ဆက်စပ်ဖတ်ရှုရန်။
Bangkok Trip 1 ထွက်တော်မူ နန်းက ခွာတယ်။
Bangkok Trip 2 နတ်မိမယ်တို့ ပျော်စံရာ (၂)
Bangkok Trip 3 နတ်မိမယ်တို့ ပျော်စံရာ (၃)
Bangkok Trip 4 နတ်မိမယ်တို့ ပျော်စံရာ (၄)
Bangkok Trip 5 နတ်မိမယ်တို့ ပျော်စံရာ (၅)
ကဲ အနုစာဝါ့ရီကနေ ကားစီးပြီး ထွက်လာတယ်။ ဘယ်တက္ကသိုလ်နား ရောက်တာလဲတော့ မသိဘူး။ ကျောင်းသူ ကျောင်းသားလေးတွေ ဘတ်စ်ကားမှာ ကားစောင့်နေကြတာ တွေ့ရတယ်။
အဲဒီမှာ ကားက ပျက်နေတယ်။ ဘာမဆိုင် ညာမဆိုင် ဖိုင်နယ် တက်စ်တီနေးရှင်းထဲက ဇာတ်ဝင်ခန်းကို သတိရမိပြီး ကျောချမ်းသွားသေးတယ်။ နောက်မှ ၀ီလ်စမစ်က ဟန်ကောက်ထဲကလို လာကယ်မှာပါ ဆိုပြီးတော့ စိတ်အေးသွားတယ်။
ဘန်ကောက်နီးယားများသည် ကာလာ ဖန်စီများလား မသိ..။ အရင်ပို့စ်က ပန်းရောင် တက်စီ တွေ့တော့ တက်နီကာလာ ခရေဇီတွေ ဆိုပြီး ချီးကျူးရမလား၊ ကဲ့ရဲ့ရမလား ဖြစ်နေတုန်း.. ဗြုန်းဆိုခရမ်းရောင် တက်စီကို တွေ့သဗျား။ (စကားမစပ် လေဆိပ်က စီးလာတဲ့ ကားက အစိမ်းမှာအ၀ါကို အလျားလိုက် ပတ်ထားတာ။ သူက မူလလက်ဟောင်း အော်ရီဂျင်နယ် တက်စီ။)
ဒီလိုနဲ့ သွားရင်းလာရင်း ငေးရင်းမောရင်းနဲ့ သွားလိုရာ အရပ်ကို ရောက်ခဲ့တယ်။ မြို့ပြင်နားရောက်တော့ တွေ့ပါလေရောဗျာ...။ ဘန်ကောက်အိုးများပေါ့။ နေပူလို့ ခပ်သုတ်သုတ် ရိုက်လိုက်ရတယ်။
သွားရလာရတော့ ပင်ပန်းနေပြီဗျာ။ ဗိုက်က ဆာလာပြီလေ။ ရိုးရာမပျက် တွေ့တဲ့ ဆိုင်ကို ၀င်လိုက်တော့ စားစရာတွေ ရောင်းတဲ့ဆိုင် ဖြစ်နေတယ်ဗျ။ ငါ့ဝမ်းပူဆာ မနေသာ ဆိုတော့လဲ မှာလိုက်ရတာပေါ့ဗျာ။
“ဖိခရပ်”
“ကွေ့တျိုပေ့တ် ဆောင်ထိ”
“နမ့်တုတ်ယေ့ယေ့”
ဘဲသားခေါက်ဆွဲ။
အဲဒီနောက် ဘာထပ်ရမလဲ မျက်စိ ကစားလိုက်တော့ တွေ့ပြန်ပါပြီ။ “နမ့်တုပ်” တစ်ပွဲပေးပါ။ လာပြီရော့။ “ကိုင်ယန့်” လဲ ပေးပါ။ မိုက်တယ်နော်။
နမ့်တုပ်
ကိုင်ယန့်
