ခေမာရဌ် တမ်းချင်း (၃)

နိုင်းနိုင်းတစ်ယောက် မိုင်းလား/ကျိုင်းတုံသွားတောလား တွေ တင်ထားတာ ဖတ်လိုက်ရလို့ အိမ်လွမ်းစိတ်တွေ ပိုတိုးလာတယ်...။

ပုံတွေကို ကြည့်ရတာ ကိုယ်အရင်ပြန်သွားတုန်းကလောက် ဘာမှ ထူးထူးထွေထွေ ပြောင်းလဲသွားတာ မရှိဘူး...။
လူတွေကပဲ ရောင့်ရဲလွန်းတာလား ... ??? တိုးတက်ဖို့ အခွင့်အလမ်းကပဲ ရောက်မလာသေးတာလား???

ပုံတွေကို ကြည့်ပြီး ဘုရားကြီးနားတစ်ဝိုက် မျောက်ရှုံးအောင် ဆော့ခဲ့တာတွေ အမှတ်ရတယ်...။
နာရီမပါပဲနဲ့ ဘုရားကြီးရဲ့ ဘယ်နေရာကို နေထိုးခဲ့ရင် ဘယ်နှစ်နာရီ ထိုးပြီဆိုတဲ့ အထိကို ပြောနိုင်အောင် ကျွမ်းဝင်ခဲ့တဲ့ နေရာ...။

Photo Credit : နိုင်းနိုင်းစနေ

ဒီပုံမှာဆိုရင် နေရိပ်က ဘုရားကြီးရဲ့ အနောက်ဘက်မုခ်မှာ မုခ်ထိပ်ပိုင်းကို ရောက်နေပြီ...။ ဒါဆို ဒီဓါတ်ပုံ ရိုက်နေချိန်ဟာ ညနေစောင်း ၃နာရီနဲ့ ၄ နာရီကြား ပဲ...။ ကျွန်တော် အရင်က ဒီမှာ ညွှန်းခဲ့ဖူးတဲ့ ကျိုင်မိန်း လို့ခေါ်တဲ့ မြို့လည် ညောင်ပင်အောက်နားကနေ ရိုက်ထားတာ။ ညာဘက်က ကားလမ်းရဲ့ ဟိုဘက်မှာဆို “ဟိုခုံ ပရိယတ္တိ စာသင်တိုက်” ရှိတယ်။ ဂုံရှမ်းစာနဲ့ စာသင်သံဃာတော်များနဲ့ စည်ကားတဲ့ ဘုန်းကြီးကျောင်းပါ...။ ဘယ်ဘက်လမ်းကနေ အပေါ်ဘက်ကို နည်းနည်း ထပ်သွားလိုက်ရင် ကျိုင်းတုံ ဟော်တယ်သစ် (ယခင် စော်ဘွားဟော်၊ နန်းတော်) ကို ရောက်မှာပါ...။

Photo Credit : နိုင်းနိုင်းစနေ

ဟော.. ဒီပုံကျတော့ ခုနက ဘုရားကြီးကို ရိုက်နေတဲ့ နေရာကနေ ကျောဘက် ပြန်လှည့်ပြီး ရိုက်တာ...။ အုတ်တီတိုင်း နီနီနဲ့က “ဟိုခုံ ပရိယတ္တိ စာသင်တိုက်” ပေါ့...။ ဆိုင်တန်းလျား ဘေးနားက ကုန်းစောင်းလမ်းလေး အတိုင်း ဆင်းလိုက်ရင် မြို့မ ဘော်လုံးကွင်းကို ရောက်မယ်...။ အဲဒီလမ်းလေးရဲ့ ညာဘက်မှာ တင်းနစ်ကွင်း ရှိတယ်...။ ဘယ်ဘက်မှာ အရင်က ကလေးတွေ ကစားဖို့ လုပ်ထားတဲ့ ပန်းခြံလေး ရှိမယ်...။ ဘောလုံးကွင်းကို ကျော်သွားရင် နောင်လျန့်လို့ ခေါ်တဲ့ ရပ်ကွက် ကိုရောက်တယ်...။ အဲဒီ ရပ်ကွက်မှာ နေ့လည်ကနေ ညနေစောင်းအထိ မုန့်ပဲသွားရေစာတွေ ရောင်းတဲ့ မုန့်တန်းလေး ရှိတယ်...။ အဲဒီ မုန့်တန်းကို ကျော်သွားရင် နောင်တုံကန်ကို ရောက်ပြီ...။

