည်းက ပရမ်းပတာဖြစ်ခဲ့တဲ့ ဖြစ်စဉ်ကို ထိန်းညှိဖို့ ကြိုးစားခဲ့တဲ့ ကိုယ့်ရဲ့ မိုက်မဲမှုတွေကို ပြန်ပြင်ဖို့ အတွေးတစ်စ ဆုပ်ငင်မိတယ်...။
လမ်းချော်သွားတဲ့ အယူအဆကို လမ်းကြောင်းပြန်တည့်မလား...။
စိတ်အလိုကို လိုက်ပြီး လမ်းဟောင်းကိုပဲ ဖက်တွယ်လေမလား...။

ဖြစ်ချင်တာတွေထက် ဖြစ်သင့်တာတွေသာ ပြွမ်းထုံခဲ့တဲ့ ဒီ ကမောက်ကမ အခြေအနေကို ဘယ်အထိ ရင်နာနာနဲ့ လက်ခံနေရဦးမလဲ...။
တစ်စုံတစ်ခုသော၊ နောက်ထပ်သော ပရမ်းပတာဖြစ်ရပ်တွေ ၀င်မလာမချင်းအထိတော့ ဒီအတိုင်း ဆက်သွားရဦးမှာပါပဲလေ...။

နားလည်မှုများ ပြန်လည် သင့်မြတ်မယ့် နေ့တစ်နေ့ကို ကြေကွဲခြင်းများနဲ့ စောင့်ဆိုင်းနေရင်း...။

(တစ်ပါးသူ နားမလည်စေချင်လို့ အထက်က စာကို လူ နားမလည်နိုင်အောင် အတတ်ဆန်း ရေးထားပါတယ်။ နားမလည်ဘူးလို့ ခံစားရလျင် သင်သည် ပုံမှန် ဖြစ်ပါတယ်...။ နားလည်ပါတယ်လို့ ဆိုလာခဲ့လျင် ဒီစာဟာ အသင့်ကို ရည်ညွှန်းတာလို့ မှတ်ယူနိုင်ပြီး တစ်ယောက်ထက်ပို နားလည်ခဲ့ရင်တော့ အဲဒီ တစ်ယောက်ထက် ပိုတဲ့ တစ်ယောက်က ကိုယ့်ကိုယ်ကို လိမ်ညာနေတာ ဖြစ်ကြောင်း ပြောလိုက်ပါရစေ...။)