နောက်တော့ ဆိုင်နားမှာ ယမကာလုင် နှစ်ယောက်က လယ်ထဲက ရလာတယ်ဆိုတဲ့ ပုရစ်ကြော်လိုလို.. ဘာကောင်လဲ မသိဘူး။ အဲဒီ အကောင်တွေ ကြော်ထားတာ လာကျွေးတယ်။ ဆိမ့်သက်သက်လေးဗျ။ ကောင်းတယ်လို့ ပြောတော့ နောက်တစ်ပန်းကန်နဲ့ မောက်မောက် လာကျွေးတယ်။
ယိုးဒယား ပုရစ်ကြော်
စားပြီးတော့ လေပေါပြီးနောက် အသိ နောက်တစ်ယောက်ဆီ ထပ်သွားမယ်ဆိုပြီး လမ်းထိပ်ကို တက်စီနဲ့ ထွက်လာတယ်။ အဲဒီနောက် အချိန်းအချက် လုပ်ရာ မြို့ပြင်က PanThip Shopping Mall ကို ရောက်တယ်။ မြို့ထဲက အိုင်တီ ပစ္စည်းတွေ ရောင်းတဲ့ PanThip Plaza နဲ့ မမှားစေလိုပါ။ အဲဒီ ဖန်းထစ်ပ် ပလာဇာ အကြောင်းကို နောက်မှ ရေးပါမယ်။
အဲဒီမှာ အသိကို စောင့်နေရင်းနဲ့ လမ်းဘေးကို မျက်စိကစားကြည့်လိုက်တော့ အစိုးရက ကျားကန်ပေးတဲ့ ထိုင်းတယ်လီဖုန်းကုမ္ပဏီ ရဲ့ လမ်းဘေး ဖုန်းရုံလေးကို တွေ့မိတယ်။ ဆက်သွယ်ခ အသက်သာဆုံးလို့ ဆိုပါတယ်။ ဖုန်းပေါ်မှာ ရေးထားတာက မိုဘိုင်းဖုန်းနဲ့ နယ်အဝေးပြောကို အနည်းဆုံး တစ်မိနစ် ငါးမူး ကျသင့်ပါတယ်တဲ့။
ဗိုက်က တစ်ဂွီဂွီနဲ့ ထပ်ဆာလာပြန်ပြီ။ ဘာတွေများ စားစရာ ရှိဦးမှာပါလိမ့်...။ ဂန္ဓာရုံကိုလဲ တစ်ခုခုက လာပြီး အနှောင့်အယှက် ပေးနေပါလား...။ မှန်းစမ်း...။ အိုး.. ။ ရှလွတ်...။
ဆိုက်အိုဆိုတာ ကြက်အူများကို အသားချဉ်များ သွတ်ပြီး ကင်ထားတဲ့ ထိုင်းမြောက်ပိုင်းက အီဆန် တိုင်းရင်းသားများရဲ့ ဖေးဖရိတ် အစားအစာ ဖြစ်ပါတယ်။ ရောက်တိုင်း စားဖြစ်တဲ့ အစာပါ။ ဘယ်တော့စားစား မရိုးနိုင်ပါဘူးဗျာ။ ဆိုက်အိုဆိုတာ ထမင်းကို ကြာဇံဖတ် အနည်းငယ်နဲ့ ရောနယ်ပြီး အသားစင်းကော တစ်မျိုးမျိုးအချဉ်ပေါက်အောင် နယ်ထားတဲ့ အစားအစာ တစ်မျိုးပါ။ နာမည် အလွန်ကြီးလို့ ဘန်ကောက်မှာပါ ရောင်းချရတဲ့အထိ လူကြိုက်များပါတယ်။ လွန်ခဲ့သော ဆယ်စုနှစ် တစ်ခုကျော်ကျော်လောက်ကဆိုရင် ထိုင်းမြောက်ပိုင်းမှာသာ လူကြိုက်များခဲ့ရာက ခုမှာတော့ ထိုင်းနိုင်ငံ နေရာအနှံ့မှာ လူကြိုက်များလာတဲ့ စားစရာ တစ်ခုပါ။ ဘန်ကောက်မှာ ဒိန်းဂျားရပ်စ် ဘန်ကောက် လာရိုက်တဲ့ မင်းသမီးလေးဆိုရင် ကြိုက်လွန်းလို့ နေ့တိုင်း စားဖြစ်တဲ့ အစာ တစ်ခု ဖြစ်တယ်လို့ မသေချာတဲ့ ရိုက်ကွင်းသတင်းများက ပြောခဲ့ပါသေးတယ်။