Photo Credit : နိုင်းနိုင်းစနေ

အပေါ်က ပုံကတော့ ဝါးကျည်တောက်တွေကို မီး ရှို့နေတာ မဟုတ်ဘူး...။ အဲဒါ အထဲမှာ ကောက်ညင်းတွေကို အုန်းရည်နဲ့ ထည့်ပြီး အုန်းခွံနဲ့ ပိတ်ထားတဲ့ ရှမ်းရိုးရာ အစားအသောက် တစ်မျိုးပေါ့။ “ခေါက်လံ” လို့ ခေါ်တယ်။ ဝါးကျည်တောက် ထမင်းပေါ့။ မီးနဲ့ ကင်ပြီး အထဲက ကောက်ညှင်းတွေ ကျက်လောက်ရင် အပြင်က မီးကျွမ်းသွားတဲ့ အခွံတွေကို ဓါးန့် ခုတ်ခုတ်ပြီး ဖယ်...။ စားလို့ရပြီ...။ ပွဲတော်တွေ ဘာတွေ ကျင်းပချိန်ဆိုရင် လုံခြုံရေး အရ တုတ်ဓါးလက်နက်များ ယူဆောင်ခွင့်မရှိတော့ ကိုယ့်နှမ၊ မိန်းကလေး သူငယ်ချင်းများ၊ ရည်းစားချစ်သူများကို လက်သရမ်းသူများ ရန်မှ ကာကွယ်ဖို့ ခပ်တုတ်တုတ် ဝါးကျည်တောက်တွေ ရွေးဝယ်ကြတယ်။ ရန်ဖြစ်ရင်လဲ ဝါဒကျည်တောက်နဲ့ ရိုက်ကြတယ်...။ ပွဲခင်း အပြင်မှသာ တုတ်ဓါး လက်နက် သုံးတာ၊ ပွဲခင်းထဲဆို ဝါးကျည်တောက်ပဲ။ :D ။ ဗယာကြော် ရောင်းတဲ့ ကုလားလေးက သူတို့ အပြောအရ ကုလားပြည်က လာတာတဲ့...။ ဒီတစ်ယောက်တော့ မသိဘူး။ သူ့အရင် ရောင်းတဲ့ တစ်ယောက်ဆို ကျွန်တော်တို့ကို သူ့လက်ခုပ်နဲ့ တစ်ဆုပ်ကီး ရော့ဆိုပြီး ပေးကျွေးတတ်တယ်...။ တစ်ကျပ်ဖိုးဆိုတာ ဗိုက်ပြည့်တယ်...။ ခုများတော့ တစ်ဆယ် ဖိုးတောင် ရောင်းပါ့မလား မသိ...။ ညနေတိုင်းဆို သူရောင်းတတ်တာက ဘုရားကြီးရဲ့ အနောက်ဘက်မုခ် ရှေ့တည့်တည့်က မြဘုရားကျောင်းရဲ့ လှေကားထစ်မှာပဲ...။

Photo Credit : နိုင်းနိုင်းစနေ

ဘယ်ဘက်ခြမ်းက စေတီက “ထပ်စွမ်ခမ်း” တဲ့။ ထိပ်မှာ ရွှေအတိပြီးတဲ့ စေတီလို့ အဓိပ္ပါယ်ရတယ်။ ဒီစေတီက ကျိုင်းတုံမြို့သက်တမ်းနဲ့ ထပ်တူနီးပါးပဲ...။ ကျိုင်းတုံမြို့ကို လေယာဉ်နဲ့ ပြန်ဖြစ်ရင် အရင်ဆုံး မြင်ရတာ ဒီစေတီနဲ့ သစ်တစ်ပင်တောင် ပေါ့...။ သစ်တစ်ပင်တောင် အကြောင်းကတော့ နောက်မှ ပြောပြမယ်...။ ဒီစေတီက မဟာမြတ်မုနိ ဘုရားရဲ့ မြောက်ဘက်က ကုန်းပေါ်မှာ ရှိတယ်။ ဒါ့ကြောင့် နေရာတိုင်း ရပ်ရှစ်မျက်နှာကနေ မြင်ရတယ်...။

အလယ်က မတ်ရပ်ကိုယ်တော်ကတော့ ကျိုင်းတုံမှာ အမြင့်ဆုံး မတ်ရပ် ဗျာဒိတ်ပေး ကိုယ်တော်ပဲ။ အမှတ် မမှားရင်တော့ ၉၈-၉၉ နောက်ပိုင်းမှ တည်ထား ကိုးကွယ်တဲ့ မတ်ရပ်ကိုယ်တော် ဖြစ်တယ်...။ တည်ထား ကိုးကွယ်တဲ့ အကြောင်းရင်းနောက်ခံကိုတော့ နေးတစ်ဗ် ကျိုင်းတုံသားများသာ သိလိမ့်မယ်။

ညာဘက်နားက ဘုရားဝင်းကတော့ မြဘုရားဝင်း ဖြစ်တယ်...။ ယိုးဒယားနဲ့ နယ်နိမိတ် နီးကပ်တဲ့ နေရာ ဖြစ်တော့ ယိုးဒယားဟန် နွယ်နေတဲ့ ဘုရားပုံတော်ကို ဖူးရပါလိမ့်မယ်။ ဘုရားရှေ့က ဝါဆို ဖယောင်းတိုင်ကြီးတွေဟာ ယိုးဒယားက ထုတ်ထားတဲ့ ဖယောင်းတိုင်တွေ ဖြစ်ပါတယ်။

ကျိုင်းတုံ အကြောင်းရေးရရင် တစ်ထောင့်နဲ့ သုံးညဖြစ်သွားပါလိမ့်မယ်။ ကိုယ်ကျင်လည်ခဲ့ဖူးတဲ့ အရပ်ကို ရေးရတော့ လွမ်းမိသလိုလို၊ ခုပဲ ပြန်ချင်သလိုလို ဖြစ်မိသား...။

ဒီပို့စ်ရေးဖြစ်တဲ့အတွက် ဓါတ်ပုံတွေ တင်တဲ့ နိုင်းနိုင်းကို ကျေးဇူးတင်ပါတယ်...။
တစ်ဆက်တည်း ဒီနေရာကနေပြီး ဓါတ်ပုံ အသုံးခွင့် တောင်းပါတယ်နော့ နိုင်းနိုင်း...။ :) (Hope You Don't Mind!!)

ဆက်စပ် ဖတ်ရှုရန်။
ခေမာရဌ် တမ်းချင်း (၁)
ခေမာရဌ် တမ်းချင်း (၂)