ဆိုက်အို
စင်ကာပူမှာတော့ ယိုးဒယားအစားအသောက်တွေ ရောင်းတဲ့ နေရာတစ်နေရာ ရှိပါတယ်။ ဂိုးဒန်းမိုင်းလို့ ဆိုလိုက်ရင် ဒီဘလော့ကို လာဖတ်လေ့ရှိတဲ့ ပုံမှန်စာဖတ်သူများနဲ့ ရင်းနှီးတဲ့ နေရာပါ။ မသိသူများအတွက် လမ်းညွှန်ပါရစေ။ လာဗဲန်းဒါး ဘူတာကနေ ICA ဘက် ထွက်လိုက်ပါ။ အဲဒီကနေ တိုက်ကြားက လမ်းလေးကနေ တစ်ဆင့် သွားရပါသေးတယ်။ လမ်းမကြီး တစ်ခုကို ဖြတ်သွာလိုက်ပါ။ နောက်ထပ် နည်းနည်းလေး ထပ်လျှောက်လိုက်တာနဲ့ ယပက်လက်တွေ ကျက်စားရာ နေရာကို ရောက်ပါမယ်။ ဂုံးကျော်တံတားလေးကနေ ဂိုးဒန်းမိုင်း လို့ခေါ်တဲ့ ရှောပင်းမောလ်ကို သွားလို့ရပါတယ်။ တံတားပေါ်ကနေ မောလ်ထဲ မရောက်ခင် အောက်ဘက်ကို ကြည့်လိုက်ရင် ဘူမိနတ် လို့ ခေါ်ရမယ့် ကျောက်ထိ ဆိုတာ ကို ကိုးကွယ်တဲ့ နတ်ကွန်းကို တွေ့ရပါမယ်။ မောလ်ထဲကို လျှောက်သွားလိုက်ပါ။ ပထမထပ်ကို ရောက်ပါမယ်။ ကက်ဆက်တွေ၊ အခွေတွေ ရောင်းတဲ့ ဆိုင်ကို ကျော်လိုက်ပါ။ ညာဘက်မှာ အောက်ထပ်ဖြစ်တဲ့ မြေညီထပ်ကို ဆင်းတဲ့ လှေကားကို တွေ့ပါလိမ့်မယ်။ ဆင်းလိုက်ပါ။ တည့်တည့် ဆက်လျှောက်ပါ။ Din Dean Lea Lurk ဆိုတဲ့ ဆိုင်လေး တွေ့ပါလိမ့်မယ်။ ဟုတ်ကဲ့ အဲဒီဆိုင်မှာ ထိုင်းစာတွေ မှာစားလို့ရပါတယ်။ မြန်မာလို ပြောတတ်တဲ့ ကိုကို မမ များလဲ ရှိပါတယ်။ မမှာတတ်ရင် သူတို့ကို မှာလို့ ရပါတယ်။ ဒီနေ့တော့ ဒီလောက်နဲ့ ကျေနပ်ပါခင်ဗျာ။
ဗျာ...။
ဆိုက်အိုလား...။ အော် အဲဒီဆိုင်က မမတွေ မေးကြည့်ပါလား။
မရဘူးတဲ့...။ ဟိဟိ
ခက်ဆစ်။“ကွေ့တျိုပေ့တ်” = ဘဲသား ခေါက်ဆွဲ။
“ဆောင်ထိ” = နှစ်ပန်းကန်။
“နမ့်တုတ်” = အသားသုပ်။
“ယေ့ယေ့” = များများ။
